Hello VOA សុខភាព៖ ការសិក្សាអំពីវិធីព្យាបាលជំងឺកូវីដ១៩ ដោយប្លាស្មាពីអ្នកងើបពីឈឺ
អ្នកជំនាញវេជ្ជសាស្ត្រ គឺលោក តាំង តេកហុង វេជ្ជបណ្ឌិតខ្មែរចូលនិវត្តន៍នៅសហរដ្ឋអាមេរិក បានថ្លែងថា អ្នកវិទ្យាសាស្រ្តផ្នែកវេជ្ជសាស្រ្តកំពុងសិក្សាបន្ថែមទៅលើវិធីព្យាបាលជំងឺកូវីដ១៩ ដោយការយកប្លាស្មាពីអ្នកដែលងើបពីឈឺ ចាក់បញ្ចូលទៅឲ្យអ្នកជំងឺកូវីដ១៩ ពេលចាប់ឈឺដំបូង ដើម្បីឲ្យអង្គបដិបក្ខដែលវាមាន ជួយប្រយុទ្ធប្រឆាំងនឹងវីរុស។ ទោះជាយ៉ាងណាក្តី ក្រុមអ្នកជំនាញត្រូវធ្វើតេស្តបន្ថែមទៀតដើម្បីអះអាងពីប្រសិទ្ធិភាពនិងសុវត្ថិភាពចំពោះការព្យាបាលនេះ មុននឹងត្រូវបានអនុញ្ញាតដាក់ឲ្យប្រើប្រាស់៕ (អ្នកស្រី ស៊ូ ពេជ្រចិន្តា, HelloVOA សុខភាព, វ៉ាស៊ីនតោន, ថ្ងៃទី១៧ ខែកញ្ញា ឆ្នាំ២០២០)