រូបភាពជុំវិញពិភពលោកថ្ងៃទី២៦ ខែមករា ឆ្នាំ២០១៦ មកពីសហរដ្ឋអាមេរិក វិមានវ៉ាទីកង់ ប្រទេសមីយ៉ាន់ម៉ា បារាំង អេក្វាទ័រ ឥណ្ឌា ឥណ្ឌូនេស៊ី តៃវ៉ាន់ រុស្ស៊ី និងអាល្លឺម៉ង់។
រូបភាពជុំវិញពិភពលោក ២៦ មករា ២០១៦
១
នេះជាទិដ្ឋភាពនៃវិមានរដ្ឋសភា Capitol ក្នុងរដ្ឋធានីវ៉ាស៊ីនតោន នៅពេលមានព្រះអាទិត្យរះ។
២
លោក Hassan Rouhani ប្រធានាធិបតីអ៊ីរ៉ង់ (រូបឆ្វេង) បើកសៀវភៅ នៅពេលដែលលោកប្រគល់សៀវភៅនោះទៅសម្តេចប៉ាប Francis ដើម្បីកាដូ ក្នុងកិច្ចប្រជុំផ្លូវការជាលក្ខណៈឯកជនមួយរបស់លោកទាំងពីរ នៅវិមានវ៉ាទីកង់។
៣
ក្មេងៗអង្គុយនៅក្បែរផ្ទះដែលត្រូវបានកម្ទេចចោល នៅពេលដែលអាជ្ញាធរសម្អាតតំបន់អនាធិបតេយ្យមួយនៅជាយក្រុងរ៉ុងហ្គូន ប្រទេសមីយ៉ាន់ម៉ា។ គ្រួសាររាប់រយគ្រួសារស្ថិតក្នុងភាពទីទ័លក្រ បន្ទាប់ពីមន្រ្តីរដ្ឋាភិបាលបានប្រើប្រាស់គ្រឿងយន្តវាយកម្ទេចតំបន់អនាធិបតេយ្យមួយ ខណៈដែលការបញ្ហាដីធ្លីដ៏ជូរចត់នេះធ្វើឲ្យមានភាពតានតឹងនៅក្នុងទីក្រុងដែលឧស្សាហកម្មលូតលាស់លឿនមួយនេះ។
៤
ប៉ូលិសបានប្រមូលផ្តុំគ្នានៅតំបន់មួយក្បែរកន្លែងចតយានយន្ត នៅជាប់នឹងអគារលេខ២៦ នៅមជ្ឈមណ្ដលវេជ្ជសាស្រ្ត Naval Medical Center នៅក្នុងក្រុង San Diego រដ្ឋ California។ បើយោងទៅតាមការបង្ហោះព័ត៌មាននៅលើទំព័រហ្វេសប៊ុករបស់មជ្ឈមណ្ឌលនេះ មានការបាញ់ប្រហារមួយត្រូវបានគេរាយការណ៍ថា បានកើតឡើងនៅទីនោះ។
៥
ប៉ូលិសប្រឆាំងកុបកម្មទៅដល់កន្លែងកើតហេតុ ខណៈដែលអ្នកបើកបរតាក់ស៊ីបានបិទចរាចរណ៍ដោយមានការដុតភ្លើង ក្នុងពេលបាតុកម្មប្រឆាំងនឹងយានយន្តដែលមានតៃកុងឡាន នៅលើផ្លូវក្រវ៉ាត់ នៅស្ថានីយរថភ្លើង Porte Maillot ក្រុងប៉ារីស ប្រទេសបារាំង។
៦
សត្វម៉្យាងដែលមានសកម្មភាពយឺត (sloth) កាន់បង្គោលនៃរបាំងចរចរណ៍នៅលើមហាវិថី ក្នុងក្រុង Quevedo ប្រទេសអេក្វាទ័រ។ សេចក្តីប្រកាសព័ត៌មានមួយនិយាយថា មន្ត្រីប៉ូលិសនៅតាមផ្លូវរថភ្លើង ដែលបានដើរត្បាតមហាវិថីថ្មីនោះបានរកឃើញសត្វនេះ បន្ទាប់ពីវាព្យាយាមឆ្លងកាត់ផ្លូវ និងយកវាទៅដាក់នៅក្នុងជម្រកធម្មជាតិរបស់វាវិញ។
៧
ទាហានការពារព្រំដែនរបស់ឥណ្ឌាមួយក្រុមជិះសត្វអូដ្ឋដើរកាត់ផ្លូវ Rajpath ក្នុងការដើរក្បួនសម្រាប់ទិវាសាធារណរដ្ឋ (Republic Day) នៅក្នុងក្រុងញូវដែលី (New Delhi) ប្រទេសឥណ្ឌា។
៨
បុរសម្នាក់លើកទូរទស្សន៍មួយ នៅពេលអគ្គិភ័យឆាបឆេះតំបន់អនាធិបតេយ្យមួយនៅជាប់ផ្លូវរថភ្លើងនៅក្នុងស្ថានីយរថភ្លើង Kampung Bandan ភាគជើងនៃក្រុងហ្សាការតា ប្រទេសឥណ្ឌូនេស៊ី។
៩
លោក Karl Lagerfeld ដែលអ្នករចនាម៉ូដឈរថតរូបជាមួយតារាបង្ហាញម៉ូដនៅពេលបញ្ចប់ការតាំងបង្ហាញម៉ូដ Haute Couture សម្រាប់រដូវក្តៅ និងរដូវផ្ការីកសម្រាប់ឆ្នាំ២០១៦ របស់ក្រុមហ៊ុន Chanel ក្នុងក្រុងប៉ារីស ប្រទេសបារាំង។
១០
តារាបង្ហាញម៉ូដម្នាក់បង្ហាញម៉ូដដែលរចនាឡើងដោយកញ្ញា Yiqing Yin ក្នុងការតាំងបង្ហាញម៉ូដ Haute Coutureសម្រាប់រដូវក្តៅ និងរដូវផ្ការីកសម្រាប់ឆ្នាំ២០១៦ របស់ក្រុមហ៊ុន Chanel ក្នុងក្រុងប៉ារីស ប្រទេសបារាំង។
១១
កងទ័ពជើងទឹករបស់តៃវ៉ាន់សម្តែងការហ្វឹកហ្វឺនការឡើងគោកដោយសម្ងាត់ នៅលើកោះ Kinmen ឆ្ងាយពីចិនដីគោកប្រមាណជាពីរបីគីឡូម៉ែត្រ។
១២
បុរសៗធ្វើការនៅលើរូបមនុស្សព្រិលដែលមានកម្ពស់៥ម៉ែត្រ នៅឧទ្យានមួយនៅក្នុងក្រុង Krasnoyarsk ប្រទេសរុស្ស៊ី។
១៣
គេមើលឃើញព្រះច័ន្ទនៅជាប់នឹងអគារ Messeturm នៅក្នុងក្រុង Frankfurt ប្រទេសអាល្លឺម៉ង់ កាលពីថ្ងៃទី២៥ ខែមករា ឆ្នាំ២០១៦។