រូបភាពជុំវិញពិភពលោកថ្ងៃទី១៧ ខែមករា ឆ្នាំ២០១៦ មកពីប្រទេសបារាំង តួកគី ប៉ាគីស្ថាន បង់ក្លាដែស អេស្ប៉ាញ អង់គ្លេស ស្វ៊ីស បេឡារុស ហូឡង់ និងសហរដ្ឋអាមេរិក។
រូបភាពជុំវិញពិភពលោក ១៧ មករា ២០១៦
១
សុនខមួយក្បាលត្រូវបានគ្របដណ្តប់ទៅដោយទឹកកក បន្ទាប់ពីវាចំណាយពេលមួយយប់ក្នុងវាលលំហជាមួយនឹងម្ចាស់របស់វា នៅរមណីយដ្ឋានជិះស្គីឈ្មោះថា Val-Cenis។ សុនខនេះកំពុងត្រៀមខ្លួនដើម្បីប្រកួតក្នុងវគ្គទី១២នៃការប្រកួតស្គីទឹកកកកាត់ជ្រលងភ្នំ Alps ឈ្មោះថា La Grande Odyssee នៅក្នុងរមណីយដ្ឋានស្គី Val-Cenis ប្រទេសបារាំង។
២
ប៉ូលិសកុបកម្មរបស់តួកគីប្រើប្រាស់ឡានទឹកដើម្បីបំបែកបាតុករ Kurd ក្នុងពេលតវ៉ាមួយនៅក្នុងក្រុង Diyarbakir ប្រឆាំងនឹងបម្រាមមួយក្នុងស្រុក Sur និងប្រតិបត្តិការសន្តិសុខនៅក្នុងតំបន់។
៣
ក្មេងៗដើររកផ្លាស្ទិចដែលអាចកែឆ្នៃបាននៅក្នុងប្រឡាយមួយក្នុងក្រុង Peshawar ប្រទេសប៉ាគីស្ថាន។
៤
ក្មេងប្រុសម្នាក់តម្រង់កាំភ្លើង RPG នៅកន្លែងតាំងពិព័រណ៍អាវុធមួយ ក្នុងក្រុង St.Petersburg ប្រទេសរុស្ស៊ី។
៥
អ្នកកាន់សាសនាឥស្លាមធ្វើការបួងសួង បន្ទាប់ពីបានឡើងជិះរថភ្លើងដែលចង្អៀតខ្លាំងនៅថ្ងៃចុងក្រោយនៃការជំនុំសាសនាឥស្លាម នៅវគ្គចុងក្រោយ នៅក្នុងក្រុង Tongi ប្រទេសបង់ក្លាដែស។
៦
បុរសម្នាក់ជិះសេះកាត់ភ្នក់ភ្លើង ដែលនេះជាផ្នែកមួយនៃពិធីបុណ្យឧទ្ទិសដល់ លោក Anthony the Abbot នៅក្នុងក្រុង San Bartolome de Pinares ប្រទេសអេស្ប៉ាញ កាលពីថ្ងៃទី១៦ ខែមករា ឆ្នាំ២០១៦។
៧
បុរសម្នាក់ដើរជាមួយក្មេងម្នាក់ បន្ទាប់ពីមានព្រិលធ្លាក់នៅឧទ្យាន Bradgate នៅក្នុងភូមិ Newtown Linford កណ្តាលប្រទេសអង់គ្លេស។
៨
ពលករម្នាក់លីផ្កាកុលាបក្រហមមួយបាច់នៅផ្សារលក់ផ្កាបោះដុំមួយនៅក្នុងក្រុង Lahore ប្រទេសប៉ាគីស្ថាន។
៩
កីឡាករ Henrik Kristoffersen របស់ន័រវែស (Norway) បានបុករបាំង នៅក្រោយជ័យជម្នះរបស់លោកក្នុងការប្រកួត Alpine Skiing World Cup ប្រភេទបុរស នៅក្នុងក្រុង Wengen ប្រទេសស៊្វីស។
១០
បក្សីមួយប្រភេទពាំគ្រាប់ពោត នៅក្នុងព្រៃ នៅជាយក្រុង Novogrudok ប្រទេសបេឡារុស។
១១
ស្រ្តីម្នាក់តុបតែងជា The Milkmaid បេះផ្កាដែលគេដាក់នៅពីមុខព្រះរាជវាំងនៅទីលាន Dam ដើម្បីសាទរការផ្តើមនៃរដូវផ្កា Tulip នៅក្នុងក្រុងអាំស្ទែដាំ (Amsterdam) ប្រទេសហូឡង់ កាលពីថ្ងៃទី១៦ ខែមករា ឆ្នាំ២០១៦។
១២
កីឡាករ Nico Walther (នៅមុខគេ) កីឡាករ Marko Huebenbecker កីឡាករ Christian Poser និងកីឡាករ Eric Franke របស់អាល្លឺម៉ង់សាទរ បន្ទាប់ពីឈ្នះការប្រកួតប្រណាំងកីឡារដូវទឹកកក ក្តាររអិលដែលមានមនុស្សបួននាក់ នៅក្នុងក្រុង Park រដ្ឋ Utah សហរដ្ឋអាមេរិក កាលពីថ្ងៃទី១៦ ខែមករា ឆ្នាំ២០១៦។