រូបភាពជុំវិញពិភពលោកថ្ងៃទី០១ ខែកក្កដា ឆ្នាំ២០១៨ មកពីសហរដ្ឋអាមេរិក ប្រទេសបារាំង ឥណ្ឌា អេស្ប៉ាញ ឥណ្ឌូណេស៊ី ជប៉ុន ថៃ ហូឡង់ និងប៉ាគីស្ថាន។
រូបភាពជុំវិញពិភពលោក ០១ កក្កដា ២០១៨
1
ទាហានកិត្តិយសឈរជុំវិញក្តារមឈូសរបស់អតីតអ្នកនយោបាយបារាំងគឺអ្នកស្រី Simone Veil និងស្វាមីរបស់អ្នកស្រី ខណៈដែលមានមនុស្សម្នាមកគោរពវិញ្ញាណក្ខន្ធរបស់ពួកគាត់ បន្ទាប់ពីមានកម្មវិធីបុណ្យនេះនៅអគារ Pantheon ក្នុងក្រុងប៉ារីស។
2
កសិករឥណ្ឌាខំទប់គោរបស់ខ្លួន ខណៈដែលពួកគេចូលរួមនៅក្នុងការប្រណាំងគោ នៅក្នុងវាលស្រែមួយក្នុងភូមិ Herobhanga ប្រទេសឥណ្ឌា កាលពីថ្ងៃទី៣០ ខែមិថុនា ឆ្នាំ២០១៨។
3
បេក្ខជនចូលរួមប្រកួតម្នាក់លោតចូលក្នុងទឹកក្នុងកម្ពស់២៧ម៉ែត្រ ពីលើស្ពាន La Salve ក្នុងពេលប្រកួតវគ្គផ្តាច់ព្រ័ត្រនៃការប្រកួត Red Bull Cliff Diving នៅក្នុងក្រុង Bilbao ប្រទេសអេស្ប៉ាញ កាលពីថ្ងៃទី៣០ ខែមិថុនា ឆ្នាំ២០១៨។
4
មនុស្សម្នាត្រៀមចាំចាប់របស់របរដែលក្រុមកុលសម្ព័ន្ធ Tengger បោះឲ្យពួកគេ នៅក្នុងក្រហូងដីនៃភ្នំភ្លើង Bromo នៅក្នុងក្រុង Probolinggo ខេត្ត East Java ប្រទេសឥណ្ឌូណេស៊ី កាលពីថ្ងៃទី៣០ ខែមិថុនា ឆ្នាំ២០១៨។ នេះជាផ្នែកនៃពិធីបុណ្យ Yadnya Kasada ដែលធ្វើនៅថ្ងៃទី១៤ នៃខែ Kasada ដោយយោងតាមប្រតិទិនប្រពៃណីហិណ្ឌូ។
5
ព្រះអាទិត្យរះនៅពីក្រោយបូជនីយដ្ឋានវ៉ាស៊ីនតោន ខណៈដែលសត្វក្ងានហែលទឹកលេងនៅទន្លេ Potomac River នៅក្នុងរដ្ឋធានីវ៉ាស៊ីនតោន។
6
មនុស្សម្នាក់ចូលរួមនៅក្នុងការដើរក្បួន LGBT Pride Barcelona ២០១៨ នៅក្នុងក្រុង Barcelona ប្រទេសអេស្ប៉ាញ កាលពីថ្ងៃទី៣០ ខែមិថុនា ឆ្នាំ២០១៨។
7
រូបភាពនេះបង្ហាញពីការផ្ទុះរ៉ុក្កែត MOMO-2 ដែលផលិតដោយក្រុមហ៊ុនជប៉ុនឈ្មោះ Interstellar Technologies នៅក្នុងក្រុង Hokkaido ប្រទេសជប៉ុន កាលពីថ្ងៃទី៣០ ខែមិថុនា ឆ្នាំ២០១៨។
8
ក្រុមអ្នកជួយសង្គ្រោះចូលទៅក្នុងរូងភ្នំ កន្លែងដែលក្មេងប្រុស១២ និងគ្រូបង្វឹករបស់ពួកគេបានបាត់ខ្លួន នៅក្នុងស្រុក Mae Sai ខេត្ត Chiang Rai ភាគខាងជើងប្រទេសថៃ។ កិច្ចប្រឹងប្រែងរុករកពួកគេនៅ ក្នុងរូងភ្នំអស់រយៈពេលមួយសប្តាហ៍មានភាពល្អប្រសើរជាងមុន ដោយសារតែការផ្អាកភ្លៀងបានកាត់បន្ថយបញ្ហាទឹកជំនន់នៅក្នុងប្រព័ន្ធរូងភ្នំ ហើយអ្នកជំនាញកាន់តែច្រើនមកពីជុំវិញពិភពលោកបានចូលរួមនៅក្នុងបេសកកម្មជួយសង្គ្រោះនេះ។
9
ភ្លើងឆាបឆេះតំបន់មួយនៅក្បែររមណីយដ្ឋានកាស៊ីណូ Cache Creek Casino Resort នៅក្នុងក្រុង Capay រដ្ឋ California សហរដ្ឋអាមេរិក កាលពីថ្ងៃទី៣០ ខែមិថុនា ឆ្នាំ២០១៨។
10
កីឡាករ Romano Fenati របស់ក្រុម Marinelli Snipers ដួលម៉ូតូក្នុងពេលប្រកួតម៉ូតូ Moto2 នៅទីលាន TT ក្នុងក្រុង Assen ប្រទេសហូឡង់។
11
មនុស្សម្នាក់បញ្ជាគោរបស់គាត់ ខណៈដែលគាត់ប្រកួតក្នុងការប្រណាំងគោ នៅជាយក្រុង Islamabad ប្រទេសប៉ាគីស្ថាន។
