ភ្ជាប់​ទៅ​គេហទំព័រ​ទាក់ទង

គណបក្ស​ប្រឆាំងគ្មានកន្លែង​ធ្វើ​សមាជ​ព្រោះ​ម្ចាស់​ដីភ័យ​ខ្លាច​​

  • ហេង រស្មី

យ​លោក​សម រង្ស៊ី​ ដែល​កំពុង​និរទេស​ខ្លួន​ឯង​នៅ​ក្រៅ​ប្រទេស​ ធ្វើជា​ប្រធាន​គណបក្ស​ និង​ជា​បេក្ខភាព​នាយក​រដ្ឋមន្ត្រី​ហើយ​លោក​កឹម សុខា​ ជា​អនុប្រធាន​គណបក្ស​ និង​ជា​បេក្ខភាព​ប្រធាន​រដ្ឋសភា​ប្រសិន​ណា​បើ​គណបក្ស​នេះ​ឈ្នះ​ឆ្នោត។​
នៅសល់​តែ​ពីរ​ថ្ងៃ​ទៀត​តែ​ប៉ុណ្ណោះ​ គណបក្ស​សង្គ្រោះជាតិ​ដែល​បង្កើត​ឡើង​ដោយ​គណបក្ស​សិទ្ធិ​មនុស្ស​និង​គណបក្ស​សម រង្ស៊ី​ គ្រោង​នឹង​ធ្វើសមាជ​គណបក្ស​ដែល​គេ​រំពឹង​ថា ​នឹង​មាន​អ្នកគាំទ្រ​ចូល​រួម​ប្រមាណ​ជាង​១ម៉ឺន​នាក់។​
ក៏ប៉ុន្តែ​អ្វី​ដែល​ជាការ​ព្រួយ​បារម្មណ៍​របស់​គណបក្ស​សង្គ្រោះជាតិ​គឺ​ការ​ស្វែង​រក​ទីតាំង​ដើម្បី​ធ្វើ​សមាជ​គណបក្ស ​ក្រោយពី​សាលាក្រុង​ភ្នំពេញ​បាន​បដិសេធ​មិន​ផ្តល់​ទី​កន្លែង​មុខ​វត្ត​បុទុម​វតី​ដើម្បី​ប្រារព្ធ​ពិធី ដោយ​បាន​លើក​ហេតុ​ផល​សន្តិសុខ​និង​ប៉ះពាល់​សណ្តាប់​ធ្នាប់​សារធារណៈ។​
លោក​អេង ឆៃអ៊ាង​ ប្រធាន​គណៈកម្មការ​រៀប​ចំសមាជ​គណបក្ស​សង្រ្គោះជាតិ​បាន​និយាយ​ថា ​យ៉ាង​តិច​មាន​ទី​តាំង​ចំនួន​បួន​កន្លែង​ផ្សេង​ទៀត​នៅ​ជាយ​ក្រុង​ភ្នំពេញ​ត្រូវ​បាន​អាជ្ញាធរ​មូលដ្ឋាន​ទៅ​គំរាម​កំហែង​ម្ចាស់​ដី​មិន​ឲ្យ​ជួល​ឲ្យ​គណ​បក្ស​សង្គ្រោះជាតិ​រៀប​ចំ​សមាជ។​
លោក​បាន​និយាយ​ថា​ មាន​ទីតាំង​ខ្លះ​ម្ចាស់ដី​បាន​ព្រម​ព្រៀង​ជួល​រួច​ហើយ​តែ​ក្រោយ​មក​បាន​លុប​ចោល​មកវិញ​ ដោយ​សារ​ម្ចាស់ដី​ខ្លាច​ការ​គំរាម​កំហែង​របស់​អាជ្ញាធរ។​ លោក​មាន​ប្រសាសន៍​ថា​ នៅ​ទីបំផុត​លោក​បាន​រក​ទីតាំង​មួយ​កន្លែង​តាម​បណ្តោយ​ផ្លូវ​ជាតិ​លេខ​បួន​ចម្ងាយ​ប្រមាណ​ជិត​២០​គីឡូម៉ែត្រ​ពីជាយ​ទីក្រុង​ភ្នំពេញ​ដើម្បី​ធ្វើ​សមាជ​គណបក្ស។ ​ក៏ប៉ុន្តែ​ម្ចាស់​ដី​ចុង​ក្រោយ​នេះ​ត្រូវ​បាន​អាជ្ញាធរ​មក​គំរាម​កំហែង​មិន​ឲ្យ​ជួលដី​ឲ្យ​គណបក្ស​សង្គ្រោះជាតិ​ធ្វើ​សមាជ​ និង​បាន​ទាម​ទារ​កិច្ច​សន្យា​ពី​ម្ចាស់ដី។​
«អាហ្នឹង​ជារូប​ភាព​មួយ​មិន​ល្អ​ ហើយ​អ្វីដែល​អាជ្ញាធរ​ធ្វើបែប​ហ្នឹង​គឺ​ផ្ទុយ​ពីអ្វី​ដែល​លោក​នាយក​រដ្ឋមន្ត្រី​បាន​លើក​ឡើង»។​
លោក​នាយក​រដ្ឋមន្ត្រីហ៊ុន សែន​ កាលពីថ្ងៃ​ពុធ​ បាន​អំពាវ​នាវ​ឲ្យ​គ្រប់​អាជ្ញាធរ​មូលដ្ឋាន​គ្រប់​លំដាប់​ថ្នាក់​ ឲ្យ​ជួយ​សម្រួល​ដល់​គ្រប់​គណបក្ស​នយោបាយ​ទាំង​អស់​ធ្វើ​សកម្មភាព​របស់​ខ្លួន​ ទាំង​សកម្មភាព​លើក​ស្លាក​សញ្ញា​របស់​គណបក្ស​ដើម្បី​ឲ្យ​ការ​បោះឆ្នោត​ប្រព្រឹត្ត​ទៅ​ដោយ​សេរី​និង​យុត្តិធម៌។​
លោក​ខៀវ សុភ័គ​ អ្នក​នាំពាក្យ​ក្រសួង​មហា​ផ្ទៃ​ បាន​និយាយ​ថា ​ក្រសួង​មហាផ្ទៃ​គ្មាន​គោល​ការណ៍​ណែនាំ​ឲ្យ​អាជ្ញាធរ​មូល​ដ្ឋាន​ទៅ​គំរាម​កំហែង​ម្ចាស់​ដី​មិន​ឲ្យ​ជួល​ទៅ​ឲ្យ​គណបក្ស​នយោ​បាយ​ធ្វើ​សកម្មភាព​របស់​ខ្លួន​នោះ​ទេ។
លោក​បាន​និយាយ​ថា​ មាន​តែម្ចាស់​ដីនោះ​ជា​សមាជិក​របស់​គណបក្ស​គ្រប់គ្រង​អំណាច​ ដែល​មិន​ចូល​ចិត្ត​គណបក្ស​ប្រឆាំង​ ទើប​មិន​ជួល​ដី​ឲ្យ​រៀប​ចំ​សមាជ។​
«មិន​មាន​គោល​ការណ៍ទេ។ ​អាស្រ័យ​ទៅលើ​ម្ចាស់​កម្មសិទ្ធិ​លោក​សម្រេចទៅ​បាទ។ ​គ្រប់​គណបក្ស​ មិនត្រឹម​តែ​គណបក្ស​សង្គ្រោះជាតិ​ទេ​ គណ​បក្សណា​និង​សូម្បី​តែ​គណបក្ស​ប្រជាជន​ក៏ត្រូវ​ការ​ជួល​ម្ចាស់​ទីតាំង​ដែរ»។
គណបក្ស​សង្គ្រោះជាតិ​គ្រោង​នឹង​រៀបចំ​សមាជ​មួយ​នៅ​ថ្ងៃ​អាទិត្យ​ខាង​មុខ​នេះដើម្បី​ស្នើសុំ​សំឡេង​គាំទ្រ​បោះឆ្នោត​ឲ្យ​លោក​សម រង្ស៊ី​ ដែល​កំពុង​និរទេស​ខ្លួន​ឯង​នៅ​ក្រៅ​ប្រទេស​ ធ្វើជា​ប្រធាន​គណបក្ស​ និង​ជា​បេក្ខភាព​នាយក​រដ្ឋមន្ត្រី​ហើយ​លោក​កឹម សុខា​ ជា​អនុប្រធាន​គណបក្ស​ និង​ជា​បេក្ខភាព​ប្រធាន​រដ្ឋសភា​ប្រសិន​ណា​បើ​គណបក្ស​នេះ​ឈ្នះ​ឆ្នោត។​
គណបក្ស​សង្គ្រោះ​ជាតិ​មិន​មាន​អគ្គលេខាធិការ​គណបក្ស​ទេ​ ក៏​ប៉ុន្តែ​មាន​អគ្គ​នាយក​ដ្ឋាន​បី​សម្រាប់​ប្រតិបត្តិ​គណបក្ស​គឺ​មាន​អគ្គនាយក​ដ្ឋាន​រដ្ឋបាល​ អគ្គ​នាយក​ដ្ឋាន​ទំនាក់ទំនង​សារធារណៈ ​និង​អគ្គនាយក​ដ្ឋាន​ហិរញ្ញ​វត្ថុ។ ​គណ​បក្ស​សង្គ្រោះជាតិ​មាន​ក្រុមប្រឹក្សា​ជាតិ​គណបក្ស​ ព្រមទាំង​ប្រធាន​គណៈកម្មាធិការ​បី​គឺ​ប្រធាន​គណៈកម្មាធិការ​នាយក​ ប្រធាន​គណៈកម្មាធិការ​វិនិច្ឆ័យ​និង​គណៈ​កម្មាធិការ​ប្រតិបត្តិ​របស់​គណបក្ស៕​
XS
SM
MD
LG