កម្រងរូបភាពនៃព្រឹត្តិការណ៍សំខាន់ៗ និងទិដ្ឋភាពនានពីប្រទេសផ្សេងៗនៅជុំវិញពិភពលោក។
រូបភាពជុំវិញពិភពលោក ០៨ ធ្នូ ២០១៨
១
លោកស្រី Annegret Kramp-Karrenbauer ត្រូវបានស្វាគមន៍ដោយលោកស្រីអធិការបតីអាល្លឺម៉ង Angela Merkel ក្រោយពេលលោកស្រី ត្រូវបានបោះឆ្នោតជ្រើសរើសជាមេដឹកនាំគណបក្សសហភាពប្រជាធិបតេយ្យគ្រិស្ត ហៅកាត់ថា CDU ក្នុងអំឡុងពេលនៃការធ្វើសមាជបក្សនៅទីក្រុង Hamburg ប្រទេសអាល្លឺម៉ង់។
២
ទង់ជាតិបារាំងមួយនិងថូពណ៌លឿង ត្រូវបានគេឃើញនៅរង្វង់មូលមួយដែលហ៊ុំព័ទ្ធទៅដោយពួកបាតុករមានថូពណ៌លឿង នៅទីក្រុង Roppenheim ប្រទេសបារាំង។
៣
ក្រុមសិស្សសាលាវិទ្យាល័យធ្វើបាតុកម្មនៅមុខប៉ូលិសបង្ក្រាបកុបកម្មនៅទីក្រុង Lyon ដើម្បីប្រឆាំងនឹងការធ្វើកំណែទម្រង់ខុសៗគ្នាក្នុងវិស័យអប់រំ ដែលរួមមានទាំងការត្រួតពិនិត្យ និងការប្រឡងចូលសាកលវិទ្យាល័យដែលកាន់តែតឹងរ៉ឹងជាងមុន។
៤
ក្រុមបាតុករកាន់គ្រាប់បែកសាំង ក្នុងពេលធ្វើបាតុកម្មនៅទីក្រុងអាថែន ដើម្បីប្រារព្ធខួប១០ឆ្នាំនៃការបាញ់សម្លាប់យុវជនម្នាក់ដែលការបាញ់នោះធ្វើឲ្យផ្ទុះកុបកម្មជាច្រើននៅក្នុងប្រទេសក្រិក។
៥
ស្ត្រីជនជាតិឥណ្ឌាម្នាក់ឈរនៅក្នុងជួរដើម្បីរង់ចាំគូសសន្លឹកឆ្នោតនៅការិយាល័យបោះឆ្នោតមួយ នៅក្នុងការបោះឆ្នោតសភានៅទីក្រុង Jodhpur រដ្ឋ Rajasthan។
៦
ក្មេងម្នាក់អង្គុយនៅលើរទេះ នៅខណៈដែលក្មេងផ្សេងទៀតលេងព្រិលសិប្បនិម្មិត ក្នុងរដូវបុណ្យណូអែល នៅ Lippo Mall Puri រដ្ឋធានីហ្សាការតា ប្រទេសឥណ្ឌូនេស៊ី។
៧
ក្មេងប្រុសជនជាតិហ្វីលីពីនម្នាក់កំពុងមើលការដាក់តាំងដែលបង្ហាញពីការធ្វើទុក្ខបុកម្នេញរបស់យោធាទៅលើប្រជាជន នៅក្នុងខេត្តផ្សេងៗ នៅពេលដែលពួកបាតុករអំពាវនាវឲ្យបញ្ចប់ច្បាប់អាជ្ញាសឹក ក្នុងពេលមានការជួបជុំមួយនៅជិតវិមាន Malacanang ក្នុងទីក្រុងម៉ានីល ប្រទេសហ្វីលីពីន។
៨
សញ្ញាសម្រាប់អ្នកថ្មើជើងបង្ហាញរូបលោក Elvis Presley ដែលជាតារាចម្រៀងចង្វាក់រ៉ក និងរ៉ូល (rock and roll) ដ៏ល្បីល្បាញរបស់សហរដ្ឋអាមេរិក នៅភ្លើងស្តុបមួយ នៅក្រុង Friedberg ជិតទីក្រុង Frankfurt ប្រទេសអាល្លឺម៉ង់។
៩
ឆ្កែមួយក្បាលនៃក្រុមរៃអង្គាសថវិកាសម្រាប់មនុស្សធម៌ឈ្មោះថា Canine Partners សម្ដែងជាក្មេងរើសបាល់ក្នុងពេលប្រកួតកីឡាតិន្នីស រវាងក្រុមលោក Mansour Bahrami និងលោក Juan Carlos Ferrero ប្រកួតជាមួយក្រុមលោក Henri Leconte និង Mikael Pernfors នៅទីលាន Royal Albert Hall ក្នុងទីក្រុងឡុងដ៍ ប្រទេសអង់គ្លេស។
១០
ឆ្មាមួយក្បាលដេកនៅក្នុងប្រអប់ដាក់ស្វាយនៅក្នុងហាងលក់ទំនិញមួយនៅទីក្រុងបាងកក ប្រទេសថៃ។