រូបភាពជុំវិញពិភពលោក ២៤ កក្កដា ២០១៧

25 កក្កដា 2017

រូបភាពជុំវិញពិភពលោកថ្ងៃទី២៤ ខែកក្កដា ឆ្នាំ២០១៧ មកពីប្រទេសអង់គ្លេស អាហ្វហ្គានីស្ថាន រុស្ស៊ី ឥណ្ឌា ហ្វីលីពីន បារាំង ដាណឺម៉ាក សហរដ្ឋអាមេរិក ម៉ាឡេស៊ី និងហៃទី។

ផ្សេងទៀត

យន្តហោះរបស់ក្រុមហ៊ុនអាកាសចរណ៍ British Airways ហោះហើរនៅក្បែរឥន្ទធនូនៅតាមផ្លូវទៅកាន់ព្រលានយន្តហោះ Heathrow នៅក្នុងក្រុងឡុងដ៍ ប្រទេសអង់គ្លេស។

បុរសអាហ្វហ្គានីស្ថានម្នាក់ដែលបានបាត់បង់កូនប្រុសរបស់គាត់កាន់ទុក្ខនៅក្នុងមន្ទីរពេទ្យ បន្ទាប់ពីមានការវាយប្រហារដោយគ្រាប់បែកអត្តឃាតនៅក្នុងក្រុងកាប៊ុល ប្រទេសអាហ្វហ្គានីស្ថាន។

កីឡាការនី Marissa Papaconstantinou មកពីកាណាដាកំពុងឆ្ពោះទៅកាន់ទីផ្តាច់ព្រ័ត្រ បន្ទាប់ពីដួលនៅក្នុងការប្រកួតរត់ប្រណាំង Women's 200m T44 ក្នុងវគ្គផ្តាច់ព្រ័ត្រ សម្រាប់ពានរង្វាន់ IAAF World ParaAthletics Championships។

ខ្លាឃ្មុំមួយក្បាលហែលទឹកនៅក្នុងអាងនៅមជ្ឈមណ្ឌលបង្កើតអំបូរសត្វកម្រឡើងវិញ នៅក្នុងសួនសត្វ Moscow Zoo នៅក្នុងភូមិ Sychevo ប្រទេសរុស្ស៊ី។

សមាជិកនៃសហគមន៍ Jain របស់ឥណ្ឌាប្រមូលផ្តុំគ្នាដើម្បីគាំទ្រសមាជិកផ្សេងទៀតដែលចូលរួមក្នុងចលនា «ការអត់អាហារដើម្បីសន្តិភាពពិភពលោក» អស់រយៈពេល៨ថ្ងៃកន្លងទៅ នៅក្នុងក្រុង Hyderabad ប្រទេសឥណ្ឌា។

អ្នកគាំទ្រតំបន់ Gorkhaland ប្រទេសឥណ្ឌាស្រែកពាក្យស្លោក និងចងខ្លួនជាមួយនឹងច្រវ៉ាក់ ក្នុងពេលដើរក្បួនបាតុកម្មមួយនៅក្នុងក្រុងញូវដេលី។

បាតុករបង្ហាញរូបសំណាករបស់លោកប្រធានាធិបតី Rodrigo Duterte ក្នុងពេលដើរក្បួនមួយទៅកាន់សភាហ្វីលីពីណ មុនពេលធ្វើសុន្ទរកថា State of the Nation របស់លោកប្រធានាធិបតី Duterte នៅក្នុងក្រុង Quezon ប្រទេសហ្វីលីពីន។