Hello VOA សុខភាព៖ វ៉ាក់សាំងកូវីដ១៩ ពិតជាមានសុវត្ថិភាពនិងប្រសិទ្ធភាពប្រាកដមែន
អ្នកជំនាញវេជ្ជសាស្ត្រ គឺលោក តាំង តេកហុង ដែលជាវេជ្ជបណ្ឌិតខ្មែរចូលនិវត្តន៍មួយរូបនៅសហរដ្ឋអាមេរិក បានថ្លែងថា វ៉ាក់សាំងកូវីដ១៩ ពិតជាមានសុវត្ថិភាពនិងប្រសិទ្ធភាពមែន។ មនុស្សរាប់លាននាក់នៅសហរដ្ឋអាមេរិក បានទទួលវ៉ាក់សាំងការពារកូវីដ១៩ ហើយវ៉ាក់សាំងទាំងនេះ បានឆ្លងកាត់ការត្រួតពិនិត្យសុវត្ថិភាពដែលមានលក្ខណៈខ្លាំងក្លាបំផុតក្នុងប្រវត្តិសាស្ត្រអាមេរិក។ ការត្រួតពិនិត្យនេះ រួមបញ្ចូលទាំងការប្រើប្រព័ន្ធត្រួតពិនិត្យសុវត្ថិភាពតាមរបៀបដែលគេធ្លាប់ប្រើកន្លងមក និងតាមរបៀបថ្មី ដើម្បីឱ្យប្រាកដថា វ៉ាក់សាំងការពារកូវីដ១៩ ពិតជាមានសុវត្ថិភាពមែន។ លទ្ធផលដែលទទួលបានពីការឃ្លាំមើលទាំងនោះ បានបង្ហាញថា គួរឲ្យមានការទុកចិត្តខ្លាំង៕ (អ្នកស្រី ស៊ូ ពេជ្រចិន្តា, HelloVOA សុខភាព, វ៉ាស៊ីនតោន, ថ្ងៃទី១៨ ខែកុម្ភៈ ឆ្នាំ២០២១)