ភ្ជាប់​ទៅ​គេហទំព័រ​ទាក់ទង

ទឹក​ជំនន់​ឡើង​លិច​ខេត្ត​ជា​ច្រើន​នៅ​ក្នុង​ប្រទេស​កម្ពុជា

  • Reuters

ទី​ប្រជុំជន​មួយ​នៅ​ក្នុង​ខេត្ត​ភាគ​ពាយ័ព្យ​ប្រទេស​កម្ពុជា​ត្រូវ​លិច​លង់​ដោយ​ទឹកជំនន់​ដែល​បាន​ហូរ​ពី​តំបន់​ភ្នំ​ដង​រែក។

ខេត្ត​មួយ​ចំនួន​ក្នុង​ប្រទេស​កម្ពុជា​ នៅ​តាម​ព្រំដែន​ជាមួយ​ប្រទេស​ថៃ​ មាន​ការ​លិច​លង់​ដោយ​សារ​ទឹក​ជំនន់​ ដែល​បណ្តាល​មក​ពី​មាន​ភ្លៀង​ជោគជាំ​ ហូរ​ធ្លាក់មក​ពី​លើ​ភ្នំ​នៅ​ជិត​នោះ។

ទឹក​ភ្លៀង​ដែល​ហូរ​ធ្លាក់​មក​ពី​លើ​ភ្នំ​ដងរែក​ បាន​បណ្តាល​ឲ្យ​លិច​ស្រុក​យ៉ាង​តិច​បួន​នៅ​ក្នុង​ខេត្ត​សៀមរាប​ កាល​ពី​ថ្ងៃ​សៅរ៍​ ហើយ​ក្រោយ​មក​បាន​ហូរហៀរ​ទៅ​ដល់​ខេត្ត​បាត់ដំបង​និង​ឧត្តរមានជ័យ​កាល​ពី​ថ្ងៃ​ច័ន្ទ​ នៅ​ពេល​ដែល​មាន​ភ្លៀង​ធ្លាក់​យ៉ាង​ខ្លាំង​នៅ​តាម​បណ្តោយ​ព្រំដែន​ប្រទេស​ថៃ​ ដែល​ធ្វើ​ឲ្យ​ស្ថានការណ៍​មាន​ភាព​រិត​តែ​ធ្ងន់​ធ្ងរ​ឡើង​ទៀត។

រថយន្ត​ដឹក​ស្រាបៀរ​អង្គរ​មួយ​គ្រឿង​បើកកាត់​ទឹកជំនន់​ដែល​បាន​ធ្វើ​ឲ្យលិច​ផ្លូវនានា​ក្នុងខេត្ត​សៀមរាប។
រថយន្ត​ដឹក​ស្រាបៀរ​អង្គរ​មួយ​គ្រឿង​បើកកាត់​ទឹកជំនន់​ដែល​បាន​ធ្វើ​ឲ្យលិច​ផ្លូវនានា​ក្នុងខេត្ត​សៀមរាប។
អ្នក​ស្រុក​នៅ​ខេត្ត​សៀមរាប​បាន​នាំ​គ្នា​ដើរ​និង​ជិះ​ម៉ូតូ​តាម​ផ្លូវ​ដែល​លិច​ទឹក​ ហើយ​ឈរ​នៅ​លើ​ស្ពាន​ស្ទូច​ត្រី​ក្នុង​ស្ទឹង​ដែល​មាន​ទឹក​ហៀរ​ពាស​ពេញ។​ អ្នក​ស្រុក​ម្នាក់​ថ្លែង​ថា៖

«ចង់​ឲ្យ​អាជ្ញាធរ​ចាត់​វិធានការ​ដើម្បី​ឲ្យ​ឆាប់​ស្រក​ទឹក​ហ្នឹង​បាទ​ ឲ្យ​ប្រជាជន​ទាំង​អស់​បាន​ធូរធារ​បាទ»។

មន្រ្តី​បាន​បញ្ជូន​ម៉ាស៊ីន​ធំៗ​ឲ្យ​ទៅ​ជួយ​បូម​ទឹក​ចេញ​ពី​ផ្លូវ​ថ្នល់។ អាជីវករ​ម្នាក់​និយាយ​ថា៖

«ភ្លៀង​ផង ទឹក​ជំនន់​ផង បាន​វា​លិច​ ខ្ញុំ​រកស៊ី​អត់​កើត»។

គ្មាន​សេចក្តី​រាយការណ៍​អំពី​មនុស្ស​រងគ្រោះ​ ឬ​អំពី​ការ​ខូចខាត​ដ៏​ធ្ងន់​ធ្ងរ​ណា​ទេ៕

XS
SM
MD
LG