ភ្ជាប់​ទៅ​គេហទំព័រ​ទាក់ទង

​សន្និសីទ​ស្តី​ពី​ទន្លេ​មេគង្គ​រៀបចំនៅ​រដ្ឋ​ធានី​វ៉ាស៊ីនតោន


មាន​ទំនប់​វារី​អគ្គិសនី​ជាង​១៥០​កំពុង​ត្រូវ​បាន​គេ​គ្រោង​នឹង​សាងសង់​ឡើង​ និង​ខ្លះ​កំពុង​ត្រូវ​បាន​គេ​សាងសង់​ពីលើ​ទន្លេ​មេគង្គ​និង​ដៃ​របស់​វា។
ដោយ​ វីអូអេ​
រដ្ឋធានី​វ៉ាស៊ីនតោន​
ក្រុម​សកម្មជន​ផ្នែក​បរិស្ថាន​នឹង​ជួប​ប្រជុំ​គ្នា​នៅ​រដ្ឋ​ធានី​វ៉ាស៊ីនតោន​ពីថ្ងៃ​ទី​២២​ដល់​ថ្ងៃ​២៦​ខែ​មិនា​នេះ​ដើម្បី​ពិភាក្សា​ពី​បញ្ហា​នៅ​ក្នុង​តំបន់​ទន្លេមេគង្គ។
សន្និសីទ​ដែល​មាន​ឈ្មោះ​ថា​«ទិវា​មេគង្គ»​នឹង​មាន​ដាក់​បង្ហាញ​ស្នាដៃ​របស់​វិចិត្រករ​និង​ផលិតករ​កម្ពុជា​ចំនួន​ពីរ​នាក់ហើយ​ក៏មាន​ស្នាដៃ​របស់​វិចិត្រ​ករ​មក​ពី​ប្រទេស​វៀតណាម ថៃ​និង​ចិន​ផងដែរ។

នៅក្នុង​ពិធី​បើក​នៅ​ថ្ងៃ​សុក្រ​នេះ​នឹង​មាន​បង្ហាញ​ស្នាដៃ​របស់​វិចិត្រ​ករ​ លឹម សុក​ចាន់​លីណា ហើយ​នៅ​ថ្ងៃ​បន្ត​បន្ទាប់​ទៀត​នឹង​មាន​បញ្ចាំង​ភាពយន្ត​ឯកសារ​របស់​ផលិតករ​ជុំ សុភា​ផងដែរ។​

តំបន់​ទន្លេ​មេគង្គ​គឺ​ជា​តំបន់​ដែល​មាន​ប្រព័ន្ធ​អេកូឡូស៊ី​ដ៏ធំ​ដែល​គាំ​ទ្រ​ដល់​ជីវិត​ពលរដ្ឋ​ជាង​៦០​លាន​នាក់​នៅ​ក្នុង​ប្រទេស​ចំនួន​៦។ នៅ​អាង​ទន្លេ​មេគង្គក្រោម​ផ្តល់​ត្រី​សម្រាប់​ចឹញ្ចឹម​ពលរដ្ឋ​ច្រើន​ជាង​ទន្លេណាៗ​ទាំង​អស់​នៅលើ​ពិភពលោក។​

មាន​ទំនប់​វារី​អគ្គិសនី​ជាង​១៥០​កំពុង​ត្រូវ​បាន​គេ​គ្រោង​នឹង​សាងសង់​ឡើង​ និង​ខ្លះ​កំពុង​ត្រូវ​បាន​គេ​សាងសង់​ពីលើ​ទន្លេ​មេគង្គ​និង​ដៃ​របស់​វា។ ប្រសិន​បើ​ទំនប់​ទាំង​នោះ ត្រូវ​បាន​សាងសង់​មែន​វា​នឹង​មាន​ការ​កែ​ប្រែ​ដល់​ប្រព័ន្ធ​ទឹក​និង​ជីវិត​រស់​នៅ​របស់​ពលរដ្ឋ​ដែល​ពឹង​អាស្រ័យ​លើ​ទន្លេ​នេះ។​
XS
SM
MD
LG