កម្រងរូបភាពនៃព្រឹត្តិការណ៍សំខាន់ៗនិងទិដ្ឋភាពនានាមកពីប្រទេសផ្សេងៗជុំវិញពិភពលោក។
រូបភាពជុំវិញពិភពលោក ១៣ កក្កដា ២០១៨
១
រូបតុក្កតាកម្ពស់៦ម៉ែត្រ ដែលតំណាងឲ្យប្រធានាធិបតីសហរដ្ឋអាមេរិក ដូណាល់ ត្រាំ ត្រូវបានគេបង្ហោះនៅពេលធ្វើបាតុកម្មប្រឆាំងនឹងដំណើរទស្សនកិច្ចរបស់លោក នៅទីលានរបស់រដ្ឋសភា ក្នុងទីក្រុងឡុងដ៍ ប្រទេសអង់គ្លេស។
២
ស្ត្រីទី១សហរដ្ឋអាមេរិក Melania Trump ទះដៃជាមួយទាហានជើងចាស់ចក្រភពអង់គ្លេស ដែលគេស្គាល់ថា Chelsea Pensioner ក្នុងអំឡុងលេងហ្គេម នៅកន្លែងស្នាក់អាស្រ័យ The Royal Hospital Chelsea កណ្ដាលទីក្រុងឡុងដ៍ ប្រទេសអង់គ្លេស។
៣
ប្រធានាធិបតីសហរដ្ឋអាមេរិក ដូណាល់ ត្រាំ និងម្ចាសក្សត្រី Queen Elizabeth II របស់ចក្រភពអង់គ្លេស កំពុងទស្សនាកងសន្តិសុខកិត្តិយស ដែលឈរក្នុងទម្រង់ Coldstream Guards នៅរាជវាំង Windsor Castle ក្នុងទីក្រុង Windsor ប្រទេសអង់គ្លេស។
៤
សិល្បករអូស្ត្រាលី Nike Savvas រៀបចំការតាំងបង្ហាញវត្ថុសិល្បៈរបស់លោក ដែលរួមមានកូនបាល់ជាច្រើនជួរសរុប៥ម៉ឺនគ្រាប់ ដែលគាត់ដាក់ឈ្មោះថា «អាតូម៖ ពោរពេញទៅដោយក្តីស្រឡាញ់ ពោរពេញដោយភាពអច្ឆរិយៈ»។ វត្ថុសិល្បៈនេះត្រៀមសម្រាប់បង្ហាញនៅក្នុងកម្មវិធី Spacemakers and roomshakers ដែលជាការបង្ហាញវត្ថុសិល្បៈចម្រុះនៅកន្លែងតាំងពិព័រណ៍ New South Wales Art Gallery ក្នុងទីក្រុងស៊ីដនី ប្រទេសអូស្ត្រាលី។
៥
អ្នកដឹកបន្លែចែកចាយដល់អ្នកលក់ កំពុងសម្រាកលើរ៉ឺម៉ក នៅផ្សារ Divisoria ក្នុងទីក្រុងម៉ានីល ប្រទេសហ្វីលីពីន។
៦
ស្ត្រីជនជាតិជប៉ុនស្ថិតក្នុងសម្លៀកបំពាក់ yukatas ដែលជាសម្លៀកបំពាក់សម្រាប់រដូវក្តៅ ថតរូបនៅចន្លោះជួរក្រដាស ក្នុងកម្មវិធី Mitama ប្រចាំឆ្នាំ នៅទីសក្ការៈ Yasukuni ដែលជាទីតម្កល់ធាតុមនុស្សជាង២.៤លាននាក់ដែលស្លាប់ដោយសារសង្គ្រាម នៅទីក្រុងតូក្យូ ប្រទេសជប៉ុន។
៧
ឡានក្រុងមួយគ្រឿងកំពុងស្ថិតនៅក្នុងទឹកជំនន់ នៅក្រោមផ្លូវរថភ្លើង ក្រោយពេលមានភ្លៀងធ្លាក់យ៉ាងខ្លាំងនៅទីក្រុងញូវដេលី ប្រទេសឥណ្ឌា។
៨
ក្មេងប្រុសម្នាក់កាន់ប័ណ្ណផ្សព្វផ្សាយដែលមានរូបបេក្ខជនគប្រធានាធិបតីពីគណបក្សប្រឆាំង Soumaila Cisse ក្នុងពេលមានការជួបជុំគ្នាមួយនៅ Koulikoro។ ប្រធានាធិបតីបច្ចុប្បន្នលោក Ibrahima Boubacar Keita ដែលបានចូលកាន់តំណែងកាលពីឆ្នាំ២០១៣ និងមេបក្សប្រឆាំងនាំមុខ Soumaila Cisse គឺជាបេក្ខជនសំខាន់២រូប សម្រាប់ការបោះឆ្នោតថ្ងៃទី២៩ ខែកក្កដា ក្នុងចំណោមបេក្ខជនទាំង២៤រូប។