រូបភាពជុំវិញពិភពលោកថ្ងៃទី០២ ខែកក្កដា ឆ្នាំ២០១៨ មកពីសហរដ្ឋអាមេរិក ប្រទេសថៃ រុស្ស៊ី បារាំង ប្រេស៊ីល អ៊ីតាលី និងស្វ៊ីស។
រូបភាពជុំវិញពិភពលោក ០២ កក្កដា ២០១៨
១
សមាជិកគ្រួសារម្នាក់បង្ហាញរូបភាពចុងក្រោយរបស់ក្មេងដែលបាត់ខ្លួន និងថតបានដោយក្រុមអ្នកមុជទឹកនៅខាងក្នុងរូងភ្នំ Tham Luang នៅពេលដែលក្រុមអ្នកមុជទឹករកឃើញថា ក្រុមក្មេងៗទាំងនេះនៅរស់រានមានជីវិត នៅក្នុងរូងភ្នំ នៅក្នុងក្រុង Mae Sai ខេត្ត Chiang Rai កាលពីថ្ងៃទី២ ខែកក្កដា ឆ្នាំ២០១៨។ ក្មេងប្រុស១២នាក់ និងគ្រូបង្វឹករបស់ពួកគេបានជាប់នៅក្នុងរូងភ្នំដែលលិចទឹកអស់រយៈពេល៩ថ្ងៃ ប៉ុន្តែឥឡូវត្រូវបានរកឃើញថា «សុវត្ថិភាព»។
២
នាង Buena Ventura Martin-Godinez (រូបកណ្តាល) កាន់កូនប្រុសរបស់នាងឈ្មោះ Pedro (រូបឆ្វេង) នៅពេលនាងបានជួបជុំជាមួយនឹងកូនស្រីរបស់នាងឈ្មោះ Janne (រូបស្តាំ) នៅព្រលានយន្តហោះអន្តរជាតិ Miami កាលពីថ្ងៃទី១ ខែកក្កដា ឆ្នាំ២០១៨ នៅក្នុងក្រុង Miami រដ្ឋ Florida សហរដ្ឋអាមេរិក។ នាង Martin ចាកចេញពីប្រទេសម៉ិកស៊ិកឆ្លងដែនចូលសហរដ្ឋអាមេរិកជាមួយនឹងកូនប្រុសរបស់នាង ដោយរត់គេចពីអំពើហិង្សានៅក្នុងប្រទេសក្វាតេម៉ាឡា។ ប្តីរបស់នាងបានឆ្លងដែនពីរសប្តាហ៍ក្រោយ ជាមួយនឹងកូនស្រីឈ្មោះ Janne អាយុ៧ឆ្នាំ។ ពួកគេត្រូវបានប៉ូលិសព្រំដែនចាប់ខ្លួន និងចាប់បំបែក។ កូនស្រីរបស់នាងត្រូវបានគេដោះលែងពីភ្នាក់ងារសុខមាលភាពកុមារនៅក្នុងក្រុង Michigan។
៣
កីឡាករ Neymar របស់ប្រេស៊ីល (រូបឆ្វេង) និងកីឡាករ Edson Alvarez របស់ម៉ិកស៊ិកទែតបាល់នៅក្នុងការប្រកួតជម្រុះដើម្បីដណ្តើមយកពានរង្វាន់ World Cup ២០១៨ នៅក្នុងស្តាត Samara Arena ក្រុង Samara ប្រទេសរុស្ស៊ី កាលពីថ្ងៃទី២ ខែកក្កដា ឆ្នាំ២០១៨។
៤
អ្នកបង្ហាញម៉ូដម្នាក់បង្ហាញម៉ូដដែលរចនាដោយអ្នកច្នៃម៉ូដអៀងឡង់ឈ្មោះ Van Herpen ដែលនេះជាផ្នែកមួយនៃកម្មវិធីបង្ហាញម៉ូដ Haute Couture សម្រាប់រដូវស្លឹកឈើជ្រុះ/រដូវរងា ឆ្នាំ២០១៨/២០១៩ នៅក្នុងក្រុងប៉ារីស ប្រទេសបារាំង។
៥
អ្នកគាំទ្របញ្ចេញប្រតិកម្មនៅពេលមើលការផ្សាយផ្ទាល់នៃការប្រកួតបាល់ទាត់ World Cup ២០១៨ រវាងក្រុមប្រេស៊ីល និងម៉ិកស៊ិក នៅក្នុងក្រុង Rio de Janeiro ប្រទេសប្រេស៊ីល។
៦
ប៉ូលិសអ៊ីតាលីម្នាក់ធ្លាក់ពីលើសេះក្នុងពេលដើរក្បួនមួយ មុនការប្រណាំងសេះ Palio of Siena។
៧
អ្នកពន្លត់អគ្គិភ័យមើលផ្សែងចេញពីតំបន់ County Fire ក្នុងក្រុង Guinda រដ្ឋ California កាលពីថ្ងៃទី១ ខែកក្កដា ឆ្នាំ២០១៨។ អាជ្ញាធរបានចេញសេចក្តីព្រមាន និងបញ្ជាឲ្យជម្លៀសប្រជាជនចេញ បន្ទាប់ពីមានការឆេះព្រៃជាបន្តបន្ទាប់។
៨
កីឡាករ Josip Pivaric កីឡាករ Domagoj Vida និងកីឡាករ Dejan Lovren របស់ក្រូអាស៊ីសាទរ បន្ទាប់ពីឈ្នះបាល់ពិន័យ១១ម៉ែត្ររវាងក្រុមក្រូអាស៊ី និងដាណឺម៉ាក នៅក្នុងការប្រកួតបាល់ទាត់ World Cup ២០១៨ នៅស្តាត Nizhny Novgorod ប្រទេសរុស្ស៊ី កាលពីថ្ងៃទី១ ខែកក្កដា ឆ្នាំ២០១៨។
៩
មនុស្សម្នាហែលទឹកនៅក្នុងរដូវក្តៅមួយនៅក្នុងទន្លេ Limmat ក្រុង Zurich ប្រទេសស្វ៊ីស កាលពីថ្ងៃទី១ ខែកក្កដា ឆ្នាំ២០១៨។