ភ្ជាប់ទៅគេហទំព័រទាក់ទង
រំលងនិងចូលទៅទំព័រព័ត៌មានតែម្តង
រំលងនិងចូលទៅទំព័ររចនាសម្ព័ន្ធ
រំលងនិងចូលទៅកាន់ទំព័រស្វែងរក
កម្ពុជា
អន្តរជាតិ
អាមេរិក
ចិន
ហេឡូវីអូអេ
កម្ពុជាច្នៃប្រតិដ្ឋ
ព្រឹត្តិការណ៍ព័ត៌មាន
ទូរទស្សន៍ / វីដេអូ
វិទ្យុ / ផតខាសថ៍
កម្មវិធីទាំងអស់
Khmer English
បណ្តាញសង្គម
ភាសា
ស្វែងរក
ផ្សាយផ្ទាល់
ផ្សាយផ្ទាល់
ស្វែងរក
មុន
បន្ទាប់
ព័ត៌មានថ្មី
រូបភាពជុំវិញពិភពលោក
រូបភាពជុំវិញពិភពលោក ០៧ មករា ២០១៦
០៨ មករា ២០១៦
រូបភាពជុំវិញពិភពលោកថ្ងៃទី០៨ ខែមករា ឆ្នាំ២០១៦ មកពីប្រទេសស៊ុយអ៊ែត កាណាដា អ៊ុយក្រែន សហរដ្ឋអាមេរិក ឥណ្ឌូណេស៊ី ជប៉ុន អាល្លឺម៉ង់ និងបារាំង។
st news photos from around the world.
១
ប្រជាជនអ៊ុយក្រែនដោយស្លៀកពាក់ក្នុងសំលៀកបំពាក់ប្រពៃណីច្រៀងបទចម្រៀង Kolyadky ឬបទចម្រៀងអបអរថ្ងៃបុណ្យណូអែលនៅអ៊ុយក្រែន ជាផ្នែកមួយនៃថ្ងៃបុណ្យឈប់សម្រាក Orthodox Christmas នៅក្រុងកៀវ។
២
ប៉ូលិសបារាំងឆែកឆេរអ្នកថ្មើរជើងម្នាក់ ស្របពេលពួកគេរក្សាសន្តិសុខឡើងវិញ បន្ទាប់ពីបុរសម្នាក់ត្រូវបានបាញ់សម្លាប់នៅឯស្ថានីយប៉ូលិសនៅសង្កាត់ទី១៨ ក្រុងប៉ារីស។ ប៉ូលិសបានបាញ់សម្លាប់បុរសប្រដាប់ដោយកាំបិតមួយ ដែលព្យាយាមចូលទៅក្នុងស្ថានីយប៉ូលិស។ ហេតុការណ៍នោះបានកើតឡើងនៅថ្ងៃរំឮកខួបការវាយប្រហារដោយពួកសកម្មប្រយុទ្ធសាសនាឥស្លាមទៅលើទស្សនាវដ្តីត្លុក Charlie Hebdo នៅក្នុងរដ្ឋធានីប្រទេសបារាំង។
៣
ស្រ្តីម្នាក់ដើរតាមបណ្តោយប្រឡាយមួយនៅរដ្ឋធានីស្តុបខុល (Stockholm) ប្រទេសស៊ុយអ៊ែត។ បន្ទាប់ពីខែធ្នូដែលមានសភាពក្តៅល្មមខុសពីធម្មតា ប្រទេសស៊ុយអ៊ែតកំពុងជួបប្រឈមនឹងខែមករាដែលមានសភាពត្រជាក់ខ្លាំងនៅក្នុងរយៈពេល ១៥ឆ្នាំកន្លងមកនេះ ជាមួយនឹងសីតុណ្ហភាពធ្លាក់រហូតដល់ទៅ -៤២,៨ អង្សាសេនៅជ្រោយភាគខាងកើតប្រទេស និង -១៥ អង្សាសេនៅរដ្ឋធានីស្តុបខុល។
៤
អវកាសយានិករបស់ទីភ្នាក់ងារ ESA លោក Tim Peake បានថតរួបពីលើឆ្នេរភាគខាងលិចប្រទេសកាណាដាពីស្ថានីយអវកាសអន្តរជាតិនាថ្ងៃទី៣១ ខែធ្នូ ឆ្នាំ២០១៥ ហើយបានចែករំលែករូបថតនោះទៅកាន់អ្នកតាមដាន់លោកនៅលើគេហទំព័រ Twitter នាថ្ងៃទី០៥ ខែមករា ឆ្នាំ២០១៦។ រូបថតនោះបានបង្ហាញពីជ្រលងភ្នំនានានៅតាមបណ្តោយឆ្នេរប្រទេសកាណាដា ជាមួយនឹងកោះ King Island និងផ្លូវទឹក Burke Channel នៅកណ្តាល។ មហាសមុទ្រប៉ាស៊ីហ្វិកអាចត្រូវបានមើលឃើញនៅផ្នែកខាងក្រោម។
៥
កម្មករជីករ៉ែចុងក្រោយនៅក្នុងចំណោមកម្មករជីករ៉ែអំបិលរបស់ក្រុមហ៊ុន Cargill ទាំង១៧នាក់ បានចេញពីរូងក្រោមដី បន្ទាប់ពីត្រូវបានជួយសង្រ្គោះពីការជាប់គាំងនៅក្នុងជណ្តើរយន្តក្នុងជម្រៅ ៩០០ ហ្វីត (២៧៤,៣២ ម៉ែត្រ) ក្រោមដីនៃរ៉ែអំបិល Cayuga នៅក្រុង Lansing បូរីញូវយ៉ក។ ទ្រុងជួយសង្រ្គោះត្រូវបានបន្ទាបចុះពីម៉ាស៊ីនស្ទួចដើម្បីយកកម្មករជីករ៉ែទាំងនោះបួននាក់ក្នុងមួយលើក។
៦
ល្បាប់ភក់បានហូរគៀរផ្ទះមួយ ដែលដាក់ការពារដោយបាវខ្សាច់នៅក្រុង Monrovia រដ្ឋ California កាលពីថ្ងៃទី០៦ ខែមករា ឆ្នាំ២០១៦។ ភ្លើងឆេះព្រៃកាលពីពីរឆ្នាំមុនបានបំផ្លាញព្រៃឈើ និងបង្កឲ្យដីមានសភាពធូររលុង។
៧
សត្វពង្រូលពីរត្រូវបានលើកឡើងដោយអ្នកថែរក្សាសួនសត្វមួយរូបនៅអំឡុងពេលធ្វើបញ្ជីសារពើភ័ណ្ឌនៅឯសួនសត្វមួយនៅក្រុង Dresden ភាគខាងកើតប្រទេសអាល្លឺម៉ង់។
៨
ជើងឯកកីឡាចំបាប់ស៊ូមូ (Sumo) លោក Yokozuna Harumafuji (ខាងឆ្វេង) ដែលមានកំណើតជាជនជាតិម៉ុងហ្គោលីសម្តែងការគុនគ្រូនៅអំឡុងពេលអបអរសាទរថ្នាំថ្មីនៅឯអាស្រម Meiji នៅក្រុងតូក្យូ ប្រទេសជប៉ុន។
៩
ភ្នំភ្លើង Sinabug បញ្ចេញកំអែលភ្លើង និងផេះ បន្ទាប់ពីការផ្ទុះមួយ ដែលអាចត្រូវបានឃើញពីភូមិ Tiga Serangakai នៅក្រុង Karo នៅកោះ Sumatra ភាគខាងជើងប្រទេសឥណ្ឌូនេស៊ី។ រូបថតនេះត្រូវបានថតដោយលោក Antara Foto។
១០
អ្នកស្រី Sharon Osborne ទាត់បុរសម្នាក់ដែលមិនត្រូវបានស្គាល់អត្តសញ្ញាណ ដែលបានឡើងមកបង្អាក់ការថ្លែងទទួលរង្វាន់ដោយសហការីក្នុងកម្មវិធី «The Show»របស់អ្នកស្រី ដែលបានឈ្នះពាន់រង្វាន់ក្រុមការងារកម្មវិធីទូរទស្សន៍ពេលថ្ងៃដែលទទួលបានការពេញចិត្តច្រើនជាងគេ នៅឯពិធីប្រគល់ពានរង្វាន់ People's Choice Awards ឆ្នាំ២០១៦ ដែលត្រូវបានធ្វើឡើងនៅក្រុង Los Angeles រដ្ឋ California នាថ្ងៃទី០៦ ខែមករា ឆ្នាំ២០១៦។
១១
ភ្លើងពណ៌ពីរថយន្តជាខ្សែ ដែលមើលទៅមានសណ្ឋានដូចរថភ្លើង លេចឡើងនៅក្នុងរូបថតមួយដោយលោក Dia Bekheet នៅអំឡុងពេលរសៀលធ្លាក់ភ្លើងមួយនៅខាងក្រៅអគារ VOA នៅវិថី Independence Ave, SW ក្នុងរដ្ឋធានីវ៉ាស៊ីនតោន ឌីស៊ី កាលពីថ្ងៃទី៣០ ខែធ្នូ ឆ្នាំ២០១៥។
រូបភាពជុំវិញពិភពលោក ០៧ មករា ២០១៦
Back to top
XS
SM
MD
LG