ភ្ជាប់​ទៅ​គេហទំព័រ​ទាក់ទង

ព័ត៌មាន​​ថ្មី

មន្ត្រី​កម្ពុជា៖ ជនជាតិ​បារាំង​ដែល​ជាប់​ឃុំ ​ស្នើ​សុំ​ឲ្យ​គេ​បញ្ជូន​ខ្លួន​ទៅ​ប្រទេស​ចិន


Giant panda Yuan Yuan sleeps next to her baby panda at the Taipei City Zoo, Taiwan.
Giant panda Yuan Yuan sleeps next to her baby panda at the Taipei City Zoo, Taiwan.

មន្ត្រី​ជាន់​ខ្ពស់​រដ្ឋាភិបាល​កម្ពុជា​បាន​និយាយ​ថា ​ជនជាតិ​បារាំង​ដែល​រដ្ឋាភិបាល​បាន​ចាប់​ខ្លួន​ពី​បទ​សង្ស័យ​ថា​ជាប់​ពាក់ព័ន្ធ​នឹង​លោក​ Bo Xilaiអ្នក​នយោ​បាយ​ដែល​មាន​កេរ្តិ៍​ឈ្មោះ​មិន​ល្អ​នៅ​ក្នុង​ប្រទេស​ចិន​ បាន​ស្នើ​សុំ​មក​រដ្ឋាភិបាល​ឲ្យ​បញ្ជូន​ខ្លួន​ទៅ​កាន់​ប្រទេស​ចិន​ដើម្បី​ធ្វើ​ការ​ជំនុំជម្រះ​ទោស​នៅ​ទី​នោះ។​

លោក​ប៉ាទ្រិក ដេវីល្ល័រ(Patrick Devellers) អាយុ​៥២​ឆ្នាំ​ត្រូវ​បាន​អាជ្ញាធរ​រដ្ឋា​ភិបាល​កម្ពុជា​ចាប់​ខ្លួន​កាល​ពី​ថ្ងៃ​ទី​១៣​ខែ​មិថុនា​ តាម​សំណើ​មួយ​របស់​រដ្ឋាភិបាល​នៃ​ប្រទេស​ចិន​ ពី​បទ​សង្ស័យ​ថា​លោក​មាន​ទំនាក់ទំនង​យ៉ាង​ជិត​ស្និទ្ធិ​ជាមួយ​លោក ​Bo Xilai ​អ្នក​នយោបាយ​ដែល​មាន​កេរ្តិ៍​ឈ្មោះ​មិន​ល្អ​ក្នុង​ប្រទេស​ចិន។​

លោកPatrick Devellers កំពុង​ស្ថិត​នៅ​ក្រោម​ការ​គ្រប់គ្រង​របស់​នាយកដ្ឋាន​អន្តោប្រវេសន៍​នៃ​ក្រសួង​មហាផ្ទៃ។ ​ក៏​ប៉ុន្តែ​រដ្ឋាភិបាល​កម្ពុជា​បាន​អះអាង​ថា​ នឹង​ដោះលែង​លោក ​Patrick ឲ្យ​មាន​សេរីភាព​ឡើង​វិញ​ ប្រសិន​ណា​បើ​ពុំ​មាន​ការ​រក​ឃើញ​ថា ​លោក​មាន​ទោស​កំហុស​នៅ​ក្នុង​អំឡុង​ពេល​នៃ​ការ​ឃុំ​ខ្លួន​បាន​រយះ​ពេល​ពីរ​ខែ។​

លោក​ឧត្តមសេនីយ៍​ឯក ខៀវ សុភ័ក្រ ​អ្នក​នាំ​ពាក្យ​ក្រសួង​មហាផ្ទៃ​បាន​មាន​ប្រសាសន៍​ថា​ កម្ពុជា​មិន​ជំទាស់​ទេ​ប្រសិន​ណា​បើ​ភាគី​សាមី​សុំ​ធ្វើ​បត្យាប័ន​ទៅ​កាន់​ប្រទេស​ណា​នោះ។​

លោក​បាន​មាន​ប្រសាសន៍​ថា​ តាម​ដំណឹង​លោក​ Patrick Devellers ខ្លួន​ឯង​មាន​ទំនោរ​ស្នើ​សុំ​បត្យាប័ន​ទៅ​កាន់​ប្រទេស​ចិន​ ហើយ​កម្ពុជា​ត្រូវ​ការ​ឲ្យ​លោក​Patrick​បំពេញ​ឯកសារ​មុន​នឹង​សម្រេច​បញ្ជូន​ចេញ​ពី​ប្រទេស​កម្ពុជា។​

«គាត់​ដូច​ជា​មាន​ទំនោរ​ទៅ​ចិន​ គាត់​ខ្លួន​គាត់​នោះ​ណា។​ អញ្ជើញ​ទៅ​ណា​តាម​ការ​សម្រេច​របស់​ខ្លួន​គាត់​ទេ។​ ហើយ​បើ​គាត់​សម្រេច​ទៅ​ចិន​ OK យើង​ក៏​ផ្តល់​ជូន​ទៅ​តាម​អ្វី​ដែល​គាត់​សម្រេច​ផ្ទាល់​ខ្លួន ​ក៏ប៉ុន្តែ​ត្រូវ​មាន​ការ​ជា​លាយ​ល័ក្ខណ៍​អក្សរ។​ យើង​ទាំង​អស់​គ្នា​ត្រូវ​តែ​មាន​តម្លាភាព»។​

លោក​ស្រី​ Laurence Bernardi អ្នក​នាំ​ពាក្យ​ស្ថានទូត​បារាំង​ប្រចាំ​ប្រទេស​កម្ពុជា​បាន​និយាយ​ថា ​លោក​ស្រី​គ្មាន​ព័ត៌មាន​អ្វី​ដែល​ត្រូវ​ធ្វើ​អត្ថាធិប្បាយ​បន្ថែម​ទៀត​ទេ។​

ក៏ប៉ុន្តែ​ទោះ​ជា​យ៉ាង​ណា​ក៏​ដោយ​ ក៏​លោក​ Bernard Valeroអ្នក​នាំ​ពាក្យ​ក្រសួង​ការបរទេស​បារាំង​កាល​ពី​ខែមុន​ បាន​បញ្ចាក់​នៅ​ក្នុង​សេចក្តី​ប្រកាស​ព័ត៌មាន​របស់​ខ្លួន ​ថា​បារាំង​នឹង​តាមដាន​យ៉ាង​ដិត​ដល់​បំផុត​ចំពោះ​លោក​ Patrick Devellers។​

លោក Patrick Devellers ធ្លាប់​បាន​មក​រស់​នៅ​ទីក្រុង​ភ្នំពេញ ​ហើយ​លោក​ក៏​ជា​ម្ចាស់​កម្មសិទ្ធិ​ដី​មួយ​កន្លែង​នៅ​ទី​ក្រុង​កែប ​ដែល​កន្លង​មក​លោក​មិន​ធ្លាប់​ត្រូវ​បាន​ចោទ​ប្រកាន់​អ្វី​ទាំង​អស់​ពាក់ព័ន្ធ​នឹង​បទ​ឧក្រិដ្ឋ។

លោក ប៉ាទ្រិក ដេវីល្ល័រ ធ្លាប់​មាន​ទំនាក់ទំនង​យ៉ាង​ជិតស្និទ្ធ​ជាមួយ​នឹង​លោក​អ្នកស្រី​ ហ្គូ កៃឡៃ (Gu Kailai) ភរិយា​លោក​ Bo Xilai អតីត​អ្នក​នយោបាយ​ប្រឆាំង​នឹង​រដ្ឋាភិបាល​ចិន​មួយ​រូប​ ហើយ​លោក​ Bo Xilai កំពុង​ជាប់​ឃុំឃាំង​ពី​បទ​ធ្វើ​ចារកម្ម​លើ​មន្ត្រី​ចិន​ជាន់​ខ្ពស់​ ដោយ​ខុស​ច្បាប់។

អ្នកស្រី​ ហ្គូ កៃឡៃ ត្រូវ​បាន​អាជ្ញាធរ​ចាប់ខ្លួន​កាល​ពី​អំឡុង​ខែ​មេសា ​ពី​បទ​សង្ស័យ​ថា​ជាប់​ពាក់ព័ន្ធ​នឹង​ការ​ធ្វើ​ឃាត​លោក ​ណេល ហេវូដ (Neil Heywood) ពាណិជ្ជករ​ជនជាតិ​អង់គ្លេស​មួយ​រូប៕

XS
SM
MD
LG