ការបោះឆ្នោតក្រុមប្រឹក្សាឃុំ-សង្កាត់បានចប់ទៅកាលពីថ្ងៃអាទិត្យទី៣ខែមិថុនា ដោយគណបក្សកាន់អំណាចរបស់លោកនាយករដ្ឋមន្ត្រី ហ៊ុន សែន ទទួលបានជ័យជម្នះភ្លូកទឹកភ្លូកដី។
មានសេចក្តីរាយការណ៍ពីភាពមិនប្រក្រតីមួយចំនួនក្នុងពេលបោះឆ្នោតនេះ ក្នុងនោះមានដូចជាការបាត់ឈ្មោះអ្នកបោះឆ្នោត ការបំភិតបំភ័យ ការទិញសន្លឹកឆ្នោត និងការរាប់សន្លឹកឆ្នោតបន្លំ។ គណបក្សនយោបាយដែលចូលរួមប្រកួតបានចោទប្រកាន់ថា គណៈកម្មាធិការជាតិរៀបចំការបោះឆ្នោតមានការលម្អៀងទៅរកគណបក្សគ្រប់គ្រងអំណាច។
ចូលជាវាគ្មិនក្នុងកម្មវិធីហេឡូវីអូអេនៅយប់នេះ ដែលជាកម្មវិធីពិភាក្សាប្រចាំខែជុំវិញប្រធានបទនៃការបោះឆ្នោត លោកអ៊ូ វីរៈ ប្រធានមជ្ឈមណ្ឌលសិទ្ធិមនុស្សកម្ពុជានឹងពិភាក្សាលើប្រធានបទទាក់ទងនឹង ថាតើការផ្លាស់ប្តូរគ.ជ.បនឹងផ្លាស់ប្តូរលទ្ធផលឆ្នោតឬយ៉ាងណា? ហើយលោកក៏នឹងផ្តល់ការសង្កេតលើទិដ្ឋភាពទូទៅនៃការបោះឆ្នោតកាលពីថ្ងៃអាទិត្យម្សិលមិញនេះផងដែរ។
សូមស្តាប់សំឡេងទាំងស្រុងនៃកម្មវិធីហេឡូវីអូអេថ្ងៃទី ០៤ មិថុនា ២០១២៖
មធ្យោបាយចូលរួមសម្រាប់ប្រិយមិត្ត៖ ទូរស័ព្ទ ០១២ ៥១ ៥១ ៩៤ ហ្វេសប៊ុក facebook.com/voakhmer អ៊ីម៉េល hellovoa@voanews.com
