រូបភាពជុំវិញពិភពលោកថ្ងៃទី១២ ខែកក្កដា ឆ្នាំ២០១៦ មកពីប្រទេសឥណ្ឌូនេស៊ី បារាំង អ៊ីតាលី ហ្វីលីពីន អៀវឡង់ សហរដ្ឋអាមេរិក និងចិន។
រូបភាពជុំវិញពិភពលោក ១២ កក្កដា ២០១៦
១
មនុស្សម្នាឈរនៅលើជាយភ្នំមួយដើម្បីមើលការផ្ទុះភ្នំភ្លើងនៅលើភ្នំ Bromo នៅក្នុងក្រុង Probolinggo ប្រទេសឥណ្ឌូនេស៊ី។
២
ទាហាន Maori ម្នាក់រត់ ខណៈដែលទាហាននូវែលសេឡង់ដើក្បួននៅតាមបណ្តោយផ្លូវ Champs Elysees នៅក្នុងក្រុងប៉ារីស ក្នុងពេលហាត់សមនៃការដើរក្បួនយោធាសម្រាប់ទិវា Bastille ប្រចាំឆ្នាំ។
៣
រថភ្លើងពីរបុកគ្នានៅក្នុងតំបន់ Puglia ប្រទេសអ៊ីតាលី។ យ់ាងហោចណាស់មនុស្ស២០នាក់បានស្លាប់ និងមានអ្នករងរបួសផ្សេងទៀត។
៤
ជនជាតិហ្វីលីពីនបញ្ចេញអារម្មណ៍របស់ខ្លួនចំពោះការប្រកាសសេចក្តីសម្រេចរបស់តុលាការអាជ្ញាកណ្តាលអន្តរជាតិរបស់អង្គការសហប្រជាជាតិដែលមានមូលដ្ឋាននៅក្នុងទីក្រុងឡាអេ។ តុលាការនេះបានសម្រេចឲ្យប្រទេសហ្វីលីពីនឈ្នះក្តីនៅក្នុងបណ្តឹងប្រឆាំងនឹងប្រទេសចិន លើបញ្ហាសមុទ្រចិនខាងត្បូង នៅក្នុងក្រុងម៉ានីល ប្រទេសហ្វីលីពីន។ តុលាការនេះយល់ឃើញថា មិនមានមូលដ្ឋានផ្លូវច្បាប់ណាមួយសម្រាប់ខ្សែបន្ទាត់ព្រំដែនសមុទ្រដែលដាច់ជា៩ចំណុចរបស់ចិន ដែលទាមទារចំណែកយ៉ាងច្រើននៃសមុទ្រចិនខាងត្បូង។
៥
មនុស្សម្នាប្រមូលផ្តុំគ្នាមើលការដុតភ្នក់ភ្លើង នៅតំបន់ Shankill Road មុនការប្រារព្ធពិធីនៅថ្ងៃទី១២ ខែកក្កដា ដែលធ្វើឡើងដោយសមាជិកនៃអង្គការ Orange Order នៅក្នុងក្រុង Belfast ប្រទេសអៀវឡង់។
៦
បុរសម្នាក់ដែលមានម៉ូដសក់របស់ក្រុមកុលសម្ព័ន្ធ Mohawk ដែលមានសរសេរពាក្យថា «Back The Blue» ចូលរួមពិធីដុតភ្លើងទៀនមួយនៅសាលាក្រុង Dallas ដើម្បីចងចាំដល់មន្រ្តីប៉ូលិសដែលត្រូវបានគេសម្លាប់កាលពីសប្តាហ៍មុន នៅក្នុងក្រុង Dallas រដ្ឋ Texas កាលពីថ្ងៃទី១១ ខែកក្កដា ឆ្នាំ២០១៦។
៧
អ្នកភូមិដើរកាត់ស្ពានមួយដែលមានសុទ្ធតែសំរាម ដែលនាំមកជាមួយព្យុះ Nepartak នៅក្នុងក្រុង Fuzhou ខេត្ត Fujian ប្រទេសចិន កាលពីថ្ងៃទី១១ ខែកក្កដា ឆ្នាំ២០១៦។
៨
ទិដ្ឋភាពនៃថ្ងៃអស្តង្គតនៅសារមន្ទីរ Manhattanhenge ដែលមើលពីឧទ្យាន Hunters Point South Park នៅក្នុងសង្កាត់ Queens ក្រុងញូវយ៉ក កាលពីថ្ងៃទី១១ ខែកក្កដា ឆ្នាំ២០១៦។
៩
ផ្ការីកលូតលាស់នៅក្បែរភូមិ Castelluccio ដែលជាភូមិតូចមួយនៅក្នុងតំបន់ Umbria ប្រទេសអ៊ីតាលី។
១០
ទឹករសាយនៅបឹង Pontchartrain នៅពេលដែលព្យុះមួយបានបោកបក់លើតំបន់មួយនៅក្នុងក្រុង New Orleans រដ្ឋ Louisiana សហរដ្ឋអាមេរិក។