វ៉ាស៊ីនតោន៖ ព្រះតេជគុណ វជិរប្បញ្ញោ សាន សុជា ជាព្រះចៅអធិការវត្តមណីរតនារាម, សង្កាត់រលាប ក្រុងពោធិ៍សាត់ ខេត្តពោធិ៍សាត់ ជាធម្មាចារ្យសាលាសិក្សា ព្រះធម៌ព្រះសមណគោតមនៅស្រុកស្ទោងខេត្តកំពង់ធំ និងសាលារៀនព្រះធម៌វត្តខេមវ័ន ខេត្តកំពង់ចាម ហើយព្រះអង្គក៏ជាគ្រូអប់រំសីលធម៌អាចារ្យទូទាំងប្រទេសនៃក្រសួងធម្មការនិងសាសនា និងជាវាគ្មិនក្នុងកម្មវិធីព្រះពុទ្ធសាសនាផ្សារភ្ជាប់នឹងសង្គមនៃក្រសួងធម្មការនិងសាសនាផងដែរ។ ព្រះអង្គ បាននិមន្តជាវាគ្មិនរបស់កម្មវិធីហេឡូវីអូអេ។
សព្វថ្ងៃនេះមនុស្សក្នុងពិភពលោករស់នៅជាមួយនឹងបច្ចេកវិជ្ជាទំនើប វត្ថុប្រើប្រាស់សុទ្ធចេញពីវិទ្យាសាស្ត្រទំនើប។ ការអភិវឌ្ឍន៍ផ្នែកវិទ្យាសាស្ត្រធ្វើឲ្យមនុស្សជឿនលឿនក្នុងការសិក្សានិងការប្រកបការងារ ក៏ប៉ុន្តែការលូតលាស់វិទ្យាសាស្ត្រមួយផ្នែកទៀតធ្វើឲ្យលោកវិនាស ដូចជាការបង្កើតកាំភ្លើងគ្រាប់មីស៊ីលជាដើម។ ចំណែកព្រះពុទ្ធសាសនានិយាយអំពី រូប ចិត្ត លោកិយសច្ចៈ លោកុត្តរសច្ចៈ និងបរមត្ថសច្ចៈ។ តើការបង្រៀនរបស់ព្រះសម្មាសម្ពុទ្ធនៅមានឥទ្ធិពលលើសង្គមសម័យទំនើបនេះដែរឬទេ?
