Hello VOA សុខភាព៖ ជំងឺលុយពីសជាជំងឺដែលគេមិនសូវបានស្គាល់ ប៉ុន្តែអាចបង្កគ្រោះថ្នាក់ដល់ជីវិត
ជំងឺលុយពីសជាប្រព័ន្ធដែលមានក្រហមស្បែក (Systemic Lupus Erythematosus) ឬហៅកាត់ថាជំងឺលុយពីសគឺជាជំងឺដែលប្រព័ន្ធការពាររាងកាយវាយប្រហារលើជាលិកាដែលល្អរបស់យើងដោយភាន់ច្រឡំ។ លោក តាំង តេកហុង វេជ្ជបណ្ឌិតខ្មែរអាមេរិកាំងចូលនិវត្តន៍នៅរដ្ឋ Florida សហរដ្ឋអាមេរិក មានប្រសាសន៍ថា ប្រជាជនខ្មែរភាគច្រើនមិនសូវស្គាល់ជំងឺលុយពីសនេះទេ ប៉ុន្តែជំងឺនេះអាចបង្កគ្រោះថ្នាក់ដល់ជីវិតបាន បើមិនទទួលការព្យាបាលឱ្យបានត្រឹមត្រូវ។ លោកវេជ្ជបណ្ឌិត តាំង តេកហុង នឹងបកស្រាយអំពីមូលហេតុ កត្ដាហានិភ័យ ផលវិបាក ការធ្វើតេស្ត និងវិធីសាស្ត្រព្យាបាលជំងឺលុយពីសនេះ នៅក្នុងកម្មវិធី Hello VOA ស្ដីពីសុខភាពនៅក្នុងខែមករានេះ៕ (អ្នកស្រី ហុង ចិន្ដា, Hello VOA សុខភាព, វ៉ាស៊ីនតោន, ថ្ងៃទី១៨ ខែមករា ឆ្នាំ២០២៤)