រូបភាពជុំវិញពិភពលោកថ្ងៃទី៣១ ខែមករា ឆ្នាំ២០១៦ មកពីប្រទេសរុស្ស៊ី ចិន អ៊ីតាលី ឥណ្ឌា អ៊ីស្រាអែល អាហ្វហ្គានីស្ថាន ស៊ីរី សហរដ្ឋអាមេរិក និងស្លូវ៉ាគី។
រូបភាពជុំវិញពិភពលោក ៣១ មករា ២០១៦
១
ឡានមួយអូសក្តារបន្ទះជិះលើទឹកកកនៅលើផ្ទៃទឹកដែលកករបស់ទន្លេ Yenisei ក្នុងស្រុក Taiga នៅពេលដែលមានសីតុណ្ហភាពប្រមាណជា -២៥អង្សាសេ ក្នុងប្រទេសរុស្ស៊ី។
២
មនុស្សម្នាលីឥវ៉ាន់របស់ពួកគេនៅស្ថានីយរថភ្លើងដ៏សំខាន់មួយក្នុងក្រុង Guangzhou ខេត្ត Guangdong ប្រទេសចិន នៅពេលពួកគេធ្វើដំណើរសម្រាប់ពិធីបុណ្យចូលឆ្នាំថ្មី។
៣
យាន Curiosity Mars ដែលអាចថតរូបខ្លួនរបស់អង្គការណាសា បង្ហាញថា យានមួយនេះស្ថិតនៅ «ទួលនៃវាលខ្សាច់ Namib» ទីដែលយានមួយនេះបានដើរនៅលើទួលនៃវាលខ្សាច់នោះ និងបានកើបយកខ្សាច់មកធ្វើការវិភាគ។
៤
អ្នកសម្តែងដែលមានពាក់ស្រោមមុខម្នាក់ថតរូបនៅក្នុងទីលាន San Marco Piazza ក្នុងពិធីបុណ្យ Venice ក្នុងប្រទេសអ៊ីតាលី កាលពីថ្ងៃទី៣០ ខែមករា ឆ្នាំ២០១៦។
៥
នេះជាទិដ្ឋភាពទូទៅនៃទីក្រុងតង់យក្សមួយដែលធ្វើឡើងសម្រាប់អ្នកធ្វើធម្មយាត្រា (pilgrim) ដែលចូលរួមក្នុងពិធី Magh Mela ដែលជាពិធីសាសនាហិណ្ឌូ ដែលមានរយៈពេល១ខែក្នុងក្រុង Allahabad ប្រទេសឥណ្ឌា។
៦
កងកម្លាំងសន្តិសុខរបស់អ៊ីស្រាអែលពិនិត្យសាកសពរបស់ជនប៉ាឡេស្ទីនម្នាក់ដែលត្រូវបានគេដឹងថាឈ្មោះ Amjad Sukkari នៅប៉ុស្តិ៍ត្រួតពិនិត្យមួយរវាងក្រុង Ramallah និងក្រុង Beit El ដែលជាកន្លែងសម្បូរជនជាតិជ្វីបរស់នៅ។ យោធាអ៊ីស្រាអែលបាននិយាយថា ជនឈ្មោះ Sukkari បានបើកការវាយប្រហារនៅប៉ុស្តិ៍ត្រួតពិនិត្យក្នុងតំបន់ West Bank នេះ ហើយបានធ្វើឲ្យមនុស្ស៣នាក់រងរបួស។
៧
ស្រ្តីអាហ្វហ្គានីស្ថានម្នាក់អង្គុយសុំទានជាមួយនឹងក្មេងស្រីម្នាក់ នៅពីមុខជញ្ជាំងដែលសរសេរថា «ក្មេងក៏មានជីវិតដែរ។ សូមកុំដោះដូរគាត់ជាមួយនឹងប្រាក់។» នោក្នុងក្រុង Mazar-i Sharif។
៨
បុរសៗទាញឧបករណ៍កាត់សាប៊ូ ខណៈដែលក្មេងប្រុសម្នាក់ឈរពីលើឧបករណ៍នោះ នៅក្នុងរោងចក្រផលិតសាប៊ូមួយក្នុងខេត្ត Idlib ប្រទេសស៊ីរី កាលពីថ្ងៃទី៣០ ខែមករា ឆ្នាំ២០១៦។
៩
អ្នកសម្តែងក្នុងរឿង Downton Abbey ថតរូបនៅក្នុងបន្ទប់សារព័ត៌មានជាមួយនឹងពានរង្វាន់របស់ពួកគេ សម្រាប់ការសម្តែងរួមគ្នាដ៏អស្ចារ្យមួយនៅក្នុងរឿងភាគ Downton Abbey មួយនេះ នៅក្នុងពិធីប្រគល់ពានរង្វាន់ Screen Actors Guild ប្រចាំឆ្នាំលើកទី២២ នៅសាល Shrine Auditorium & Expo Hall រដ្ឋ Los Angeles កាលពីថ្ងៃទី៣០ ខែមករា ឆ្នាំ២០១៦។
១០
កីឡាការនី Tatiana Volosozhar និងកីឡាករ Maxim Trankov របស់រុស្ស៊ីជិះស្គីក្នុងកម្មវិធី Pairs’ Free នៅក្នុងការប្រកួតជើងឯកជិះស្គីរបស់អឺរ៉ុបនៅក្នុងក្រុងប្រាទីស្លាវ៉ា (Bratislava) ប្រទេសស្លូវ៉ាគី ( Slovakia) កាលពីថ្ងៃទី៣០ ខែមករា ឆ្នាំ២០១៦។