រូបភាពជុំវិញពិភពលោកថ្ងៃទី១៦ ខែមិថុនា ឆ្នាំ២០១៦មកពីប្រទេសប៉ាគីស្ថាន អង់គ្លេស បារាំង ប៊ែលហ្ស៊ិក សហរដ្ឋអាមេរិក ស្រីលង្កា អ៊ីរ៉ាក់ កោះតៃវ៉ាន់ ចិន ឥណ្ឌា និងអ៊ីតាលី។
រូបភាពជុំវិញពិភពលោក ១៦ មិថុនា ២០១៦
១
ស្រ្តីម្នាក់ពាក់មួកគួរឲ្យទាក់ទាញមួយនៅអំឡុងការប្រកួតប្រណាំងសេះ Britain Horse Race ក្នុងក្រុង Ascot ប្រទេសអង់គ្លេស។
២
សិល្បករធ្វើការសម្តែងនៅពីមុខសម្តេចប៉ាប Francis នៅអំឡុងពេលជំនួប Jubilee របស់ព្រះអង្គជាមួយនឹងក្រុមអ្នកសម្តែងសៀក និងសិល្បករតាមដងផ្លូវនៅសាល Paul VI Hall ឯវិមានវ៉ាទីកង់។
៣
ស្រ្តីទូលក្អមដាក់ទឹកទទួលទាននៅភូមិ Devmali ក្នុងរដ្ឋ Rajasthan ប្រទេសឥណ្ឌា។
៤
អ្នកតំណាងជាជនរងគ្រោះមួយរូបត្រូវបានបន្ទាបតាមគ្រែស្នែងនៅអំឡុងលំហាត់សមសម្រាប់ពេលមានគ្រោះរញ្ជួយដីនៅក្រុង Agartala ប្រទេសឥណ្ឌា។
៥
បុរសម្នាក់ប្រើប្រាស់មាត់របស់ខ្លួនដើម្បីកាន់ឆ័ត្រ នៅខណៈខ្លួនកំពុងពរកុមារម្នាក់ពេលធ្វើដំណើរចូលសួនកំសាន្ត Shanghai Disney Resort បន្ទាប់ពីពិធីសម្ពោធសួនកំសាន្តនេះក្នុងក្រុងសៀងហៃ ប្រទេសចិន។
៦
ទាហានតៃវ៉ាន់ធ្វើការដើរជាក្បួននៅអំឡុងពិធីប្រារព្ធខួប ៩២ឆ្នាំនៃសាលាយោធា Whampoa ក្នុងក្រុង Kaohsiung ភាគខាងត្បូងកោះតៃវ៉ាន់។
៧
ប្រជាជនបាត់បង់ទីជម្រក ដែលបានគេចខ្លួនចេញពីក្រុង Falluja ដោយសារអំពើហិង្សាបង្កឡើងក្រុមរដ្ឋឥស្លាម ឈរតម្រង់ជួរដើម្បីទទួលការព្យាបាលនៅឯជំរុំជនភៀសខ្លួននៅក្រុង Ameriyat Falluja ភាគខាងត្បូងក្រុង Falluja ប្រទេសអ៊ីរ៉ាក់។
៨
អ្នកគាំទ្រក្រុមបាល់ទាត់ជម្រើសជាតិអង់គ្លេសធ្វើការអបអរសាទរជ័យជម្នះរបស់ក្រុមជម្រើសជាតិខ្លួននៅក្នុងអាងបាញ់ទឹកមួយក្នុងក្រុង Lille នៅអំឡុងពេលការប្រកួតជើងឯកបាល់ទាត់អឺរ៉ុបឆ្នាំ ២០១៦។
៩
ព្រះសង្ឃពុទ្ធសាសនាដែលទើបនឹងត្រូវបំបួសមួយអង្គធ្វើការបួងសួងនៅអំឡុងពេលពិធី Upasampada ដែលជាពិធីបំបួសលោកនេនជាព្រះសង្ឃពេញអង្គមួយ នៅវិហារព្រះពុទ្ធសាសនាក្នុងក្រុងកូឡុំបូ ប្រទេសស្រីលង្កា។
១០
នៅក្រុង Mumbai ប្រទេសឥណ្ឌា អ្នកចូលរួមឈរជិតទង់ជាតិពណ៌ឥន្ទនូ នៅអំឡុងពេលរំឮកវិញ្ញាណក្ខន្ធដល់ជនរងគ្រោះពីការបាញ់ប្រហារនៅឯក្លឹបរាត្រីសម្រាប់បុរសស្រឡាញ់ភេទដូចគ្នាក្នុងក្រុង Orlando រដ្ឋ Florida។
១១
មនុស្សម្នាដើរតាមបណ្តោយច្រាំងទន្លេ Yenisei នៅអំឡុងពេលចុះអព្ទមួយក្នុងក្រុង Divnogorsk តំបន់ស៊ីបេរី ប្រទេសរុស្ស៊ី។
១២
កុមារី Ian Frejean ជនជាតិប៊ែលហ្ស៊ិក អាយុ១១ឆ្នាំ ដើរជាមួយនឹងមនុស្សយន្ត Zora ដែលជាមនុស្សយន្តបង្កើតឡើងដើម្បីបម្រើការកំសាន្តរបស់អ្នកជំងឺ និងដើម្បីផ្តល់ជំនួយដល់អ្នកផ្តល់សេវាកម្មថែទាំ នៅឯមន្ទីរពេទ្យ AZ Damiaan ក្នុងក្រុង Ostend ប្រទេសប៊ែលហ្ស៊ិក។
១៣
ឡានដឹកទំនិញធុនធំ ដែលជាប់គាំងដោយសារការប៉ះទង្គិចគ្នានៅតំបន់ព្រំដែនរវាងប្រទេសប៉ាគីស្ថាន និងអាហ្វហ្គានីស្ថាន ត្រូវចតចោលនៅផ្នែកម្ខាងនៃផ្លូវទៅកាន់ព្រំដែនក្នុងក្រុង Torkham ប្រទេសប៉ាគីស្ថាន។