រូបភាពជុំវិញពិភពលោកសម្រាប់ថ្ងៃទី១៦ ខែកក្កដា ឆ្នាំ២០១៥ មានមកពីប្រទេស កាណាដា ឥណ្ឌា ហ្វាំងឡង់ ស្កុកលែន ស៊ីរី បង់ក្លាដេស ប៉េរូ អង់គ្លេស និងចិន។
រូបភាពជុំវិញពិភពលោក ១៦ កក្កដា ២០១៥
១
ប្រជាជនបង់ក្លាដេសកាន់សាសនាអ៊ីស្លាមកំពុងព្យាយាមឡើងលើដំបូងរថភ្លើងដែលផ្ទុកមនុស្សលើសចំណុះ នៅឯស្ថានីយ៍រថភ្លើងក្នុងទីក្រុងដាក្កា (Dhaka) ដើម្បីធ្វើដំណើរទៅផ្ទះប្រារព្វពិធីបុណ្យឈប់សម្រាក Eid al-Fitrក្រោយបញ្ចប់ពិធីតមអាហាររ៉ាម៉ាដាន់ (Ramadan)។
២
ក្មេងប្រុសម្នាក់កាន់ថង់ដាក់សម្លៀកបំពាក់ថ្មីនៅមុនថ្ងៃបុណ្យឈប់សម្រាក Eid al-Fitr ក្រោយបញ្ចប់ពិធីបុណ្យតមអាហាររ៉ាមាដាន់(Ramadan) នៅក្នុងតំបន់ Jobar ជាយរដ្ឋធានីដាម៉ាស (Damascus) នៅថ្ងៃទី១៥ ខែកក្កដា ឆ្នាំ២០១៥ ។
៣
ការផ្ទុះមួយនៅឯរោងចក្រឥន្ធនៈគីមីនៅក្នុងតំបន់ Rizhao ក្នុងខេត្តសានទុង (Shandong) ប្រទេសចិន។ យោងតាមទីភ្នាក់ងារព័ត៌មាន Xinhua ភ្លើងបានឆេះឡើង បន្ទាប់ពីការផ្ទុះដោយសារមានការលេចចេញនូវសារធាតុអ៊ីដ្រូកាបូននៅឯរោងចក្រ។
៤
លោក Bernie Ecclestone ម្ចាស់កម្មវិធីឡានប្រណាំង Formula One កំពុងថតរូប Selfieជាមួយនឹងមនុស្សពាក់ឈុតស្វាទឹកកក(Yeti) នៅក្នុងអំឡុងពេលថតរូប ដើម្បីផ្សព្វផ្សាយពីកម្មវិធីប្រកួត Mongol Rally ខាងក្រៅ ទីស្នាក់ការកណ្តាលរបស់ក្រុមហ៊ុននៅក្នុងទីក្រុងឡុងដ៍។
៥
កីឡាករ អ្នករៀបចំការប្រកួត និងអ្នកចាំកាន់សម្ភារៈហ្គោល បាននាំគ្នារកកូនបាល់របស់កីឡាករ Ernie Els នៅក្នុងគុម្ពស្មៅ ក្នុងអំឡុងពេលតង់ទី១នៃការប្រកួតហ្គោលដណ្តើមពាន British Open ឆ្នាំ២០១៥ នៅឯវាលកូនហ្គោល The Old Course នៅទីក្រុង St Andrews ប្រទេសស្កុតលែន។
៦
ក្មេងប្រុសម្នាក់ឈរស្ងៀមអោបឆ្កែមួយក្បាល បន្ទាប់ពីប៉ូលីសប៉េរូបានបំផ្លាញជំរុំជីកយកមាសខុសច្បាប់នៅក្នុងតំបន់ដែលគេស្គាល់ថា មេហ្គា១៤ នៅភាគខាងត្បូងព្រៃអាម៉ាហ្សូន (Amazon) នៃតំបន់ Madre de Dios។
៧
ការសម្តែងមួយរបស់ជនជាតិស៊្វីស «តោះទៅទាំងអស់គ្នា (Let's Move Together) » នៅឯការសម្តែងកីឡាកាយវប្បកម្មពិភពលោក Gymnaestrada's Midnight Sun Special នៅក្នុងពហុកីឡាដ្ឋានអូឡាំពិកនៅទីក្រុង Helsinki ប្រទេសហ្វាំងឡង់ នៅថ្ងៃទី១៥ ខែកក្កដា ឆ្នាំ២០១៥ ។
៨
កូនតោដែលទើបនឹងកើតអង្គុយនៅក្បែរមេរបស់ពួកវានៅក្នុងតំបន់ Khutani នៅក្នុងតំបន់អភិរក្ស Junagadh នៅក្នុងទីក្រុងរដ្ឋ ហ្គូដ្យារ៉ាត (Gujarat )។ (រូបភាពដោយឧទ្យានជាតិ Gir និងអ្នកអភិរក្សព្រៃ Sandeep Kumar ជនជាតិឥណ្ឌា)
៩
កីឡាករជនជាតិប្រេស៊ីលប្រកួតនៅក្នុងនៅក្នុងការហែលទឹកសេរីក្នុងចម្ងាយ២០០ម៉ែត្រ នៅឯការប្រកួតកីឡា Pan American Games ទីក្រុងToronto ប្រទេសកាណាដា នៅថ្ងៃទី១៥ ខែកក្កដា ឆ្នាំ២០១៥ ។