ភ្ជាប់​ទៅ​គេហទំព័រ​ទាក់ទង

អាជ្ញាធរ​មិនទាន់​មាន​ការ​រៀបចំ​ឲ្យ​ប្រជាពលរដ្ឋ​ចូល​គោរព​បរមសព

  • គង់ សុឋានរិទ្ធ

ការចូល​គោរព​វិញ្ញាណ​ខន្ធ​ព្រះ​បរមសព​ក្នុង​ព្រះបរមរាជវាំង​ត្រូវ​បាន​ធ្វើ​ឡើង​តាម​ស្ថាប​ន​រដ្ឋ​និង​មន្ដ្រី​ផ្លូវការ​ជាមុន។

លោក​ខៀវ កញា​រិ​ទ្ធ បាន​ប្រាប់​ក្រុមអ្នកយក​ព័ត៌មាន​កាលពី​ថ្ងៃ​ច​ន្ទ​ថា ការចូល​គោរព​វិញ្ញាណ​ខន្ធ​ព្រះ​បរមសព​ក្នុង​ព្រះបរមរាជវាំង​ត្រូវ​បាន​ធ្វើ​ឡើង​តាម​ស្ថាប​ន​រដ្ឋ​និង​មន្ដ្រី​ផ្លូវការ​ជាមុន។

ភ្នំពេញ៖ រដ្ឋមន្ដ្រី​ក្រសួង​ព័ត៌មាន និង​ជា​អ្នកនាំពាក្យ​រដ្ឋាភិបាល​លោក​ខៀវ កញារិទ្ធ បាន​ឲ្យ​ដឹង​ថា​រដ្ឋាភិបាល​កំពុង​ពិចារណា​នៅ​ឡើយ​ថា​តើ​នឹងត្រូវ​អនុញ្ញាត​ឲ្យ​ប្រជាពលរដ្ឋ​សាមញ្ញ​ចូល​គោរព​វិញ្ញាណក្ខន្ធ​ព្រះ​បរមសព​សម្តេចព្រះ​នរោត្តម សីហនុ​ ក្នុង​ព្រះបរមរាជវាំង​ដោយ​របៀប​ណា។
លោក​ខៀវ កញា​រិ​ទ្ធ បាន​ប្រាប់​ក្រុមអ្នកយក​ព័ត៌មាន​កាលពី​ថ្ងៃ​ច​ន្ទ​ថា ការចូល​គោរព​វិញ្ញាណ​ខន្ធ​ព្រះ​បរមសព​ក្នុង​ព្រះបរមរាជវាំង​ត្រូវ​បាន​ធ្វើ​ឡើង​តាម​ស្ថាប​ន​រដ្ឋ​និង​មន្ដ្រី​ផ្លូវការ​ជាមុន។
«ដំបូង​យើង​ទទួល​អ្នក​ដែលមាន​អង្គការ​ចាត់តាំង​សិន។ ជា​ស្ថាបន​ បន្ទាប់មក​យើង​គិតថា​តើ​ត្រូវ​ឲ្យ​ប្រជាជន​សាមញ្ញ​ចូល​របៀប​ណា។ តើ​គាត់​ត្រូវ​ចូល​ដល់​ក្នុង​ឬ​គាត់​នៅត្រង់ណា។ ពីព្រោះ​បើសិនជា​ប្រជាជន​១​លាន​នាក់​ចូល​តើ​គាត់​ចូល​ដោយ​របៀប​ម៉េច ហើយ​តើ​យើង​ធានា​សុវត្ថិភាព​របៀប​ណា»។
គិត​រហូត​មកទល់ពេលនេះ​អតីតព្រះមហាក្សត្រ​យាង​ចូល​ទវង្គត​បាន​ចំនួន១៥ថ្ងៃ​ហើយ។ ក្រុម​ប្រជាពលរដ្ឋ​នៅតែ​បន្ត​កន្ទុយ​គ្នា​មក​គោរព​វិញ្ញាណក្ខន្ធ​ព្រះអង្គ​រាប់ពាន់នាក់​ក្នុង​មួយ​ថ្ងៃ។ ក្នុង​នោះ​ប្រជាពលរដ្ឋ​មួយ​ចំនួន​មកពី​ខេត្ត​នានា​ផងដែរ។ ប្រជាពលរដ្ឋ​មួយ​ចំនួន​បាន​ស្នាក់នៅ​ជាច្រើន​ថ្ងៃ​ក្នុង​ទីក្រុង​ភ្នំពេញ ដោយ​សង្ឃឹមថា​នឹង​អាច​បាន​ចូល​ព្រះបរម​រាជវាំង​គោរព​វិញ្ញាណក្ខន្ធ​ព្រះបរម​សព។
លោក​ខៀវ កញា​រិ​ទ្ធ លើកឡើងថា ​ប្រជាពលរដ្ឋ​នៅ​មាន​រយៈពេល​បី​ខែ​ទៀត​នៅ​ឡើយ​សម្រាប់​ចូល​គោរព​ព្រះបរមសព។
«ហើយបី​ខែ​នោះ​តើ​នឹង​មាន​មនុស្ស​ប៉ុន្មាន​លាន​នាក់​នឹង​មកហើយ​តើ​គាត់​ត្រូវ​ដើរមក​ដោយ​របៀប​ណា។ បើ​ឲ្យ​មនុស្ស​ចូល​ទៅ​ថ្វាយ​បង្គំ​មឈូសា​តែ​ម្តង​មិន​អាច​ធ្វើ​បាន​ទេ។ គឺ​មានតែ​ដើរកាត់​ធម្មតា​និង​ថ្វាយបង្គំពី​ណា​ទៅណា​តែប៉ុណ្ណោះ»។
លោក​គង់ សំអុល ឧបនាយក​រដ្ឋមន្ដ្រី​និង​ជា​រដ្ឋមន្ដ្រីក្រសួង​ព្រះបរមរាជវាំង​បាន​ប្រាប់​ក្រុម​អ្នកយក​ព័ត៌មាន​កាលពី​សប្តាហ៍​មុន​ថា រដ្ឋាភិបាល​នឹង​ត្រូវ​ដាក់​ម៉ាស៊ីន​រាប់​ចំនួន​មនុស្ស​សម្រាប់​ចូល​ក្នុង​ព្រះបរមរាជ​វាំង​ផងដែរ​ដើម្បី​មាន​លទ្ធភាព​កំណត់​ចំនួន​មនុស្ស​ចូល​គោរព​ព្រះ​វិញ្ញាណក្ខន្ធ៕
XS
SM
MD
LG