រូបភាពជុំវិញពិភពលោកថ្ងៃទី ២៧ មករា ២០១៧ ពីប្រទេសកម្ពុជា លីប៊ី កាស្មៀ(ឥណ្ឌា) អាមេរិក ស៊ីលី ហ្វីលីពីន នេប៉ាល់ ស្វ៊ីស ជប៉ុន អ៊ីតាលី និង អាល្លឺម៉ង់។
រូបភាពជុំវិញពិភពលោក ២៧ មករា ២០១៧
១
ក្រុមជនចំណាកស្រុកពីអនុតំបន់សាហារ៉ានៃទ្វីបអាហ្វ្រិក ដណ្ដប់ភួយកម្តៅនៅលើក្បាលទូក Golfo Azzurro ក្រោយពេលពួកគេត្រូវបានជួយសង្គ្រោះដោយអង្គការ Proactive Open Arms ចេញពីទូកធ្វើពីកៅស៊ូ នៅក្នុងសមុទ្រមេឌីទែរ៉ាណេ នៅភាគខាងជើងទីក្រុង Sabratha ប្រទេសលីប៊ី។
២
បុរសកាស្មៀម្នាក់កំពុងបំបែកទឹកកកចេញពីទីធ្លាសណ្ឋាគារមួយនៅក្រុង Gulmarg ប្រហែល៥៥គីឡូម៉ែត្រភាគពាយព្យនៃទីក្រុង Srinagar ក្នុងតំបន់កាស្មៀដែលគ្រប់គ្រងដោយឥណ្ឌា។
៣
អ្នកស្រី Josiane Traum ដែលជាអ្នករស់រានមានជីវិតពីការសម្លាប់ប្រល័យពូជសាសន៍ក្នុងសម័យហ៊ីត្លែរ ដុតធូបរំឭកក្នុងទិវាចងចាំថ្ងៃ Holocaust អន្តរជាតិនៅសារមន្ទីរចងចាំសម័យ Holocaust នៅសហរដ្ឋអាមកេរិក ក្នុងរដ្ឋធានីវ៉ស៊ីនតោន។
៤
មនុស្សកំពុងព្យាយាមពន្លត់ភ្លើងព្រៃនៅក្រុង Hualqui ស្ថិតនៅ៣០គីឡូម៉ែត្រភាគខាងត្បូងទីក្រុង Concepcion ក្នុងតំបន់ Biobio ប្រទេសស៊ីលី។
៥
មនុស្សរាប់ពាន់នាក់ប្រមូលផ្តុំគ្នានៅ National Mall នៅមុនពេលចាប់ផ្តើមដើរក្បួនព្យុហយាត្រាសម្រាប់ជីវិត ប្រចាំឆ្នាំលើកទី៤៤ នៅរដ្ឋធានីវ៉ាស៊ីនតោន។
៦
ក្រុមអ្នកកាន់សាសនាឥស្លាម និងសកម្មជនអន្តោប្រវេសន៍ក្នុងតំបន់ ចូលរួមក្នុងពិធីបួងសួងនិងការដើរក្បួនប្រឆាំងនឹងគោលនយោបាយសម្រាប់ជនអន្តោប្រវេសន៍របស់លោកប្រធានាធិបតី ដូណាល់ ត្រាំ នៅទីក្រុងញូវយ៉ក។
៧
បុរសម្នាក់កំពុងលក់វត្ថុសម្រាប់តុបតែងក្នុងពិធីបុណ្យចូលឆ្នាំចន្ទគតិ នៅទីក្រុងភ្នំពេញ ប្រទេសកម្ពុជា។
៨
ស្រ្តីអ្នកកាន់សាសនាហិណ្ឌូជនជាតិនេប៉ាល់ឈរនៅលើកប៉ាល់ក្នុងទន្លេ Bagmati ដើម្បីបួងសួងនៅក្នុងពិធីបុណ្យ Madhav Narayan ក្នុងទីក្រុង កដ្ឋមណ្ឌូ ប្រទេសនេប៉ាល់។
៩
មនុស្សដើរកាត់កន្លែងបាញ់ទឹកសាធារណៈមួយដែលបានក្លាយជាទឹកកក ក្នងសីតុណ្ហភាពត្រជាក់នៅទីក្រុង Zurich ប្រទេសស្វ៊ីស។
១០
លោក Kisenosato ដែលទើបតែទទួលបានជើងឯងកីឡាបោកចំបាប់ជប៉ុន កំពុងសម្តែងក្បាច់នៅឯបូជនីយដ្ឋាន Meiji នៅទីក្រុងតូក្យូ។
១១
មាន់គោកធំមួយក្បាលពីប្រទេសបារាំងឈ្មោះ «លោកសាកល» កំពុងរងាវខណៈពេលដែលវាត្រូវបានគេដាក់បង្ហាញដល់សារព័ត៌មានដោយម្ចាស់របស់វាគឺលោក Manny Tangco។ ការដាក់បង្ហាញនេះគឺនៅក្នុងពិធីតាំងពិព័រណ៍មាន់គោកពិភពលោក ដើម្បីអប់អរសាទរក្នុងពិធីបុណ្យចូលឆ្នាំចិន នៅប្រទេសហ្វីលីពីន។
១២
រូបពានសម្រាប់តារាសម្តែងក្នុងកម្មវិធីប្រគល់ពានរង្វាន់ Screen Actors Guild ត្រូវបានគេថតនៅឯសាលនៅទីក្រុង Los Angeles។
១៣
តារាបង្ហាញម៉ូតស្លៀកសម្លៀកបំពាក់កែច្នៃដែលជាផ្នែកមួយនៃការប្រមូលផ្តុំម៉ូតល្បីៗរបស់អ្នករចនាម៉ូត Rani Zakhem សម្រាប់បង្ហាញនៅរដូវផ្ការីកឆ្នាំ២០១៧ នៅទីក្រុងរ៉ូម ប្រទេសអ៊ីតាលី។
១៤
ស្ត្រីម្នាក់ដើរក្រោមដើមឈើនៅពេលថ្ងៃលិចនៅទីក្រុង Frankfurt ប្រទេសអាល្លឺម៉ង់។