ភ្ជាប់​ទៅ​គេហទំព័រ​ទាក់ទង

ព័ត៌មាន​​ថ្មី

អង្ករ​នាំ​មក​ពី​កម្ពុជា​និង​មាន​លក់​នៅ​អាមេរិក​ក្នុង​ឆ្នាំ​២០១១


ប្រទេស​កម្ពុជា​ក្នុង​រយៈ​ពេល​ថ្មីៗ​នេះ​បាន​ព្យាយាម​​បង្កើន​ការ​នាំ​អង្ករ​ចេញ​ទៅ​ក្រៅ​ប្រទេស។ គម្រោង​នាំ​ចេញ​ទៅ​សហរដ្ឋ​អាមេរិក​ជា​​ឧទាហរណ៍​ចុង​ក្រោយ​នៃ​កិច្ច​ខិត​ខំ​ប្រឹង​ប្រែង​នេះ។
ប្រទេស​កម្ពុជា​ក្នុង​រយៈ​ពេល​ថ្មីៗ​នេះ​បាន​ព្យាយាម​​បង្កើន​ការ​នាំ​អង្ករ​ចេញ​ទៅ​ក្រៅ​ប្រទេស។ គម្រោង​នាំ​ចេញ​ទៅ​សហរដ្ឋ​អាមេរិក​ជា​​ឧទាហរណ៍​ចុង​ក្រោយ​នៃ​កិច្ច​ខិត​ខំ​ប្រឹង​ប្រែង​នេះ។

ជន​ជាតិ​ខ្មែរ​រស់នៅ​ស​ហ​រដ្ឋ​អា​មេ​រិក​ និង​មាន​លទ្ធភាព​ទិញ​អង្ករ​នាំចូល​មក​ពី​ប្រទេស​កម្ពុជា​នៅ​ពេល​ឆាប់ៗ​ខាង​មុខ​នេះ។​ ក្រុមហ៊ុន​ Loran​ អាហរ័ណ​ នីហរ័ណ​ និយាយ​ថា​ខ្លួន​បាន​ទទួល​ច្បាប់​អនុញ្ញាត្តិ​នាំ​អង្ករ​ពី​ប្រទេស​កម្ពុជា​ចូល​មក​សរអា ​រួច​រាល់អស់​ហើយ ហើយ​កំពុង​រៀបចំ​ផែនការ​ដើម្បី​ដឹក​ជញ្ជូន។

ពល​រដ្ឋ​ខ្មែរ​រស់​នៅ​ក្នុង​ប្រទេស​អាមេរិក កន្លង​មក​ទិញ​អង្ករ​ផលិត នៅ​សរអា ឬ​នាំ​ចូល​មក​ពី​ប្រទេស​អាស៊ី​ផ្សេងៗ​ ដែល​មាន​រួម​ទាំង​ប្រទេសថៃ​ និង​ វៀតណាម​ជា​ដើម​។​ តែ​ចាប់​ពី​ឆ្នាំ​ក្រោយ​នេះ​ទៅ​ ពួក​គេ​និង​ថែម​ទាំង​អាច​ទិញ​អង្ករ​នាំ​ចូល​ពី​ប្រទេស​កម្ពុជា​ផង​ដែរ។

"យើង​អាច​ប្រកួត​ប្រជែង​ជា​មួយ​បរទេស​បាន​ ដោយ​សារ​ប្រទេស​អាមេរិក អនុគ្រោះ​ពន្ធ​ឲ្យ​ប្រទេស​ខ្មែរ​យើង​។​ ហើយ​អង្ករ​យើង​ក៏​ថោក ​ហើយ​គុណ​ភាព​ ល្អ​ដូច​គ្នា។​”

លោក​ លឹម​ ប៊ុន​សេង ​ជា​អគ្គ​នាយក​រង​ នៃ​ក្រុម​ហ៊ុន ​Loran​ អហរ័ណ​ នីហរ័ណ​ ។​ ក្រុម​ហ៊ុន​លោក​គ្រោង​ចាប់​ផ្តើម​នាំ​អង្ករ​ពី​ប្រទេស​កម្ពុជា​មក​លក់​នៅ​ប្រទេស​អាមេរិក​ចាប់​ពី​ឆ្នាំ​ក្រោយ​នេះ​ទៅ​។​ លោក​ថ្លែង​ថា​ក្រុម​ហ៊ុន​លោក​ ហ៊ាន​ធានា​ថា​អង្ករ​របស់​ខ្លួន​ និង​មាន​គុណ​ភាព​ល្អ។

“ម៉ា​ស៊ីន​ថ្មី​ គឺ​ស្តង់​ដារ​យើង​នាំ​ចូល​ពី​ជប៉ុន​ ពី​កូរ៉េ ​ទំនើប​តែ​ម្តង​ ។ ​ហើយ​យើង​មានម៉ាស៊ីន​សម្ងួត​ ម៉ាស៊ីន​លាង​សម្អាត​ ម៉ាស៊ីន​រើស​ក្រួស​, ថ្ម​, ដែក​ គឺ​មិន​ឲ្យ​មាន​ទេ​គឺ​មាន​តែ​អង្ករ​សុទ្ធ​១​រយ​ភាគ​រយ​តែ​ម្តង។​”

លោក​ ប៊ុន​សេង​ បាន​នាំ​គំរូ​អង្ករ​ផ្សេងៗ​ ពី​ប្រទេស​កម្ពុជា​ មក​បង្ហាញ​បង​ប្អូន​ខ្មែរ​នៅ​អាមេរិក​ ក្នុង​ការ​តាំង​ពិ​ពណ៌​ពាណិជ្ជកម្ម​មួយ​ កាល​ពី​ខែ​តុលា​ នៅ​ទី​ក្រុង​ Long​ Beach​ រដ្ឋ​ California​ ។

លោក​ នី​ ប៊ុន​ហៀង​ អ្នក​ស្រុក​កំពង់​ចាម​ ដែល​រស់​នៅ​ក្នុង​ប្រទេស​អាមេរិក​តាំង​ពី​ឆ្នាំ​១៩៧៥​មក​ ។​ លោក​ជា​មនុស្ស​ម្នាក់​ ក្នុង​ចំណោម​មនុស្ស​ជាង​៣​រយ​នាក់ ដែល​អញ្ជើញ​មក​ចូល​រួម ​ក្នុង​ការ​តាំង​ពិព៌ណ​នេះ​។​ លោក​ថ្លែង​ថា​ គុណ​ភាព​របស់​អង្ករ​ជា​រឿង​សំ​ខាន់​សម្រាប់​រូប​លោក។

“ខ្ញុំ​និង​ទិញ​ ប៉ុន្តែ​ទាល់​តែ​ថា​មាន​គុណ​ភាព​ដែល​ធ្វើ​យ៉ាង​ម៉េច​ កុំ​ឲ្យ​មាន​ដី​ក្នុង​ហ្នឹង,​ កុំ​ឲ្យ​មាន​ក្រួស​, ​ធ្វើ​យ៉ាង​ម៉េច​កុំ​ឲ្យ​មាន​កំទេច​ដែក​, ​ធ្វើ​យ៉ាង​ម៉េច​កុំ​ឲ្យ​មាន​អ្វី​ផ្សេង​ពី​អង្ករ។”

លោក​ឯក​អគ្គ​រាជ​ទូត​កម្ពុជា​ប្រចាំ​ស​រ​អា ហែម​ ហេង​ បាន​ធ្វើ​ដំណើរ​ ពី​រដ្ឋ​ធា​នី​ Washington​ ដើម្បី​មក​ចូល​រួម​នៅ​ក្នុង​ការ​តាំង​ពិ​ព៌ណ​ពា​ណិជ្ជ​កម្ម ​កម្ពុជា​ ជា​លើក​ទី​មួយ​នេះ​។​ លោក​ថា​លោក​មាន​មោ​ទន​ភាព​យ៉ាង​ខ្លាំង​ចំពោះ​គំរោង​ការ​នាំ​អង្ករ​ខ្មែរ​ មក​លក់​នៅ​ក្នុង​ទី​ផ្សារ​អា​មេ​រិក​នេះ។

“ខ្ញុំ​ជឿ​ជាក់​ថា​ បើ​អង្ករ​ខ្មែរ​នាំ​មក​អា​មេ​រិក​ បង​ប្អូន​ខ្មែរ​យើង​និង​គាំ​ទ្រ​ទិញ​ និង​គាំ​ទ្រ​ទទួល​ទាន​អង្ករ​ខ្មែរ​យើង​ ជាង​អង្ករ​ប​រ​ទេស​ដ​ទៃ​ទៀត​ជា​មិន​ខាន។”

លោក​ ប៉ាន់​ សូរ​ស័ក្ត​ រដ្ឋ​លេ​ខា​ធិ​ការ​នៃ​ក្រ​សួង​ពា​ណិជ្ជ​កម្ម ​នៃ​ប្រ​ទេស​ កម្ពុជា​ បាន​អញ្ជើញ​ពី​ប្រទេស​កម្ពុជា​មក​ចូល​រួម​ដែរ​។​ លោក​ថ្លែង​ថា​លោក​ជឿ​ថា​ការ​នាំ​អង្ករ​ចូល​មក​ស​រ​អា​នេះ​ និង​ជួយ​លើក​ស្ទួយ​ដល់​ជីវ​ភាព​រស់​នៅ​របស់​ប្រ​ជា​ក​សិ​ករ​កម្ពុជា។

“ខ្ញុំ​ជឿ​ថា​ទៅ​ថ្ងៃ​មុខ​ជីវ​ភាព​ក​សិ​ករ​យើង​ ដែល​ផ​លិត​ផល​ជា​ពិ​សេ​ស​ ក្នុង​រឿង​អង្ករ​ ក៏​ដូច​ជា​ក​សិ​ផល​នា​ៗ​ និង​មាន​ជីវ​ភាព​ខ្ពស់​ ហើយ​យើង​និង​អាច ​កាត់​បន្ថយ​នូវ​ភាព​ក្រី​ក្រ​យើង​បន្ថែម​ទៀត។”

លោក​ វង្ស ​ដានី ​ជា​មន្ត្រី​ស​មា​គម​ពា​ណិជ្ជ​កម្ម​ខ្មែរ​ នៅ​ទី​ក្រុង​ Long​ Beach​ ដែល​រៀប​ចំ​ការ​តាំង​ពិព៌ណ​នេះ​។ ​លោក​ថ្លែង​ថា​លោក​សង្កេត​ឃើញ​បង​ប្អូន​ ខ្មែរ​ដែល​មក​ចូល​រួម​ មាន​ចំណាប់​អារម្មណ៏​យ៉ាង​ខ្លាំង​ ចំពោះ​អង្ករ​មក​ពី​កម្ពុជា។

“កន្លែង​តូប​អង្ករ​ហ្នឹង​ តម្រូវ​ការ​ហ្នឹង​ខ្ញុំ​ជឿ​ថា​ អង្ករ​មិន​ទាន់​មក​ដល់​ផង​ គ្រាន់​តែ​មាន​ជា​គំរូ​ជា​កញ្ចប់​តូច​ៗ​មិន​ដល់​មួយ​កំប៉ុង​ផង ​ក៏​គេ​នាំ​គ្នា​យក​ទៅ​ដាំ​ដែរ​ដើម្បី​ឲ្យ​ស្គាល់​ស្នា​ដៃ​អ្វី​ដែល​ចេញ​ពី​ក​សិ​ករ​ខ្មែរ។”

ក្រុម​ហ៊ុន​ Loran​ អា​ហ​រ័ណ​ នី​ហ​រ័ណ​ និ​យាយ​ថា​មក​ទល់​និង​ពេល​នេះ​ ក្រុម​ហ៊ុន​អាមេ​រិក​ ចំនួន​ជិត​៣០​ហើយ​ ដែល​បាន​កក់​ទិញ​អង្ករ​មក​ពី​ប្រទេស​ កម្ពុជា​ពី​ក្រុម​ហ៊ុន​លោក៕

XS
SM
MD
LG