ភ្ជាប់​ទៅ​គេហទំព័រ​ទាក់ទង

ព័ត៌មាន​​ថ្មី

ជនរងគ្រោះ​រំលោភ​ដីធ្លី​នៅ​បឹងកក់​ដាក់​ញ្ញតិ្ត​ជូន​អ្នករាយការណ៍​ពិសេស​អ.ស.ប.


Panda raksasa Yuan Yuan tidur di samping bayinya di Kebun Binatang Taipei, Taiwan.
Panda raksasa Yuan Yuan tidur di samping bayinya di Kebun Binatang Taipei, Taiwan.

សំឡេង​ទះដៃ​បាន​លាន់​ឮ​យ៉ាង​កងរំពង​ឡើង​ខណៈពេល​ដែល​មន្ត្រី​ជាន់ខ្ពស់​របស់​អគ្គលេខាធិការ​អង្គការ​សហប្រជាជាតិ​ទៅ​ដល់​តំបន់​សហគមន៍​បុរីកីឡា​ដែល​រងគ្រោះ ​ដោយសារ​តែ​ការ​បណ្តេញ​ចេញ។

លោក​សុរិយា ប្រាសាទស៊ូប៊ែឌី ​អ្នក​រាយការណ៍​ពិសេស​របស់​លោក ​បានគីម៉ូន ​អគ្គលេខាធិការ​អង្គការ​សហប្រជាជាតិ​ទទួល​បន្ទុក​សិទ្ធិ​មនុស្ស​នៅ​កម្ពុជា​ត្រូវ​បាន​ទទួល​ស្វាគមន៍​ដោយ​កម្រងផ្កា ​និង​បាច់ផ្កា​ពី​ប្រជាពលរដ្ឋ​នៃ​សហគមន៍​បុរីកីឡា ​និង​តំបន់​បឹងកក់។

ប្រជាពលរដ្ឋ​ដែល​រងគ្រោះ​ដោយសារ​តែ​ការ​បណ្តេញចេញ​ដោយ​បង្ខំ​ទាំង​ពីរ​មាន​ឱកាស​បាន​ដាក់​ញត្តិ​ដោយ​ផ្ទាល់​ដៃ​ជួន​លោក​តំណាង​ពិសេស​របស់​អង្គការ​សហប្រជាជាតិ​ នៅ​ក្នុង​ខណៈពេល​ដែល​លោក​បាន​ចុះ​ទៅ​ធ្វើ​ទស្សនកិច្ច​ដោយ​ផ្ទាល់​នៅ​កន្លែង​ដែល​មាន​ការ​បណ្តេញ​ចេញ។

លោក​សុរិយា ប្រាសាទស៊ូប៊ែឌី ​បាន​ឡោមព័ទ្ធ​ជុំជិត​ដោយ​ប្រជាពលរដ្ឋ​ និង​មួយចំនួនទៀត​បាន​ស្រែក​ទ្រហូរយំ ​ព្រមទាំង​ជំរុញ​ឲ្យ​លោក​ជួយ​រក​ដំណោះស្រាយ​ផ្តល់​ទីជម្រក​ដល់​ពួក​គេ ​បន្ទាប់​ពី​ក្រុមហ៊ុន​ផានអ៊ីម៉ិច​របស់​លោកស្រី​ស៊ុយ ​ស៊ីផាន ​បាន​បណ្តេញចេញ​ដោយ​បង្ខំ​កាល​ពី​ឆ្នាំ​ទៅ។

«ពួក​ខ្ញុំ​មក​ជ្រក​នៅ​កន្លែង​នេះ​ហើយ​ គេ [រកកល] កម្ទេច​ពួក​ខ្ញុំ​ទៀត»។

ដើរ​កាត់​តង់កៅស៊ូ​ដែល​ប្រជាពលរដ្ឋ​កំពុង​ស្នាក់នៅ ​ក្បែរ​អគារ​ខ្ពស់​ៗ ​និង​កំពុង​តែ​រស់នៅក្បែរ​គំនរ​សំរាម​ដែល​មាន​ឃ្លិនស្អុយ​ ស្ទើរ​តែ​ទ្រាំ​ពុំ​បាន​ លោក​សុរិយា ប្រាសាទស៊ូប៊ែឌី ​បាន​ពិនិត្យមើល​ទីតាំង​ស្នាក់នៅ​ដោយ​ផ្ទាល់ ​ហើយ​លោក​បាន​ថ្លែង​ទៅ​កាន់​ប្រជាពលរដ្ឋ​ថា​លោក​នឹង​ដាក់​ចូល​បញ្ហា​ទាំង​នេះ​ទៅ​ក្នុង​របាយការណ៍​របស់​លោក។

លោក​បាន​មាន​ប្រសាសន៍​ថា​អ្វី​ដែល​លោក​មើល​ឃើញ​ព្រឹត្តិការណ៍​នៅ​ថ្ងៃ​នេះ ធ្វើ​ឲ្យ​លោក​បារម្ភ​យ៉ាង​ខ្លាំង​ចំពោះ​ស្ថានភាព​រស់នៅ​របស់​ប្រជាជន។​ លោក​បាន​មាន​ប្រសាសន៍​តាមរយៈ​អ្នក​បកប្រែ​ថា​ បញ្ហា​នេះ​មិន​ត្រឹម​តែ​មាន​ការ​រំលោភ​សិទ្ធិ​មនុស្ស​ទេ​វា​ថែម​ទាំង​រំលោភ​ផ្នែក​មនុស្សធម៌​ទៀត​ផង។

«ជានិច្ចកាល​គាត់​តែងតែ​លើក​ពី​បញ្ហា​ហ្នឹង​ដល់​រដ្ឋាភិបាល។ ហើយ​គាត់​សូម​ធានា​ថា​ គាត់​នឹង​លើក​រឿង​នេះ​ត​ទៅ​ទៀត ​ដើម្បី​ឲ្យ​រដ្ឋាភិបាល​ថ្នាក់ជាតិ​បាន ​ដឹង​ឮ»។

នៅ​មុន​ពេល​ដំណើរ​ទស្សនកិច្ច​របស់​លោក​សុរិយា ប្រាសាទស៊ូប៊ែឌី​ ប្រជាពលរដ្ឋ​នៅ​សហគម​បុរីកីឡា​ជាង​១០០​នាក់​ បាន​ប្រមូល​ផ្តុំគ្នា​តវ៉ា​ប្រឆាំង​នឹង​ក្រុមហ៊ុន​ផានអ៊ីម៉ិច​ របស់​លោកស្រី​ស៊ុយ ​ស៊ីផាន ​ដែល​ពុំ​បាន​សាងសង់​អគារ​ពីរ​បន្ថែម​ទៀត​សម្រាប់​ឲ្យ​ពួក​គេ​ស្នាក់​នៅ។

«ត្រូវ​ការ​ទីជម្រក ​ត្រូវ​ការ​សាលារៀន។ ​រាល់​ថ្ងៃ​នេះ​ហូប​បាយ​ក៏​មិន​ចូល​ដែរ​ រុយហើរ​ចូល​ពេញ​។​ ខ្ញុំ​មាន​ការ​ឈឺ​ចាប់​ណាស់! ​សុំ​ឲ្យ​ក្រុមហ៊ុន​ផានអ៊ីម៉ិច ​សាងសង់​ ១០​អគារ​ជូន​ពួក​ខ្ញុំ​វិញ»។

អ្នកស្រី ​ស៊ូ ​អ៊ីម ​អាយុ​៥៨​ឆ្នាំ ​រស់នៅ​សហគម​បុរីកីឡា​បាន​និយាយ​ថា ក្រុមហ៊ុន​ត្រូវតែ​គោរព​តាម​គោលការណ៍​របស់​លោក​នាយករដ្ឋមន្ត្រី​ហ៊ុន ​សែន ​ដែល​តម្រូវ​ឲ្យ​ក្រុមហ៊ុន​នេះ​សាងសង់​អគារ​ពីរ​បន្ថែម​ទៀត។

«ជួយ​ធ្វើ​យ៉ាង​ណា​ឲ្យ​ក្រុមហ៊ុន​សាងសង់​អគារ​ទី​៩ ​ទី​១០​ ឲ្យ​ប្រជាពលរដ្ឋ​ឡើងវិញ​ ដែល​គាត់​ធ្លាប់​បាន​សន្យា​ជាមួយ​ប្រជាពលរដ្ឋ»។

បន្ទាប់​ពី​មាន​ការ​បណ្តេញចេញ​ដោយ​បង្ខំ​កាល​ពី​ថ្ងៃ​ទី​៣ ​ខែ​មករា ​ឆ្នាំ​២០១២​ក្រុមហ៊ុន​ផានអ៊ីម៉ិច​មិន​ទាន់​រក​ដំណោះស្រាយ​ឲ្យ​ប្រជាពលរដ្ឋ​ដែល​នៅ​សេសសល់​ប្រមាណ​១១៧​គ្រួសារ​ទៀត​នៅ​ឡើយ​ទេ។ វីអូអេ​មិន​អាច​ទាក់​ទង​អ្នកស្រី ​ស៊ុយ ​ស៊ីផាន​ ប្រធាន​ក្រុមហ៊ុន​ផានអ៊ីម៉ិច​នៅ​ថ្ងៃ​ពុធ​នេះ​ដើម្បី​សុំ​សេចក្តី​បំភ្តឺ​បាន​ទេ។

XS
SM
MD
LG