កម្រងរូបភាពល្អៗអំពីហេតុការណ៍និងទិដ្ឋភាពក្នុងប្រទេសនានានៅជុំវិញពិភពលោក។
រូបភាពជុំវិញពិភពលោក ១២ កក្កដា ២០១៩
១
ក្រុមបាតុករបាញ់ទឹកលើបុរសម្នាក់ដែលព្យាយាមដុតខ្លួនឯងក្នុងពេលធ្វើបាតុកម្មទាមទារឲ្យមានការដកឥស្សរជនដែលដឹកនាំប្រទេសអាល់ហ្សេរី នៅទីក្រុងអាល់ហ្សេ។
២
ក្រុមអ្នកសប្បាយរីករាយកំពុងរត់ប្រជែងជាមួយគោជល់ ក្នុងពេលមានពិធីរត់ពីមុខសត្វគោ នៅក្នុងកម្មវិធី San Fermin នៅទីក្រុង Pamplona ស្ថិតនៅភាគខាងជើងនៃប្រទេសអេស្ប៉ាញ។
៣
កីឡាករបាល់បោះ Dwyane Wade កំពុងកាន់ពានរង្វាន់ដែលលោកទទួលបាន ក្នុងពិធីប្រគល់ពានរង្វាន់ឆ្នាំ២០១៩ នៃការប្រកួត Nickelodeon’s Kids នៅទីក្រុង Santa Monica រដ្ឋកាលីហ្វ័រញ៉ា សហរដ្ឋអាមេរិក។
៤
អ្នកទស្សនាម្នាក់កំពុងថតរូបនៃការតាំងលម្អសិល្បៈដែលគេដាក់ឈ្មោះថា «ពណ៌១០០» ដែលរៀបចំដោយសិល្បករជនជាតិបារាំង Emmanuelle Moureaux នៅហាងលក់សៀវភៅ Eslite ក្នុងទីក្រុងតៃប៉ិ កោះតៃវ៉ាន់។ ការលម្អសិល្បៈនេះធ្វើពីលេខចំនួន៨ពាន់ ដែលកាត់ពីទំព័រកាសែត។
៥
ទាហាននេប៉ាល់ម្នាក់កំពុងបីក្មេងម្នាក់ដើរនៅលើផ្លូវដែលជន់លិច នៅទីក្រុងកដ្ឋមណ្ឌូ ប្រទេសនេប៉ាល់។
៦
ទាហានបារាំងម្នាក់នៅលើស្គីហោះ កំពុងហាត់សមសម្រាប់ចុះនៅលើវិថី Champs Elysees ក្នុងទិវា Bastille នៅទីក្រុងប៉ារីស។ ការដើរក្បួនក្នុងថ្ងៃ Bastille នឹងប្រព្រឹត្តិទៅនៅថ្ងៃអាទិត្យនេះ។
៧
អ្នកតវ៉ាម្នាក់ត្រូវបានជម្លៀសចេញដោយអ្នកពន្លត់អគ្គិភ័យ ក្នុងពេលធ្វើបាតុកម្មមួយដោយជនចំណាកស្រុកដែលគ្មានឯកសារដែលសុំឲ្យមានការប្ដូរស្ថានភាពរបស់ពួកគេ នៅទីក្រុងប៉ារីស ប្រទេសបារាំង។
៨
Al Thompson មកពីទីក្រុង Milan រដ្ឋ Indiana កំពុងរង់ចាំការប្រកាសនៃការមកដល់កុលសម្ព័ន្ធរបស់លោក ក្នុងពិធីបើកព្រឹត្តិការណ៍នៃការកម្សាន្តប្រចាំឆ្នាំលើកទី៦៤ (Grandfather Mountain Highland Games and MacRae Meadows) នៅសហគមន៍ Linville រដ្ឋ North Carolina សហរដ្ឋអាមេរិក។ ការកម្សាន្តនេះគឺជាការប្រារព្ធប្រវត្តិសាស្ត្រនិងវប្បធម៌ស្កុតលែន នៅរដ្ឋ North Carolina។
៩
បាតុករឥណ្ឌូនេស៊ីម្នាក់បង្ហាញរូបថតដែលមានទង់ជាតិអាមេរិកនៅលើគំនរសំរាម ក្នុងពេលមានការប្រមូលផ្ដុំគ្នានៅមុខស្ថានកុងស៊ុលអាមេរិក ក្នុងទីក្រុង Surabaya ខេត្ត East Java។ បាតុកររូបនេះកំពុងទាមទារឲ្យអាមេរិកបញ្ឈប់ការដឹកសំរាមមកចាកនៅប្រទេសឥណ្ឌូនេស៊ី។
១០
កីឡាករ Defne Bakirci មកពីប្រទេសតួកគីកំពុងប្រកួតក្នុងវិញ្ញាសារហែលទឹកបែបសិល្បៈ នៅក្នុងការប្រកួតជើងឯកហែលទឹកពិភពលោក នៅទីក្រុង Gwangju ប្រទេសកូរ៉េខាងត្បូង។
១១
កីឡាការ Novak Djokovic នៃប្រទសស៊ែប៊ី កំពុងប្រកួតវគ្គកណ្ដាលផ្ដាច់ព្រ័ត្រជាមួយកីឡាករ Roberto Bautista Agut មកពីអេស្ប៉ាញ នៅក្លឹបកីឡាតិន្នីស All England Lawn ក្នុងទីក្រុងឡុងដ៍ ប្រទេសអង់គ្លេស។