រូបភាពជុំវិញពិភពលោកថ្ងៃទី១៦ ខែកក្កដា ឆ្នាំ២០១៨ មកពីសហរដ្ឋអាមេរិក ប្រទេសបារាំង ហ្វាំងឡង់ ឥណ្ឌា ឥណ្ឌូណេស៊ី កេនយ៉ា អង់គ្លេស រុស្ស៊ី ចិន និងហ្វីលីពីន។
រូបភាពជុំវិញពិភពលោក ១៦ កក្កដា ២០១៨
1
អ្នកគាំទ្រស្វាគមន៍ក្រុមជម្រើសជាតិបាល់ទាត់បារាំង នៅពេលពួកគេដើរក្បួននៅតាមផ្លូវ Champs-Elysee ក្នុងក្រុងប៉ារីស បន្ទាប់ពីឈ្នះការប្រកួតបាល់ទាត់ពិភពលោក World Cup ២០១៨ នៅប្រទេសរុស្ស៊ី។
2
លោកប្រធានាធិបតីអាមេរិកដូណាល់ ត្រាំ ទទួលបាល់ពីលោកប្រធានាធិបតីរុស្ស៊ី Vladimir Putin ក្នុងសន្និសីទកាសែតរួមគ្នាមួយ បន្ទាប់ពីកិច្ចប្រជុំរបស់ពួកគេ នៅក្នុងក្រុង Helsinki ប្រទេសហ្វាំងឡង់។
3
បុរសម្នាក់ពិនិត្យមើលផ្ទះរបស់គាត់នៅពេលទឹកចូល ដែលហូរពីមាត់សមុទ្រនៅក្នុងក្រុង Mumbai ប្រទេសឥណ្ឌា កាលពីថ្ងៃទី១៥ ខែកក្កដា ឆ្នាំ២០១៨។
4
យន្តហោះពន្លត់អគ្គិភ័យមួយឈ្មោះ Ferguson Fire ហោះកាត់ពេលព្រះអាទិត្យលិច នៅក្នុងស្រុក Mariposa រដ្ឋ California កាលពីថ្ងៃទី១៥ ខែកក្កដា ឆ្នាំ២០១៨។
5
កម្មករម្នាក់ជញ្ជូនម្សៅដីសម្យ៉ាង (kaolin) ចេញពីកប៉ាល់មួយនៅកំពង់ផែ Sunda Kelapa នៅក្នុងក្រុងហ្សាការតា ប្រទេសឥណ្ឌូណេស៊ី។
6
អតីតប្រធានាធិបតីអាមេរិក លោក បារ៉ាក់ អូបាម៉ា បក់ដៃទៅកាន់អ្នកថតរូប នៅពេលដែលលោកធ្វើទស្សនកិច្ចនៅមជ្ឈមណ្ឌលព័ត៌មាន Sauti Kuu នៅក្នុងភូមិ Nyangoma Kogelo ស្រុក Siaya ប្រទេសកេនយ៉ា។
7
ក្រុមមន្ត្រីកត់ត្រា និងពិនិត្យសត្វបក្សីម្យ៉ាងនៅក្នុងការធ្វើជំរឿនប្រចាំឆ្នាំដែលគេហៅថា Swan Upping នៅតាមទន្លេ River Thames ក្បែរក្រុង Chertsey ប្រទេសអង់គ្លេស។
8
ឈ្មោះរបស់កីឡាករ Olivier Giroud របស់បារាំងត្រូវបានគេដាក់បង្ហាញនៅលើខ្លោងទ្វារ Arc de Triomphe នៅពេលដែលអ្នកគាំទ្រដើរក្បួននៅលើផ្លូវ Champs Elysees នៅក្នុងក្រុងប៉ារីស បន្ទាប់ពីបារាំងឈ្នះការប្រកួតបាល់ទាត់ពិភពលោក World Cup នៅក្នុងប្រទេសរុស្ស៊ី។
9
មនុស្សយន្តឈ្មោះ iPal ដែលផលិតដោយក្រុមហ៊ុន AvatarMind កំពុងស្ថិតនៅក្នុងរោងចក្រដំឡើងមួយនៅក្នុងក្រុង Suzhou ខេត្ត Jiangsu ប្រទេសចិន។
10
ក្មេងៗរស់នៅលើផ្ទះបែកបាក់នោលើសមុទ្រលេងជាមួយនឹងទឹករលកដែលបង្កដោយព្យុះ Tropical Depression Henry។ ព្យុះបានបង្កឲ្យមានភ្លៀងយ៉ាងខ្លាំងនៅក្នុងក្រុងម៉ានីល និងផ្នែកខាងជើងនៃកោះ Luzon ប្រទេសហ្វីលីពីន។
11
អ្នកដំណើរម្នាក់ចូលក្នុងបន្ទប់មួយសម្រាប់ការស្កេនមុខសម្រាប់ផ្នែកអន្តោប្រវេសន៍នៅព្រលានយន្តហោះអន្តរជាតិ Nice ក្នុងក្រុង Nice ប្រទេសបារាំង។
12
មនុស្សម្នាមើលគំនរសត្វក្រពើរាប់រយដែលយកចេញពីកសិដ្ឋានចិញ្ចឹមមួយ បន្ទាប់ក្រពើទាំងនេះត្រូវបានសម្លាប់ដោយសារហ្វូងមនុស្សដែលមានកំហឹង។ នេះជាការសងសឹកសម្រាប់បុរសម្នាក់ដែលត្រូវក្រពើខាំស្លាប់ នៅក្នុងក្រុង Sorong ប្រទេសឥណ្ឌូណេស៊ី។
