រូបភាពជុំវិញពិភពលោកសម្រាប់ថ្ងៃទី១០ ខែវិច្ឆិកា ឆ្នាំ២០១៥ មានមកពីប្រទេសរុស្ស៊ី ក្រិក តួកគី មីយ៉ាន់ម៉ា សហរដ្ឋអាមេរិក ប្រេស៊ីល បារាំង នេប៉ាល់ អ៊ីតាលី ឥណ្ឌា និងចិន។
រូបភាពជុំវិញពិភពលោក ១០ វិច្ឆិកា ២០១៥
1
កីឡាករហ្វឹកហាត់នៅស្តាតក្នុងស្រុកមួយនៅក្រុង Stavropol ភាគខាងត្បូងនៃប្រទេសរុស្ស៊ី។ ក្រសួងកីឡារបស់រុស្ស៊ីនិយាយថា ខ្លួនបើកទូលាយសម្រាប់សហប្រតិបត្តិការជាមួយនឹងទីភ្នាក់ងារប្រឆាំងការប្រើប្រាស់ថ្នាំកម្លាំងដើម្បីលុបបំបាត់ចោលនូវភាពមិនប្រក្រតី ដែលប្រព្រឹត្តដោយអង្គការប្រឆាំងការប្រើប្រាស់ថ្នាំកម្លាំងរបស់រុស្ស៊ី និងមន្ទីរពិសោធន៍ដែលទទួលស្គាល់ដោយក្រសួងនេះ។ កាលពីថ្ងៃច័ន្ធ របាយការណ៍របស់គណៈកម្មាការប្រឆាំងការប្រើប្រាស់ថ្នាំកម្លាំង បានចោទប្រកាន់ពីអំពើពុករលួយនៅក្នុងប្រទេសរុស្ស៊ី។
2
ទូកមួយដឹកជនភៀសខ្លួន និងជនទេសន្តរប្រវេសន៍ឆ្លងកាត់សមុទ្រ Aegean ពីប្រទេសតួកគី ទៅកោះ Lesbos របស់ក្រិក។ កោះ Lesbos និងកោះនៅសមុទ្រ Aegean ដទៃទៀតរបស់ក្រិកជាកន្លែងនៃបញ្ហាទេសន្តរប្រវេសន៍ដ៏ធំមួយដែលសហភាពអឺរ៉ុបជួបប្រទះតាំងពីសង្រ្គាមលោកលើកទី២មក។
3
មនុស្សម្នាកាន់រូបថតធំមួយរបស់លោក Mustafa Kemal Ataturk ស្ថាបនិកប្រទេសតួកគី នៅខាងក្រៅវិមាន Anitkabir ក្នុងខួបទី៧៧នៃមរណភាពរបស់លោកនៅក្នុងក្រុងអង់ការ៉ា (Ankara)។
4
លោកនេនតម្រង់ជួរ បន្ទាប់ពីមន្តតាមផ្លូវដើម្បីទទួលយកចង្ហាន់នៅក្នុងកណ្តាលក្រុងរ៉ង់ហ្គូន។ ប្រទេសមីយ៉ាន់ម៉ាជាប់គាំងនៅក្នុងស្ថានភាពមិនល្អប្រសើរនៅក្រោយការបោះឆ្នោត ដោយលទ្ធផលបោះឆ្នោតផ្លូវការមានការប្រទាញប្រទង់គ្នា ទោះជាលោកស្រី Aung San Suu Kyi មេដឹកនាំបក្សប្រឆាំងអះអាងថាមានជោគជ័យភ្លូកទឹកភ្លូកដីក៏ដោយ។
5
សមាជិកនៃកងពលថ្មើរជើងលេខ៣របស់កងទ័ពអាមេរិក ដែលកងពលនោះមានឈ្មោះថា The Old Guard បាននាំមុខរទេះសេះដឹកសាកសពរបស់លោក William O. Pile សមាជិកកងទ័ពអាកាស ដែលបានបាត់ខ្លួននៅក្នុងប្រតិបត្តិការក្នុងសង្រ្គាមលោកលើកទី២។ ព្រឹត្តិការណ៍ធ្វើឡើងក្នុងពិធីបុណ្យសពកិត្តិយសទាហាន នៅ Arlington National Cemetery តំបន់ Arlington រដ្ឋ Virginia។
6
ស្រ្តីៗរបស់កុលសម្ព័ន្ធ Pataxo ក្នុងប្រទេសប្រេស៊ីលចូលរួមក្នុងរបាំសាសនាមួយ ក្នុងពេលតវ៉ាប្រឆាំងនឹងការស្នើវិសោធនកម្ម (ការកែប្រែច្បាប់) រដ្ឋធម្មនុញ្ញ ដែលនឹងកំណត់ព្រំប្រទល់របស់ដីជនជាតិដើមឲ្យស្ថិតក្នុងការគ្រប់គ្រងរបស់សភា។ ការតវ៉ានេះធ្វើឡើងនៅមុខសភាជាតិប្រេស៊ីល នៅក្នុងក្រុងប្រាស៊ីលីយ៉ា (Brasilia) ប្រទេសប្រេស៊ីល។
7
មនុស្សម្នាសម្រាកលើកន្លែងលំហែកាយឈ្មោះថា des Anglais នៅក្នុងក្រុង Niceភាគខាងអាគ្នេយ៍នៃប្រទេសបារាំង។ សីតុណ្ហភាពនៅតំបន់នេះកើនទៅដល់២២អង្សាសេ។
8
ក្មេងស្រីនេប៉ាល់ម្នាក់ឲ្យចំណីសុនខរបស់ប៉ូលិស បន្ទាប់ពីការថ្វាយបង្គំ ក្នុងពេលប្រារព្ធពិធីបុណ្យ Tihar នៅក្រុងកណ្ឋមណ្ឌូ (Kathmandu)។ សត្វសុនខត្រូវបានគេថ្វាយបង្គំដើម្បីទទួលស្គាល់ពីតួនាទីរបស់ពួកគេក្នុងការការពារសន្តិសុខ កំឡុងបុណ្យ Tihar ដែលជាបុណ្យមួយក្នុងចំណោមបុណ្យដ៏សំខាន់ៗរបស់សាសនាហិណ្ឌូ ដែលធ្វើឡើងសម្រាប់ព្រះ Laxmi។
9
សង្ឃរាជទៅដល់កន្លែងចូលរួមពិធីសូត្រធម៌ ដែលប្រារព្ធឡើងដោយសម្តេចប៉ាប Francis ក្នុងដំណើរទស្សនកិច្ចរបស់ព្រះអង្គក្នុងក្រុង Florence ប្រទេសអ៊ីតាលី។
10
បុរសឥណ្ឌាម្នាក់ឈរនៅក្បែរគោមដែលដាក់បង្ហាញនៅតាមផ្លូវ នៅមុន១ថ្ងៃនៃបុណ្យ Diwali ដែលជាពិធីបុណ្យពន្លឺរបស់សាសនាហិណ្ឌូ នៅក្នុងក្រុង Mumbai ប្រទេសឥណ្ឌា។ អ្នកគោរពសាសនាហិណ្ឌូបំភ្លឺផ្ទះរបស់ពួកគេ ដើម្បីគោរពដល់ព្រះ Lakshmi ក្នុងពិធីបុណ្យដែលនឹងប្រារព្ធឡើងនៅថ្ងៃពុធ។
11
អ្នកទើបតែបញ្ចប់ការសិក្សានៅសាលា Santa ច្រៀងចម្រៀង Christmas ក្នុងពិធីទទួលសញ្ញាបត្ររបស់ពួកគេនៅក្នុងក្រុង Rio de Janeiro ប្រទេសប្រេស៊ីល។ សាលា Escola de Papai Noel do Brasil បានផ្តល់សញ្ញាបត្រដល់និស្សិតរាប់សិបរូបដែលនឹងត្រូវច្រៀងក្នុងក្រុមKriss Kringle ក្នុងកំឡុងបុណ្យ Christmas។
12
ព្រះអាទិត្យរះឡើងនៅក្រោយរហាត់ទឹកក្រុង Korla តំបន់ស្វយ័ត Xinjiang ប្រទេសចិន។
