រូបភាពជុំវិញពិភពលោកសម្រាប់ថ្ងៃទី២៤ ខែធ្នូ ឆ្នាំ២០១៥ មានមកពីប្រទេសចិន អ៊ីតាលី បេឡារុស ហ្វីលីពីន អាមេរិក អាហ្វហ្គានីស្ថាន ឥណ្ឌា ឥណ្ឌូនេស៊ី រុស្ស៊ី បែលហ្ស៊ិក និងកូរ៉េខាងត្បូង។
រូបភាពជុំវិញពិភពលោក ២៤ ធ្នូ ២០១៥
១
ក្រុមកាន់ឈើឆ្កាងដើរកាត់ទីលានព្រះវិហារមួយ នៅឯពិធីបុណ្យសូត្រធម៌រួមគ្នានៅពេលយប់មុនថ្ងៃបុណ្យ Christmas នៅឯព្រះវិហារ Southern Cathedral ដែលជាព្រះវិហារកាតូលិកត្រូវបានអនុញ្ញាតជាផ្លូវការនៅក្នុងទីក្រុងប៉េកាំង ប្រទេសចិន។
២
បុរសម្នាក់ស្លៀកសំលៀកបំពាក់ជា Santa Claus កាន់ដងកាំជ្រួចភ្លើង ខណៈពេលដែលលោកជិះលើទូកដែលរុញដោយអ្នកហែលទឹក នៅក្នុងទីក្រុង Genoa ប្រទេសអ៊ីតាលី។
៣
បុរសម្នាក់ស្លៀកសំលៀកបំពាក់ជា Santa Claus ឬ Father Frost ឲ្យអំណោយទៅក្មេងប្រុសម្នាក់នៅពេលយប់មុនថ្ងៃបុណ្យ Christmas នៅឯមន្ទីរពេទ្យមួយក្នុងទីក្រុង Minsk ប្រទេសបេឡារុស។
៤
បុរសម្នាក់សម្តែងសៀកដោយលេបភ្លើង នៅក្នុងការសម្តែងតាមផ្លូវមួយ ក្នុងទីក្រុង Metro Manila ប្រទេសហ្វីលីពីន។
៥
យានយន្តនិងបំណែកកំទេចកំទីនៅរាយប៉ាយក្នុងតំបន់មួយក្បែរ ទីក្រុង Linden រដ្ឋ Tennessee សហរដ្ឋអាមេរិក។ មនុស្សមួយចំនួនក្នុងរដ្ឋ Mississippi រដ្ឋ Tenneessee និងរដ្ឋ Arkansas បានស្លាប់ ខណៈព្យុះលាយលំនឹងអាកាសធាតុក្តៅខុសរដូវ បានបង្កើតឲ្យមានព្យុះកំបុតត្បូងដ៏កម្រមួយនៅភូមិភាគខាងត្បូង។
៦
ទាហានម្នាក់គោរពទៅកាន់ទាហានដែលស្លាប់ នៅក្នុងពិធីមួយដែលរំឭកដល់ទាហានជើងអាកាសទាំង៦នាក់នៅក្នុងការវាយប្រហារដោយគ្រាប់បែកអត្តឃាត នៅឯមូលដ្ឋានទ័ពអាកាស Bagram ប្រទេសអាហ្វហ្គានីស្ថាន កាលពីថ្ងៃទី២៣ ខែធ្នូ ឆ្នាំ២០១៥។
៧
ស្រ្តីមូស្លីមកាស្មៀរលើកដៃបួងសួងនៅមុខកេរ្តិ៍ដំណែលរបស់ព្យាការី Mohammad ដែលត្រូវបានដាក់តាំងនៅក្នុងពិធីបុណ្យ Eid-e-Milad-ul-Nabi នៅឯទីសក្ការៈបូជា Hazratbal ក្នុងអំឡុងពេលព្រឹកនារដូវត្រជាក់ក្នុងទីក្រុង Srinagar ប្រទេសឥណ្ឌា។
៨
អ្នកគោរពសាសនគ្រិស្តកាន់ទៀន ខណៈពេលដែលពួកគេចូលរួមពិធីបុណ្យសូត្រធម៌រួមគ្នានៅពេលយប់មុនថ្ងៃបុណ្យ Christmas នៅទីក្រុង Surabaya ប្រទេសឥណ្ឌូនេស៊ី។
៩
បុរសម្នាក់ជិះកង់នៅតាមបណ្តោយផ្លូវមាត់ច្រាំង កាត់មុខវិមានវ៉ាស៊ីនតោន (The Washington Monument) នៅក្រោមអព្ទលើទន្លេ Potomac ក្នុងរដ្ឋធានីវ៉ាស៊ីនតោន កាលពីថ្ងៃទី២៣ ខែធ្នូ ឆ្នាំ២០១៥។
១០
បាឡុងខ្យល់រូប Santa Claus ត្រូវបានតំឡើងនៅលើស្ពានកញ្ចក់ ដើម្បីអបអរពិធីបុណ្យ Christmas នៅឯកន្លែងសម្រាកលំហែកាយ Shiniuzhai ក្នុងខេត្ត Hunan ប្រទេសចិន កាលពីថ្ងៃទី២៣ ខែធ្នូ ឆ្នាំ២០១៥។
១១
លោក Ivan Timofeenko សហស្ថាបនិកនៃសារមន្ទីរវិទ្យាសាស្រ្តមួយឈ្មោះ Newton Park បានស្លៀកសំលៀកបំពាក់ជា Santa Claus ហើយចាក់សារធាតុរាវនៃអាសូត ដែលមានសីតុណ្ហភាព -១៩៦អង្សារ ទីលើអ្នកចូលរួមទស្សនាម្នាក់ឈ្មោះ Dmitry Shilov នៅក្នុងការបង្ហាញមួយឈ្មោះ «Arctic» សម្រាប់កូនសិស្សសាលា នៅកណ្តាលសារមន្ទីរ «Square of Peace» ក្នុងទីក្រុង Krasnoyarsk ប្រទេសរុស្ស៊ី។
១២
ការបញ្ចាំងភ្លើងលើដើម Christmas នៅក្នុងបរិវេន Grand Place ក្នុងអំឡុងពេលនៃការបង្ហាញភ្លើងពណ៌ សម្រាប់កម្មវិធីនារដូវត្រជាក់ «Winter Wonders» ក្នុងនោះរួមមាន ផ្សារ Christmas និងកម្មវិធីសម្តែងផ្សេងៗទៀត នៅកណ្តាលទីក្រុងព្រុចសែល ប្រទេសបែលហ្ស៊ិក។
១៣
អ្នកស្ម័គ្រចិត្តជាច្រើនរយនាក់ស្លៀកសំលៀកបំពាក់ជា Santa Claus បានបោះមួករបស់ពួកគេទៅលើ ក្នុងអំឡុងពិធីបុណ្យសប្បុរសធម៌មួយ ដើម្បីចែកអំណោយដល់អ្នកក្រីក្រ នៅកណ្តាលទីក្រុងសេអ៊ូល ប្រទេសកូរ៉េខាងត្បូង។