រូបភាពជុំវិញពិភពលោកថ្ងៃទី២១ ខែកក្កដា ឆ្នាំ២០១៦ មកពីប្រទេសស្វីស ឥណ្ឌូនេស៊ី ចិន កូរ៉េខាងជើង ម៉ុងហ្គោលី លីប៊ី កូឡុំប៊ី និងឥណ្ឌា។
-
-
កម្មវិធីវិទ្យុរបស់ VOA
ស្តាប់ការផ្សាយផ្ទាល់
-
![]()
05:00 - 05:30
-
-
កម្មវិធីបន្ទាប់
-
20:30 - 21:30
ព័ត៌មានពេលរាត្រី
-
05:00 - 05:30
ព័ត៌មានពេលព្រឹក
-
-
កម្មវិធីវិទ្យុរបស់ VOA
-
កម្មវិធីវិទ្យុផ្សេងទៀត
រូបភាពជុំវិញពិភពលោក ២១ កក្កដា ២០១៦
1
កងកម្លាំងលីប៊ី ជាប់សម្ព័ន្ធជាមួយនឹងរដ្ឋាភិបាលគាំទ្រដោយអង្គការសហប្រជាជាតិបាញ់យុទ្ធភណ្ឌនៅអំឡុងពេលសង្រ្គាមមួយជាមួយនឹងយុទ្ធជនពួករដ្ឋឥស្លាមក្នុងក្រុង Sirte ប្រទេសលីប៊ី។
2
បុរសកុលសម្ព័ន្ធ Pnar ឬ Jaintia ធ្វើការរាំរែកនៅក្នុងទឹកភក់អំឡុងពេលការអបអរសាទរពិធីបុណ្យ Behdienkhlam នៅភូមិ Tuber រដ្ឋ Meghalay ភាគឦសានប្រទេសឥណ្ឌា។ ពិធីបុណ្យ Behdienkhlam ជាពិធីបុណ្យប្រពៃណីរបស់កុលសម្ព័ន្ធ Pnar បន្ទាប់ពីការសាបព្រោះស្រូវត្រូវបានធ្វើរួចរាល់ ដែលធ្វើឡើងដើម្បីសុំទិន្នផលល្អ និងដេញជំងឺចង្រៃចេញ។
3
ប៉ូលិសរត់តម្រង់ទៅបារ៉ាសដែលរងការឆាបឆេះបង្កឡើងដោយអ្នកបើករថយន្តកុងតឺន័រដែលធ្វើបាតុកម្មតវ៉ា នៅក្រុងបូហ្គោតា ប្រទេសកូឡុំប៊ី កាលពីថ្ងៃទី២០ ខែកក្កដា ឆ្នាំ២០១៦។ អ្នកបើករថយន្តកុងតឺន័ររាប់រយនាក់ ដែលបានធ្វើការតវ៉ាសុំឡើងថ្លៃសម្រាប់ការដឹកទំនិញ តម្លៃប្រេងទាបជាងមុន និងច្បាប់តិចតួចជាងមុនលើអាជ្ញាបណ្ណសម្រាប់ទំនិញ បានប៉ះទង្គិចគ្នាជាមួយប៉ូលិសនៅថ្ងៃទី៤១ នៃការធ្វើបាតុកម្មតវ៉ារបស់ពួកគេ ដែលនេះបានបង្កឲ្យមានកង្វះខាតអាហារនៅតំបន់មួយចំនួននៅក្នុងប្រទេស។
4
រូបភាពពីលើអាកាសបង្ហាញពីហ្វូងសត្វជៀមមួយនៅវាលខ្សាច់ Gobi ប្រទេសម៉ុងហ្គោលី។
5
គ្រាប់រ៉ូកែតរយៈចម្ងាយវែងត្រូវថតបាននៅអំឡុងពេលលំហាត់សមដោយកងកាំភ្លើង Hwasong កងកម្លាំងផ្នែកយុទ្ធសាស្រ្ត KPAនៅក្នុងរូបភាពមិនបង្ហាញកាលបរិច្ឆេទមួយដោយទីភ្នាក់ងារព័ត៌មានជាតិកូរ៉េខាងជើងក្នុងក្រុងព្យុងយ៉ាង ប្រទេសកូរ៉េខាងជើង។
6
ក្រុមអ្នកចូលរួមទទួលទានម្ទេស ខណៈដែលពួកគេត្រាំខ្លួននៅក្នុងទឹកកក អំឡុងពេលការប្រកួតទទួលទានម្ទេសក្នុងក្រុង Hangzhou ខេត្ត Zhejiang ប្រទេសចិន កាលពីថ្ងៃទី២០ ខែកក្កដា ឆ្នាំ២០១៦។
7
ក្រុមអ្នកភូមិចាប់កាក់បោះដោយអ្នកមានជំនឿស៊ប់សាសនាហិណ្ឌូនៃកុលសម្ព័ន្ធ Tengger អំឡុងពេលពិធីបុណ្យ Yadnya Kasada នៅមាត់ភ្នំភ្លើង Mount Bromo ក្នុងក្រុង Probolinggo ប្រទេសឥណ្ឌូនេស៊ី។ នៅអំឡុងពេលពិធីបុណ្យប្រចាំឆ្នាំមួយនេះ អ្នកភូមិ Tengger ឡើងភ្នំ Mount Bromo ដែលជាភ្នំភ្លើងសកម្មមួយ ហើយស្វែងរកការប្រោសព្រំដោយអាទិទេព Hyang Widi Wasa តាមរយៈការផ្តល់ដង្វាយដូចជា ស្រូវ ផ្លែឈើ មាន់ទា និងទិន្នផលក្នុងស្រុកផ្សេងទៀត។
8
ក្រុមអ្នកសម្តែងឈរលើឈើខ្ពស់ «Afuma» ពីប្រទេសតូហ្គោ ធ្វើការសម្តែងនៅអំឡុងពេលពិធីបុណ្យ Paleo ក្នុងក្រុង Nyon ដែលជាពិធីបុណ្យតន្ត្រីនៅទីវាលធំជាងគេបង្អស់មួយនៅប្រទេសស្វីស កាលពីថ្ងៃទី២០ ខែកក្កដា ឆ្នាំ២០១៦។
