ពលរដ្ឋខ្មែរម្នាក់បានគេចផុតពីគ្រោះថ្នាក់ដល់ជីវិតដោយសារការរញ្ជួយផែនដីផ្តាច់ផ្តិលជីវិតមនុស្សក្នុងប្រទេសនេប៉ាល់។ លោក ឃួន សុភ័ក្រ ហៅ ឃួន ឌីណា ជាបុគ្គលិករបស់មជ្ឈមណ្ឌលកម្ពុជាដើម្បីប្រព័ន្ធផ្សព្វផ្សាយឯករាជ្យ CCIM បានចុះ បំពេញកម្មសិក្សាមួយឆ្នាំផ្នែកប្រព័ន្ធផ្សព្វផ្សាយនិងសិទ្ធិមនុស្សក្នុងប្រទេសនេប៉ាល់គឺចាប់តាំងពីខែសីហាឆ្នាំទៅ។
លោកត្រូវបានគេជម្លៀសទៅកាន់ជំរុំសុវត្ថិភាពមួយដែលមានផ្ទុកជនរងគ្រោះដោយសារការរញ្ជួយដីខ្លាំងដល់ទៅកម្រិត៧.៩ ក្នុងរដ្ឋធានីកដ្ឋមណ្ឌូ (Kathmandu) នោះ បន្ទាប់ពីលោកបានគេចចេញពីអគារផ្ទះសំណាក់បីជាន់ ដែលលោកបានស្នាក់នៅនោះ។
ការរញ្ជួយដីកាលពីថ្ងៃសៅរ៍បានសម្លាប់មនុស្សយ៉ាងតិច៥.២០០នាក់ មកដល់ថ្ងៃ ពុធ ហើយនឹងរបួសរាប់ពាន់នាក់ទៀត។ លោក សុខ ខេមរា នៃ VOA ក្នុងរដ្ឋធានីវ៉ាស៊ីនតោន បានសម្ភាសជាមួយលោក ឃួន សុភ័ក្រ កាលពីថ្ងៃពុធតាមប្រព័ន្ធ Messenger របស់ហ្វេសប៊ុក ពីអាកាសយានដ្ឋាន Khatmandu កាលពីយប់ ថ្ងៃពុធ មុនពេលលោកហៀបចាកចេញដំណើរមកកាន់ប្រទេសកម្ពុជាវិញមុន ពេលកំណត់នៃការបញ្ចប់កម្មសិក្សារបស់លោក៕
សូមចុចស្តាប់ខាងក្រោម៖
