រូបភាពជុំវិញពិភពលោកថ្ងៃទី១៤ ខែកុម្ភៈ ឆ្នាំ២០១៦ មកពីហុងកុង ប្រទេសប៉ូឡូញ អង់គ្លេស អ៊ីស្រាអែល ម៉ាសេដ្ឋាន បារ៉ែន ម៉ិកស៊ិក ស៊ុយអ៊ែត ឥណ្ឌា និងតៃវ៉ាន់។
រូបភាពជុំវិញពិភពលោក ១៤ កុម្ភៈ ២០១៦
១
ផ្កា LED ត្រូវបានគេបង្ហាញនៅសួន Light Rose ឆ្លុះនឹងទិដ្ឋភាពនៃតំបន់ពាណិជ្ជកម្ម Central ក្នុងក្រុងហុងកុង។
២
មនុស្សម្នាប្រមូលផ្តុំគ្នាជុំវិញបេដូងពណ៌បៃតងដែលធ្វើពីមែកឈើដើម្បីបង្ហាញពីអារម្មណ៍របស់ពួកគេចំពោះព្រៃ Bialowieza ដែលត្រូវបានគេចាត់ទុកថាជាព្រៃបុរាណចុងក្រោយនៅលើតំបន់ដីវាលអឺរ៉ុប ក្នុងព្រឹត្តិការណ៍នៅថ្ងៃបុណ្យនៃក្តីស្រឡាញ់ នៅក្នុងក្រុងវ៉ាសូរី (Warsaw) ប្រទេសប៉ូឡូញ។
៣
តារាសម្តែង Cate Blanchett ថតរូបនៅពេលទៅដល់ពិធីប្រគល់ពានរង្វាន់ភាពយន្ត BAFTA សម្រាប់ឆ្នាំ២០១៦ នៅមហោស្រព Royal Opera House ក្នុងក្រុងឡុងដ៍។
៤
សត្វក្រៀលជាច្រើនឈរ នៅពេលដែលសត្វក្រៀលផ្សេងទៀតហោះហើរពីលើឧទ្យាន Hula Lake Ornithology and Nature នៅភាគខាងជើងនៃប្រទេសអ៊ីស្រាអែល។
៥
ឡានកងទ័ពរបស់ប្រទេសម៉ាសេដ្ឋាន (Macedonia) ធ្វើដំណើរនៅតាមផ្លូវនៅចន្លោះរបងពីរខ្សែដោយមានបំពាក់ជាមួយនឹងបន្លាលួសនៅតាមខ្សែបន្ទាត់ព្រំដែនជាមួយប្រទេសក្រិកនៅក្បែរក្រុង Gevgelija នៅភាគខាងត្បូងនៃប្រទេសម៉ាសេដ្ឋាន។
៦
អ្នកតវ៉ាម្នាក់គប់កែវដែលមានថ្នាំពណ៌ទៅលើរថក្រោះរបស់ប៉ូលិសកុបកម្មក្នុងពេលប៉ះទង្គិចដែលប្រឆាំងនឹងរដ្ឋាភិបាលនៅក្នុងភូមិ Sitra ប្រទេសបារ៉ែន (Bahrain)។
៧
មនុស្សម្នាកាន់រូបភាពរបស់សម្តេចប៉ាប Francis ដែលត្រូវបានរចនាក្នុងស៊ុមដែលមានរាងជាសត្វព្រាប នៅពេលពួកគេរង់ចាំព្រះអង្គនៅក្នុងក្រុងម៉ិកស៊ិក ប្រទេសម៉ិកស៊ិក។
៨
សម្តេចប៉ាប Francis ដែលគេមើលឃើញពីជ្រុងម្ខាងនៃកញ្ចក់សម្រាប់រូបព្រះនាង Virgin of Guadalupe កាន់កម្រងផ្កា នៅពេលព្រះអង្គបួងសួងទៅព្រះនាងនៅក្នុងបន្ទប់ឯកជនមួយនៅវិហារ Basilica ដែលត្រូវបានធ្វើឡើងដើម្បីឧទ្ទិសដល់ព្រះនាង ក្នុងពេលសូត្រធម៌មហាជននៅក្នុងក្រុងម៉ិកស៊ិក កាលពីថ្ងៃទី១៣ ខែកុម្ភៈ ឆ្នាំ២០១៦។
៩
កីឡាករ Thierry Neuville របស់បែលហ្ស៊ិក និងសហការីរបស់លោកគឺកីឡាករ Nicolas Gilsoul កាច់ចង្កូតរថយន្ត Hyundai i20 WRC របស់ពួកគេ ក្នុងវគ្គផ្តាច់ព្រ័តនៃការប្រកួតប្រណាំងឡានដែលមានឈ្មោះថា Rally Sweden ហើយការប្រកួតនេះជាវគ្គទី២នៃការប្រកួតជើងឯក FIA World Rally Championship នៅក្នុងក្រុង Hagfors ប្រទេសស៊ុយអ៊ែត។
១០
បព្វជិតសាសនាហិណ្ឌូកាន់ចង្កៀងបុរាណដែលមានក្លិនក្រអូប នៅពេលពួកគេសម្តែងពិធីសាសនាមួយដែលមានឈ្មោះថា Aarti នៅត្រើយម្ខាងនៃទន្លេ Sangam ចំណុចប្រសព្វនៃទន្លេ Ganges ទន្លេ Yamuna និងទន្លេ Saraswati ក្នុងពិធីបុណ្យសាសនា Magh Mela ប្រចាំឆ្នាំនៅក្នុងក្រុង Allahabad ប្រទេសឥណ្ឌា។
១១
មនុស្សម្នាបង្ហោះគោមមុនពិធីបុណ្យបង្ហោះគោមរបស់ចិនប្រពៃណី (Chinese Lantern Festival) នៅក្នុងស្រុក Pingxi ក្រុងតៃប៉ិថ្មី កោះតៃវ៉ាន់។