ភ្ជាប់​ទៅ​គេហទំព័រ​ទាក់ទង

ព័ត៌មាន​​ថ្មី

កម្ពុជា​ថ្កោលទោស​ការសម្លាប់​មន្ត្រី​ការពារ​បរិស្ថាន


លិខិត​ចូលរួម​រំលែក​ទុក្ខមួយ​​របស់​ក្រសួង​បរិស្ថាន​កម្ពុជា​ដល់​ក្រុម​គ្រួសារ និង​ញាតិមិត្ត​នៃ​សព​លោក ​តើន សុខណៃ​ ជាមន្ត្រី​ឧទ្យានុរក្ស​នៃ​មន្ទី​បរិស្ថាន​ខេត្ត​មណ្ឌលគិរី ដែល​ត្រូវ​ខ្មាន់កាំភ្លើង​បាញ់​សម្លាប់ កាលពី​យប់​ថ្ងៃទី​៣០ ខែមករា​នៅ​ក្នុង​ស្រុកអូរាំង ខេត្តមណ្ឌលគិរី នៃ​ប្រទេស​កម្ពុជា។ (រូបភាព៖ ក្រសួង​បរិស្ថាន​កម្ពុជា)

ជនរងគ្រោះ​ទាំង​បី​នាក់​មាន​ឈ្មោះ​ សេក វឌ្ឍនា​ ជា​មន្ត្រី​កងរាជ​អាវុធហត្ថ ​ឈ្មោះ​តើន សុខណៃ​ ជាមន្ត្រី​ឧទ្យានុរក្ស​នៃ​មន្ទី​បរិស្ថាន​ខេត្ត​មណ្ឌលគិរី ​និង​ឈ្មោះ​ ធុល ខ្នា​ ជាមន្ត្រី​នៃអង្គការ​សមាគម​អភិរក្ស​សត្វព្រៃ​ត្រូវបាន​ជនមិនស្គាល់​មុខ​បាញ់​សម្លាប់​កាលពីយប់ថ្ងៃទី​៣០ខែមករា​នៅ​ក្នុង​ស្រុកអូរាំង​ ខេត្តមណ្ឌលគិរី។ ​

ក្រសួងបរិស្ថាន​កម្ពុជា​ បាន​សម្តែង​ការសោកស្តាយ​ដែល​មន្ត្រី​ការពារ​បរិស្ថាន​ចំនួន​បីនាក់​ត្រូវ​បាន​ខ្មាន់កាំភ្លើង​បាញ់​សម្លាប់ ក្នុង​ខណៈពេល​ដែលអាជ្ញាធរ​នៅ​មិន​ទាន់​កំណត់​ច្បាស់​ពី​មូលហេតុ​ដែល​នាំ​ឱ្យ​មាន​ព្រឹត្តិការណ៍​ឈានទៅ​បាត់បង់​ជីវិត​នេះ​នៅឡើយ​ទេ។

ជនរងគ្រោះ​ទាំង​បី​នាក់​មាន​ឈ្មោះ​ សេក វឌ្ឍនា​ ជា​មន្ត្រី​កងរាជ​អាវុធហត្ថ ​ឈ្មោះ​តើន សុខណៃ​ ជាមន្ត្រី​ឧទ្យានុរក្ស​នៃ​មន្ទី​បរិស្ថាន​ខេត្ត​មណ្ឌលគិរី ​និង​ឈ្មោះ​ ធុល ខ្នា​ ជាមន្ត្រី​នៃអង្គការ​សមាគម​អភិរក្ស​សត្វព្រៃ ​ត្រូវបាន​ជនមិនស្គាល់​មុខ​បាញ់​សម្លាប់​កាលពីយប់ថ្ងៃទី​៣០ខែមករា​នៅ​ក្នុង​ស្រុកអូរាំង​ ខេត្តមណ្ឌលគិរី។ ​

លិខិត​ចូលរួម​រំលែក​ទុក្ខមួយរបស់​ក្រសួង​បរិស្ថាន​កម្ពុជា​ដល់​ក្រុម​គ្រួសារ និង​ញាតិមិត្ត​នៃ​សព​លោក ​តើន សុខណៃ​ ជាមន្ត្រី​ឧទ្យានុរក្ស​នៃ​មន្ទី​បរិស្ថាន​ខេត្ត​មណ្ឌលគិរី ដែល​ត្រូវ​ខ្មាន់កាំភ្លើង​បាញ់​សម្លាប់ កាលពី​យប់​ថ្ងៃទី​៣០ ខែមករា​នៅ​ក្នុង​ស្រុកអូរាំង ខេត្តមណ្ឌលគិរី នៃ​ប្រទេស​កម្ពុជា។ (រូបភាព៖ ក្រសួង​បរិស្ថាន​កម្ពុជា)
លិខិត​ចូលរួម​រំលែក​ទុក្ខមួយរបស់​ក្រសួង​បរិស្ថាន​កម្ពុជា​ដល់​ក្រុម​គ្រួសារ និង​ញាតិមិត្ត​នៃ​សព​លោក ​តើន សុខណៃ​ ជាមន្ត្រី​ឧទ្យានុរក្ស​នៃ​មន្ទី​បរិស្ថាន​ខេត្ត​មណ្ឌលគិរី ដែល​ត្រូវ​ខ្មាន់កាំភ្លើង​បាញ់​សម្លាប់ កាលពី​យប់​ថ្ងៃទី​៣០ ខែមករា​នៅ​ក្នុង​ស្រុកអូរាំង ខេត្តមណ្ឌលគិរី នៃ​ប្រទេស​កម្ពុជា។ (រូបភាព៖ ក្រសួង​បរិស្ថាន​កម្ពុជា)

នៅ​ក្នុង​លិខិត​ដោយ​ឡែកៗ​ពីគ្នា​ទៅ​ក្រុម​គ្រួសារ​ជនរងគ្រោះ​កាលពីថ្ងៃ​ពុធ​លោក​សាយ សំអាល់​ រដ្ឋមន្ត្រី​ក្រសួង​បរិស្ថាន​កម្ពុជា​បាន​បញ្ជាក់​ថា​ពួកគេ​បាន​បាត់បង់​ជីវិត​ «ក្នុងពេល​បំពេញ​បេសកកម្ម​ដើម្បី​បុព្វហេតុ​ការពារ​និង​អភិរក្ស​ធនធាន​ធម្មជាតិ‍»។​

លោក ស ខេង ​រដ្ឋមន្ត្រី​ក្រសួង​មហាផ្ទៃ​និង​លោក​ទៀបាញ់​រដ្ឋមន្ត្រី​ក្រសួង​ការពារជាតិ​ក៏​បាន​បញ្ជាក់​នៅ​ក្នុង​សារ​រំលែក​មរណទុក្ខ​ដល់​ក្រុមគ្រួសារ​សព​ដោយឡែកៗ​ពីគ្នា​ដោយ ​«ថ្កោលទោស‍» ​អំពើ​ឧក្រិដ្ឋ​នេះ​និង​ស្នើឱ្យ​អាជ្ញាធរ​មាន​សមត្ថកិច្ច​«ចាត់​វិធានការ​យ៉ាង​ម៉ឺងម៉ាត់​‍»​ តាម​ចាប់​ជនល្មើស​មកផ្តន្ទា​ទោស។

​លោក ​ស ខេង ​បាន​បន្ថែម​នៅក្នុង​លិខិត​ទៅកាន់​ក្រុមគ្រួសារ​លោក ​ធុល ខ្នា ​ថា៖

«មរណភាព​របស់​លោក​ធុលខ្នា​ក៏ជា​ការបាត់បង់​នូវដៃគូ​អភិវឌ្ឍន៍​ដ៏សំខាន់​មួយរូប​ក្នុង​នាម​ជា​បុគ្គលិក​អង្គការ​ក្រៅរដ្ឋាភិបាល​ដែល​តែងតែ​ចូលរួម​ចំណែក​អភិវឌ្ឍន៍​ប្រទេស​ជាតិ​ជាមួយ​នឹង​រាជរដ្ឋាភិបាល​កម្ពុជា‍»។​

សារព័ត៌មាន​សំឡេង​ប្រជាធិបតេយ្យ ​(VOD) ​បាន​ដកស្រង់​ប្រភព​ក្រុមអ្នកស្រាវជ្រាវ​ទាំង​មន្ត្រី​រដ្ឋាភិបាល​និង​មន្ត្រី​អង្គការ​សង្គម​ស៊ីវិល​អះអាង​ថា​ព្រឹត្តិការណ៍​បាញ់​សម្លាប់ ​មន្ត្រី​អភិរក្ស​ព្រៃឈើ​ទាំង​៣​រូប​នេះ​ បាន​កើត​ឡើង​ក្រោយ​ពួក​គេ​ល្បាត​ព្រៃ​រក​ឃើញ​ជនជាតិ​វៀតណាម​មួយ​ក្រុម​ចូល​កាប់​ឈើ​ខុស​ច្បាប់។

ប៉ុន្តែ​លោក ​ឈុំ សុ​ជាតិ ​អ្នក​នាំ​ពាក្យ​ក្រសួង​ការ​ពារ​ជាតិ​បានថ្លែងប្រាប់​អ្នកសារព័ត៌មានថា ក្រុម​ខ្មាន់​កាំ​ភ្លើង​ទាំង​នោះ​ជា​ឧក្រិដ្ឋ​ជន​ដែល​កាប់​បំផ្លាញ​ព្រៃ​ឈើ​ក្នុង​តំបន់​ដែន​ជម្រក​សត្វ​ព្រៃ​មិន​មែន​ជា​ករណី​ដឹក​ជញ្ជូន​ឈើដោយ​ឈ្មួញ​ឈើនោះ​ទេ៕

XS
SM
MD
LG