រដ្ឋធានីវ៉ាស៊ីនតោន —
លោក ហ៊ុន ណេង ដែលត្រូវជាបងប្រុសបង្កើតរបស់លោកនាយករដ្ឋមន្ត្រីហ៊ុន សែន បានទទួលមរណភាពនៅល្ងាចថ្ងៃព្រហស្បតិ៍ ទី ៥ ខែឧសភានេះ ដោយជំងឺបេះដូង។ នេះបើតាមដំណឹងមរណភាពដែលត្រូវបានផ្សព្វផ្សាយដោយសារព័ត៌មានក្នុងស្រុក។
លោក ហ៊ុន ណេង មានជន្មាយុ ៧២ ឆ្នាំ។
លោក ហ៊ុន ណេង បានបម្រើការងាររាជការក្នុងនាមជាតំណាងរាស្ត្រម្នាក់ប្រចាំខេត្តកំពង់ចាម និងជាប្រធានគណៈកម្មការទី ៤ នៃរដ្ឋសភាជាតិកម្ពុជា។
បើតាមដំណឹងមរណភាពដដែលនោះ ពិធីបុណ្យសពរបស់លោក ហ៊ុន ណេង នឹងត្រូវបានរៀបចំឡើងនៅភូមិត្រពាំងចារ ឃុំក្រឡា ស្រុកកំពង់សៀម ខេត្តកំពង់ចាម៕
