ភ្ជាប់​ទៅ​គេហទំព័រ​ទាក់ទង

កម្ពុជា-​វៀតណាម​​រកក្រុមហ៊ុន​បោះពុម្ភ​ផែនទី


លោក​ស្រី​ថាក់​ ឡាក់នី​តំណាង​រាស្រ្ត​គណបក្ស​សម​​រង្ស៊ី​ មណ្ឌល​កំពង់ចាម​ បាន​ចុះ​ទៅ​ពិនិត្យ​មើល​បង្គោល​ព្រំដែន​លេខ​ ១២៥​​​ រវាង​ កម្ពុជា​ និង​ វៀតណាម​​ក្នុង​ពេល​កន្លង​មក។ បញ្ហា​​កំណត់​ព្រំដែន​រវាង​កម្ពុជា​និង​វៀតណាម​​ជា​ចំណុច​រសើប​មួយ​នៅ​ក្នុង​នយោបាយ​ក្នុង​

ប្រទេស​កម្ពុជា​និង​វៀត​ណាម​ចាប់​ផ្តើម​ស្វែង​រក​ក្រុម​ហ៊ុន​ដែល​អាច​ផលិត​ផែន​ទី​ឋាន​លេខា​ព្រំដែន​គោកឬ​ Topography​ នៅ​តាម​បណ្តោយ​ព្រំដែន​ នៃ​ប្រទេស​ទាំងពីរ​ តាម​រយៈ​ការ​ដេញ​ថ្លៃ។​ នេះ​បើ​តាម​ការ​បញ្ជាក់​របស់​សេចក្តី​ ប្រកាស​ព័ត៌មាន​របស់​ទីស្តី​ការ​គណៈ​រដ្ឋមន្ត្រី។

ក្រុមហ៊ុន​ចំនួន​៥​មក​ពី​អឺរ៉ុប​និង​អាស៊ី​បាន​ចូល​រួម​ដាក់​ពាក្យ​ដេញ​ថ្លៃ​ជា​អន្តរជាតិ​មួយ​ដែល​បាន​ប្រព្រឹត្ត​ទៅ​នៅ​ទីស្តីការ​គណៈរដ្ឋ​មន្ត្រី​នៃ​ប្រទេស​កម្ពុជា​ក្រោម​អធិបតីភាព​នៃ​ប្រធាន​គណៈ​កម្មការ​ព្រំដែន​កម្ពុជា​គឺ​លោក ​វ៉ា​ គឹម​ហុង​ និង​ អនុ​ប្រធាន​គណៈ​កម្មការ​ព្រំដែន​នៃ​ប្រទេស​វៀត​ណាម​ ង្វៀន ​ហុង​ថាវ។

បើ​តាម​សេចក្តី​ប្រកាស​ព័ត៌មាន​មួយ​របស់​គណៈ​កម្មការ​ចម្រុះកិច្ចការ​ព្រំដែន​ដែល​ VOA​ ទទួល​បានៗ​បញ្ជាក់​ថា៖​ គម្រោង​បង្កើត​ផែនទី​ឋាន​លេខា​ព្រំដែន​គោក​រវាង​កម្ពុជា-វៀត​ណាម​ ដែល​ជា​ ឯកសារ​ឧបសម្ព័ន្ធ​ទៅ​នឹង​សន្ធិ​សញ្ញា​ព្រំដែន​ ដែល​នាយក​រដ្ឋមន្ត្រី ​នៃ​ប្រទេស​ ទាំង​ពីរ ​ត្រូវ​ចុះ​ហត្ថលេខា​ជា​មួយ​គ្នា​ បន្ទាប់​ពី​ការ​ធ្វើ​ពិធីសារ​ ស្តី​ពី​ខ្សែ​ព្រំដែន​រួម ​រួច​មក​ គឺជា​គម្រោង​រួមគ្នា​រវាង​រដ្ឋាភិបាល​នៃ​ប្រទេស​ទាំងពីរ​និង​ ជា​គម្រោង​មួយ​ យ៉ាង​សំខាន់​ដែល​និង​ជួយ​ពង្រឹង​ទំនាក់​ទំនង​ឱ្យ​កាន់​តែ​ល្អ​ប្រសើ​ឡើង​ ដើម្បី​ ប្រែ​ក្លាយ​ព្រំដែន​កម្ពុជា​-វៀត​ ណាម​ទៅ​ជា​ព្រំដែន​សន្តិភាព​ មិត្តភាព​ និង​សហ​ប្រតិ​បត្តិការ​។ ​ថវិកា​អនុវត្ត​គម្រោង​នេះ​ត្រូវ​ផ្តល់​ឱ្យ​ដោយ​រដ្ឋាភិបាល​ នៃ​ ប្រទេស​ទាំងពីរ​ដោយ​ឈរ​លើ​មូល​ដ្ឋាន​ស្មើគ្នា។

សេចក្តី​ប្រកាស​ព័ត៌មាន​ដដែល​បាន​អះអាង​ទៀត​ថា​គម្រោង​ដែល​កម្ពុជា​និង​វៀត​ណាម​យល់​ព្រម​ជាមួយ​គ្នា​ទាក់​ទង​និង​ការ​ផលិត​ផែនទី​ឋាន​លេខា​ព្រំដែន​គោក​ប្រវែង១.២០០​គីឡូ​ម៉ែត្រ​នេះ​ តម្រូវឱ្យ​បញ្ចប់​នៅ​ក្នុង​រយៈ​ពេល​ពីរ​ឆ្នាំ​គឺ​ ខែ​សីហា​ ឆ្នាំ​២០១២ ​ក្រោម​ការ​ត្រួត​ពិនិត្យ​ និង​ផ្តល់​ទិន្នន័យ​ដោយ​គណៈ​កម្មការ​ព្រំដែន​ ចម្រុះនៃ​ប្រទេស​ទាំង​ពីរ។

លោក​ ស៊ាន ​ប៉េងសែ​ ប្រធាន​គណៈ​កម្មការ​ព្រំដែន​កម្ពុជា​នៅ ​ប្រទេស​បារាំង​ បាន​អះអាង​ថា​លោក​នៅ​តែ​មិន​ទទួល​ស្គាល់​ការ​បង្កើត​ផែនទី​ឋាន​លេខា​ដដែល​ព្រោះ​លោក​ចាត់​ទុក​ថា​ជា​ការ​ធ្វើ​ផែនទី លើ​ផែនទី​ដែល​មាន​រួច​ស្រេច​ទៅ​ហើយ​ និង​ជា​ការ​ ធ្វើ​ផែនទី​ដែល​ មិន​ទាន់​រក​បង្គោល​ឃើញ​និង​កំណត់​ ខ្សែ​បន្ទាត់​ព្រំដែន​ បាន​នៅ​ ឡើយ។

«ផែនទី​ដែល​កំពុង​តែ​ធ្វើ​ហ្នឹង​គឺថា​ ខ្ញុំ​មិន​យល់​ថា​ជា​ផែនទី​ បើ​សិន​ណា​ជា​ត្រឹម​ត្រូវ​ ខ្ញុំ​ថា​បើ​ត្រឹម​ត្រូវ​ ត្រឹម​ត្រូវ​យ៉ាង​ម៉េច​ព្រោះ​ថា​មិន​ទាន់​ទាំង​ធ្វើ​អស់​ផង​រួច​ យក​ផែន​ ទី​ហ្នឹង​មក​បោះ​ អាហ្នឹង​ហើយ​វា​ខុស​ច្បាប់​ដោយ​សារ​ហេតុអី?​ ដោយ​សារ​តែ​យើង​ មិន​ទាន់​ធ្វើ​អស់​ ហើយ​យើង​មិន​បាន​ប្រាប់​ថា​យាមកា​នៅ​កន្លែង​ណាៗ​ផង​ យើង​បោះ​ទៅ​ហើយ»។

ប្រទេស​កម្ពុជា​និង​វៀតណាម​មាន​បញ្ហា​ចម្រូង​ចម្រាស​ជា​មួយ​ គ្នា​រាប់​សិប​ទស​វត្សរ៍មកហើយ​។ អ្នក​មាន​មតិ​ជំទាស់​និង​រដ្ឋាភិបាល​ជា​ច្រើន​នាក់​ មន្រ្តី​គណបក្ស​ជំទាស់​ និង​ មេដឹកនាំ​គណបក្ស​ជំទាស់​ធ្លាប់​ និង​ត្រូវ​កាត់​ទោស​ឱ្យ​ជាប់​គុក​ពី​បទ​ទាក់​ទិន​និង​ បញ្ហា​វិវាទ​ព្រំដែន​ដែល​កម្ពុជា​និង​វៀត ណាម​ពុំ​ទាន់​បោះ​បង្គោល​ព្រំដែន​ឱ្យបាន​ចប់​នេះ។

បញ្ហា​ព្រំដែន​កម្ពុជា​និង​ថៃ​វិញ​ អាជ្ញាធរ​នៃ​ប្រទេស​កម្ពុជា​បាន​ អះអាង​ថា ​គម្រោង​ បើកច្រក​ព្រំដែន​កម្ពុជា​-ថៃ ​នៅ​តំបន់​ព្រះវិហារ ​និង​ត្រូវ​ពន្យាពេល​ មួយ​រយៈ ដោយ​សារ​ប្រទេស​ទាំងពីរ​ពុំ​ទាន់​ឈាន​ដល់​កិច្ច​ព្រម​ព្រៀង​មួយ​ចំនួន។

ភាគី​ទាំងពីរ​បាន​យល់​ព្រម​គ្នា​ថា​និង​បើក​ច្រកទ្វារ​ឱ្យពលរដ្ឋ​ទាំងពីរ​និង​ភ្ញៀវ​ ទេសចរណ៍​បាន​ចេញ​ចូល​ដូច​ធម្មតា​វិញ​នៅ​ដើម​សប្តាហ៍​ខាង​មុខ​ ក្រោយ​ពី​បាន​ បិទ​ទ្វារ​តាំង​ពី​ខែ​កក្កដា​ឆ្នាំ​២០០៨ ​ដែល​មាន​ជម្លោះតាន​តឹង​ផ្នែក​យោធា​ និង​នយោបាយ​ បន្ទាប់​ពី​កម្ពុជា​បាន​ដាក់​ប្រាសាទ​ព្រះវិហារ​ ចូល​ក្នុង​បញ្ជីបេតិកភណ្ឌ​ពិភព​លោក​របស់​អង្គការ ​UNESCO។

មន្ត្រី​កម្ពុជា​ដែល ​VOA បាន​ទាក់​ទង​ អះអាង​ឱ្យដឹង​ថា​ មុន​ពេល​បើក ​ច្រក​ជា​ ផ្លូវការ​ឡើង​វិញ​ ភាគី​ទាំងពីរ​កម្ពុជា​-ថៃ​ ត្រូវ​ការ​ពេល​វេលា​ខ្លះ​ទៀត​ ដើម្បី​ពិភាក្សា​ អំពី​បញ្ហា​ដក​កង​ទ័ព​ចេញ​ពី​ព្រំដែន ​និង​តម្លៃ​នៃ​ការ​ ចេញ​ចូល​នៅ​តំបន់​ប្រាសាទ​ព្រះវិហារ​ ដែល​ភាគី​ទាំងពីរ​មិន​ទាន់​បាន​ព្រម​ព្រៀង​គ្នា​នៅឡើយ៕

XS
SM
MD
LG