កម្រងរូបភាពនៃព្រឹត្តិការណ៍សំខាន់ៗ និងទិដ្ឋភាពនានាមកពីប្រទេសផ្សេងៗនៅជុំវិញពិភពលោក។
រូបភាពជុំវិញពិភពលោក ២៦ កក្កដា ២០១៨
១
មន្ត្រីប្រចាំការម្នាក់ព្យាយាមពន្លត់ភ្លើងនៅពេលអតីតមន្ត្រីអ៊ុយក្រែនម្នាក់ឈ្មោះ Serhii Ulianov បានដុតខ្លួនឯងក្នុងការធ្វើបាតុកម្មប្រឆាំងនឹងការបណ្ដេញលោកចេញពីកងកម្លាំងប្រដាប់អាវុធ នៅខាងមុខបញ្ជាការដ្ឋានក្រសួងការពារជាតិអ៊ុយក្រែន នៅទីក្រុងកៀវ ប្រទេសអ៊ុយក្រែន។
២
ក្មេងស្រីម្នាក់លេងនៅកន្លែងបាញ់ទឹកដើម្បីឲ្យត្រជាក់ខ្លួននៅក្នុងឧទ្យានមួយ នៅរដូវក្តៅក្នុងទីក្រុងតូក្យូ ប្រទេសជប៉ុន។
៣
ក្រុមអ្នកសម្តែងពីក្រុម Gandini Juggling កំពុងហាត់សមដើម្បីសម្តែងក្នុងកម្មវិធីមួយ មុនពេលចាប់ផ្ដើមនៃការសម្តែងសៀក នៅអាគារ Somerset ក្នុងទីក្រុងឡុងដ៍ ប្រទេសអង់គ្លេស។
៤
A man rows a boat in the Yamuna River, which is covered with a chemical foam caused by industrial and domestic pollution, during the Chhath Puja festival in New Delhi, India.
៥
បុរសប៉ាគីស្ថានចំណាស់ម្នាក់បង្ហាញដៃជ្រលក់ទឹកខ្មៅ ក្រោយពេលបានបោះឆ្នោតនៅការិយាល័យបោះឆ្នោតមួយនៅទីក្រុង Lahore ប្រទេសប៉ាគីស្ថាន។
៦
អ្នកកាន់ទុក្ខជនជាតិប៉ាឡេស្ទីនសែងសាកសព Obada Farwana ក្នុងពិធីបុណ្យសពនៅទីក្រុង Gaza City។
៧
ក្មេងៗកំពុងរាំនៅក្នុងកន្លែងរាំមួយឈ្មោះ Mangyongdae ក្នុងទីក្រុងព្យុងយ៉ាង ប្រទេសកូរ៉េខាងជើង។
៨
ប៉ូលិសបង្ក្រាបកុបកម្មរបស់ប្រទេសហុងឌូរ៉ាស បាញ់គ្រាប់បែកបង្ហូរទឹកភ្នែកទៅលើសិស្សនិស្សិតនៅសាកលវិទ្យាល័យNational Autonomous University របស់ប្រទេសហុងឌូរ៉ាស នៅពេលពួកគេធ្វើបាតុកម្មទាមទារការបញ្ចុះតម្លៃសាំង នៅទីក្រុង Tegucigalpa។
៩
ក្មេងៗនិងសមាជិកគ្រួសារផ្សេងទៀតចូលរួមក្នុងការធ្វើបាតុកម្មអង្គុយលើផ្លូវក្រោយមានការដង្ហែក្បួនមួយដើម្បីរំលឹកដល់ថ្ងៃកំណត់ដែលតុលាការបានសម្រេចឲ្យរដ្ឋបាលរបស់លោកត្រាំ អនុញ្ញាតឲ្យក្រុមគ្រួសារដែលត្រូវបំបែកនៅព្រំដែន រួមរស់ជាមួយគ្នាឡើងវិញ។ បាតុកម្មនេះធ្វើឡើងនៅរដ្ឋធានីវ៉ស៊ីនតោន។
១០
ក្មេងៗកំពុងលេងទឹកបាញ់នៅ Parc Andre Citroen ក្នុងទីក្រុងប៉ារីស។