ភ្ជាប់​ទៅ​គេហទំព័រ​ទាក់ទង

កម្ពុជា​គាំទ្រ​ប្រទេស​ទីម័រ​ខាងកើត​ជា​សមាជិក​ថ្មី​របស់​អាស៊ាន


លោក​ហោ ណាំហុង​ ​ឧបនាយក​រដ្ឋមន្រ្តី​ និង​ជា​រដ្ឋមន្រ្តី​ក្រសួង​ការបរទេស​កម្ពុជា​។

ភ្នំពេញ៖ ​លោក​ហោ ណាំហុង​ ​ឧបនាយក​រដ្ឋមន្រ្តី​ និង​ជា​រដ្ឋមន្រ្តី​ក្រសួង​ការបរទេស​កម្ពុជា​ ​បាន​បញ្ជាក់​នៅ​ថ្ងៃ​ពុធ​នេះ​ថា​ ​ប្រទេស​កម្ពុជា​គាំទ្រ​យ៉ាងពេញ​ទំហឹង​ចំពោះ​សមាជិក​ថ្មី​របស់​អាស៊ាន​គឺ​ប្រទេស​ទីម័រខាងកើត​ ឬ​ Timor-Leste។

លោក​ហោ ណាំហុងបាន​ប្រាប់​ក្រុម​អ្នក​រាយការណ៍​ព័ត៌មាន​នៅ​ក្នុង​ទីក្រុង​ភ្នំពេញ​ ​បន្ទាប់​ពី​ជំនួប​ជា មួយ​សម​ភាគី​របស់​លោក ​គឺ​លោកស្រី​ ម៉ាអៀ អែនជេឡា ហូលហ្គីន​ (Maia Angela Holguin)​ ​រដ្ឋមន្រ្តី​ក្រសួង​ការ​បរទេស​ប្រទេស​កូឡំប៊ី។

«ប្រទេស​ Timor-Leste ​នៅ​ក្នុង​តំបន់​អាស៊ីអាគ្នេយ៍​ ​ជា​ស្វ័យប្រវត្តិ​ ​កម្ពុជា​ត្រូវតែ​គាំទ្រ​ Timor-Leste»។

កាល​ពី​ពេល​ថ្មីៗ​នេះ​ ​ប្រធានាធិបតី​ប្រទេស​ទីម័រ​ខាងកើត​ ​លោក​Joce Ramos Horta ​បាន​ជំរុញ​ចង់ ចូល​ជា​សមាជិក​ទី​១១ ​របស់​សមាគម​អាស៊ាន​នៅ​ឆ្នាំ​ក្រោយ​នេះ។

លោក​ហោ ណាំហុង​មាន​ប្រសាសន៍ថា​ ​បណ្តា​ប្រទេស​អាស៊ាន​ ​និង​ជជែក​ពិភាក្សា​គ្នា​អំពី​សមាជិក​ភាព​របស់​ប្រទេស​ទីម័រ​ខាងកើត​នៅពេល​ខាងមុខ។​ហើយ​លោក​បន្ថែមថា​ការចូល​ជាសមាជិក​ថ្មីនេះ ​ត្រូវតែ​ បម្រើ​ឲ្យ​ផលប្រយោជន៍​នៃ​សមាគម​អាស៊ាន​ទាំងមូល​និង​ បំរើ​ឲ្យ​ផលប្រយោជន៍​របស់​ប្រទេស​ទីម័រ​ខាងកើត​ផង​ដែរ។

ប្រទេស​ទីម័រខាងកើត​ធ្លាប់​ស្ថិត​នៅក្រោម​អណានិគម​និយម​របស់​ប្រទេសប៉ទុយហ្គាល់​(Portugal) មុនក្លាយ​ទៅ​ជា​ខេត្ត​ទី​២៧​របស់​ប្រទេស​ឥណ្ឌូណេស៊ី។​ ហើយ​នៅ​ខែ​ឧសភា​ ​ឆ្នាំ​២០០២​ ​ប្រទេស​នេះ​បាន​ក្លាយ​ទៅ​ជា​ប្រទេស​អធិបតេយ្យ​ ​ដោយ​ឯករាជ្យ​ពី​ប្រទេស​ឥណ្ឌូនេស៊ី។​ ប្រទេស​ទីម័រ​ខាងកើត​មាន​ប្រជាជន​ប្រមាណ​ជា​១.០០០.០០០​នាក់។

កាលពី​ថ្ងៃអាទិត្យ​ ​ប្រទេស​ឥណ្ឌូនេស៊ី​បាន​បង្ហាញជំហរ​គាំទ្រ​ជាចំហ​ចំពោះ​សមាជិក​ភាព​របស់ ប្រទេស​ទីម័រខាង​កើត​នេះ។

ក៏ប៉ុន្តែ​ ​ទោះ​ជា​យ៉ាងណា​ ​នៅ​មិន​ទាន់​មាន​សំណើ​ជា​ផ្លូវការ​ពី​ប្រទេស​ទីម័រ​ខាងកើត​សុំ​ចូល​ជា​សមាជិក​ទី១១​របស់​សមាគម​អាស៊ាន​នៅ​ឡើយ​ទេ។

សព្វថ្ងៃ​ ​សមាគម​អាស៊ាន​មាន​សមាជិក​ចំនួន​១០​ប្រទេស​ ​គឺ​ប្រទេស​កម្ពុជា​ ​វៀតណាម​ ​លាវ​ ​ប្រទេស​ ឥណ្ឌូនេស៊ី​ ​ហ្វីលីពីន​ ​ប្រទេស​ថៃ​ ​សឹង្ហបូរី​ ​ភូមា​ ​ម៉ាឡេស៊ី​ ​និង​ប្រទេស​ប្រ៊ុយណេ។

ប្រជាជន​សរុប​របស់​សមាគម​អាស៊ាន​មាន​ចំនួន​ជិត​៦០០​លាន​នាក់៕

ប្រទេស​ទីម័រខាង​កើត បាន​ក្លាយ​ទៅ​ជា​ប្រទេស​អធិបតេយ្យ​ ​ដោយ​ទទួលឯករាជ្យ​ពី​ប្រទេស​ឥណ្ឌូនេស៊ី​នៅ​ខែ​ឧសភា​ឆ្នាំ​២០០២៕

XS
SM
MD
LG