រូបភាពជុំវិញពិភពលោកថ្ងៃទី០៤ ខែធ្នូ ឆ្នាំ២០១៦ មកពីប្រទេសអ៊ីស្រាអែល គុយបា អាល្លឺម៉ង់ អ៊ីតាលី ប៊ែលហ្ស៊ិក បារាំង លីបង់ ក្រិក ស៊ីប និងអាហ្វហ្គានីស្ថាន។
រូបភាពជុំវិញពិភពលោក ០៤ ធ្នូ ២០១៦
១
ឆព្វណ្ណរង្សីត្រូវបានគេប្រទះឃើញនៅជុំវិញព្រះអាទិត្យនៅក្បែរសហគមន៍ Nahsholim ក្នុងប្រទេសអ៊ីស្រាអែល។
២
លោកប្រធានាធិបតីគុយបា Raul Castro គោរពផ្នូររបស់បងប្រុសលោកគឺលោក Fidel Castro នៅកន្លែងបញ្ចុះសព Santa ក្នុងក្រុង Santiago។ លោក Raul Castro បានបញ្ចុះធាតុរបស់បងប្រុសលោកនៅក្នុងផ្នូរមួយដែលមានសរសេរតែឈ្មោះថា «Fidel»។
៣
មនុស្សម្នាដើរក្បួនទៅកាន់វិមាន Presidential Blue House ក្នុងពេលបាតុកម្មមួយទាមទារឲ្យលោកស្រីប្រធានាធិបតី Park Geun-hye របស់កូរ៉េខាងត្បូងចុះចេញពីតំណែង ក្នុងក្រុងសេអ៊ូល កាលពីថ្ងៃទី៣ ខែធ្នូ ឆ្នាំ២០១៦។
៤
កីឡាករ Noriaki Kasai របស់ជប៉ុនលោតនៅពីមុខព្រះច័ន្ទ ក្នុងពេលប្រកួតវិញ្ញាសាទោលនៃការប្រកួត FIS Ski Jumping World Cup នៅក្នុងក្រុង Klingenthal ប្រទេសអាល្លឺម៉ង់។
៥
កីឡាករ Jose Ernesto Sosa របស់ក្រុម AC Milan ដណ្តើមបាល់ជាមួយនឹងកីឡាករ Leonardo Capezzi របស់ក្រុម Crotone ក្នុងពេលប្រកួតបាល់ទាត់ Serie A របស់អ៊ីតាលី នៅស្តាត San Siro ក្នុងក្រុង Milan ប្រទេសអ៊ីតាលី។
៦
លោក Saint Nicholas ឈរថតរូបជាមួយនិស្សិតក្នុងពេលដើរក្បួនក្នុងក្រុងប៊្រុចសែល ប្រទេសប៊ែលហ្ស៊ិក កាលពីថ្ងៃទី៣ ខែធ្នូ ឆ្នាំ២០១៦។
៧
មនុស្សម្នាដែលចូលរួមនៅក្នុងការប្រកួតចែវទូក Nautic SUP Paris Crossing លើកទី៧ ឈរដើម្បីប្រកួតនៅលើទន្លេ Seine ក្រុងប៉ារីស ប្រទេសបារាំង។
៨
មនុស្សម្នាប្រមូលផ្តុំគ្នានៅក្រោមដើមណូអែល ដើម្បីប្រារព្ធការចាប់ផ្តើមនៃពិធីបុណ្យណូអែលនៅក្នុងក្រុង Zgharta ភាគខាងជើងនៃប្រទេសលីបង់ កាលពីថ្ងៃទី៣ ខែធ្នូ ឆ្នាំ២០១៦។
៩
មនុស្សម្នាដែលពាក់សម្លៀកបំពាក់ Santa Claus ប្រមូលផ្តុំគ្នាដើម្បីចូលរួមក្នុងពីធី Athens Santa Run សម្រាប់ឆ្នាំ២០១៦ នៅក្នុងក្រុងអាថែន ប្រទេសក្រិក។
១០
មនុស្សម្នារីករាយជាមួយនឹងឧទ្យាន Christmas Lunapark ក្នុងក្រុង Nicosia នៅលើកោះស៊ីប កាលពីថ្ងៃទី៣ ខែធ្នូ ឆ្នាំ២០១៦។
១១
អ្នកលក់សណ្តែកដីនៅតាមផ្លូវដែលជាជនជាតិអាហ្វហ្គានីស្ថាន រង់ចាំមើលអ្នកទិញនៅជាយក្រុងកាប៊ុល។