រូបភាពជុំវិញពិភពលោកថ្ងៃទី១៩ ខែកក្កដា ឆ្នាំ២០២០ មកពីសហរដ្ឋអាមេរិក ប្រទេសឥណ្ឌា កេនយ៉ា ឥណ្ឌូណេស៊ី អង់គ្លេស ប្រេស៊ីល កូសូវ៉ូ អ៊ីស្រាអែល ថៃ និងចិន។
រូបភាពជុំវិញពិភពលោក ១៩ កក្កដា ២០២០
1
ក្មេងប្រុសម្នាក់ត្រៀមលោតពីដើមដូងចូលទៅក្នុងបឹងមួយនៅក្នុងក្រុង Kolkata ប្រទេសឥណ្ឌា។
2
មនុស្សម្នាចូលរួមការអធិដ្ឋាននៅក្នុងព្រះវិហារមួយនៅក្នុងតំបន់អាណាធិបតេយ្យ Kebera ក្នុងក្រុង Nairobi បន្ទាប់ពីប្រធានាធិបតីកេនយ៉ា លោក Kenyatta បញ្ជាឱ្យបើកកន្លែងអធិដ្ឋានឡើងវិញ ដោយស្ថិតក្រោមវិធានការតឹងរ៉ឹងដើម្បីទប់ស្កាត់ការរីករាលដាលនៃជំងឺកូវីដ១៩។
3
បុរសម្នាក់ដើរកាត់ភក់ជាមួយនឹងស៊ុមរូបភាពព្រះយេស៊ូ បន្ទាប់ពីមានទឹកជំនន់ដែលបណ្តាលឱ្យមានមនុស្សស្លាប់ និងមនុស្សជាច្រើននាក់បាត់ខ្លួន នៅក្នុងក្រុង North Luwu ខេត្ត South Sulawesi ប្រទេសឥណ្ឌូណេស៊ី កាលពីថ្ងៃទី១៨ ខែកក្កដា ឆ្នាំ២០២០។
4
ព្រះនាង Beatrice នៃចក្រភពអង់គ្លេស និងលោក Edoardo Mapelli Mozzi ឈរនៅលើផ្លូវចូលព្រះវិហារ The Royal Chapel of All Saints បន្ទាប់ពីការរៀបអភិសេករបស់ព្រះនាងកាលពីថ្ងៃទី១៨ ខែកក្កដា ឆ្នាំ២០២០។
5
លោក Anderson de Souza សម្តែងសៀក Estoril ទោះជាមានការរាតត្បាតនៃមេរោគកូរ៉ូណាក្តី នៅក្នុងក្រុង Rio de Janeiro ប្រទេសប្រេស៊ីល កាលពីថ្ងៃទី១៨ ខែកក្កដា ឆ្នាំ២០២០។
6
មនុស្សម្នាក់លោតជ្រមុជទឹកពីស្ពានកម្ពស់២២ម៉ែត្រ នៅក្បែរក្រុង Gjakova ប្រទេសកូសូវ៉ូ ដែលជាសញ្ញាមួយនៃការតវ៉ា បន្ទាប់ពីប៉ូលិសបានលុបចោលការប្រកួតលោតជ្រមុជទឹកកម្ពស់ខ្ពស់បែបប្រពៃណីប្រចាំឆ្នាំលើកទី៧០ នៅស្ពាននេះដោយសារតែអ្នកទស្សនាត្រូវរក្សាគម្លាតសង្គម។
7
ប៉ូលិសម្នាក់នៃមន្ទីរប៉ូលិសញូវយ៉កបានរងរបួស បន្ទាប់ពីព្យាយាមឃាត់ខ្លួនអ្នកតវ៉ាម្នាក់ដែលព្យាយាមគូររូបនៅលើផ្លូវ ដែលជាផ្នែកនៃចលនាជីវិតពលរដ្ឋស្បែកខ្មៅមានតម្លៃ នៅខាងក្រៅអគារ Trump Tower ក្នុងសង្កាត់ Manhattan កាលពីថ្ងៃទី១៨ ខែកក្កដា ឆ្នាំ២០២០។
8
ប៉ូលិសអ៊ីស្រាអែលប្រើប្រាស់កាណុងទឹកដើម្បីបំបែកបាតុករ ក្នុងពេលតវ៉ាមួយប្រឆាំងនឹងនាយករដ្ឋមន្ត្រីលោក Benjamin Netanyahu នៅក្នុងក្រុង Jerusalem កាលពីថ្ងៃទី១៨ ខែកក្កដា ឆ្នាំ២០២០។
9
បណ្តុំផ្កាយ Milky Way ត្រូវបានមើលឃើញពីព្រះវិហារ International Car Forest of the Last Church នៅក្នុងក្រុង Goldfield រដ្ឋ Nevada កាលពីថ្ងៃទី១៨ ខែកក្កដា ឆ្នាំ២០២០។
10
ក្មេងម្នាក់មើលរូបសត្វគីងកុងនៅពីមុខរូបចម្លាក់នៃតួអង្គក្នុងភាពយន្ត Transformers ដែលសុទ្ធតែធ្វើឡើងពីកម្ទេចដែកអេតចាយ នៅសារមន្ទីរ Ban Hun Lek ក្នុងខេត្ត Ang Thong ប្រទេសថៃ កាលពីថ្ងៃទី១៨ ខែកក្កដា ឆ្នាំ២០២០។
11
នេះជាទិដ្ឋាភាពពីលើអាកាសដែលបង្ហាញពីអគារស្នាក់នៅលិចទឹក ដោយសារទឹកទន្លេ Yangtze ឡើង នៅក្នុងក្រុង Jiujiang ខេត្ត Jiangxi កាលពីថ្ងៃទី១៨ ខែកក្កដា ឆ្នាំ២០២០។
