កម្រងរូបភាពគួរឲ្យចាប់អាម្មណ៍អំពីហេតុការណ៍ថ្មីៗ និង ទិដ្ឋភាពក្នុងប្រទេសនានាជុំវិញពិភពលោក។
រូបភាពជុំវិញពិភពលោក ០៦ សីហា ២០២០
១
ប្រធានាធិបតីបារាំង លោក Emmanuel Macron ឱបពលរដ្ឋម្នាក់នៅពេលលោកធ្វើទស្សនកិច្ចទៅកាន់វិថីដែលត្រូវបានបំផ្លិចបំផ្លាញនៅទីក្រុងបេរូត ដើម្បីផ្ដល់ការគាំទ្រពីសំណាក់ប្រទេសបារាំងចំពោះប្រទេសលីបង់ បន្ទាប់ពីប្រទេសនេះរងនូវការផ្ទុះដ៏ប្រល័យមួយ។
២
ក្រុមអ្នកកាសែតពាក់ម៉ាស់ និងរក្សាគម្លាតសុវត្ថិភាពនៅពេលពួកគេយកព័ត៌មាននៅឯសន្និសីទសារព័ត៌មានមួយ រៀបចំដោយរដ្ឋមន្ត្រីសុខាភិបាលអាល្លឺម៉ង់ លោក Jens Spahn អំពីយុទ្ធសាស្តធ្វើតេស្តវីរុសកូរ៉ូណា នៅទីក្រុងប៊ែឡាំង ប្រទេសអាល្លឺម៉ង់។
៣
បុគ្គលិកសុខាភិបាលដែលស្ថិតក្នុងសម្លៀកបំពាក់ការពារខ្លួនកំពុងរុញសាកសពមួយនៅឯមន្ទីរពេទ្យមួយក្នុងទីក្រុងម៉ានីល ប្រទេសហ្វីលីពីន។ ទីក្រុងនេះក៏ដូចជាខេត្តនៅជុំវិញ បានត្រឡប់ទៅកាន់ការបិទសាជាថ្មី បន្ទាប់ពីក្រុមអ្នកជំនាញសុខាភិបាលបានព្រមានថា ប្រទេសនេះកំពុងដើរឆ្ពោះទៅរកភាពបរាជ័យក្នុងការប្រយុទ្ធប្រឆាងនឹងវីរុសកូរ៉ូណា។
៤
ផ្ទាំងផ្លាស្ទីកដែលរាងដូចចានត្រូវបានប្រើជាផ្នែកមួយនៃការក្សាគម្លាតសង្គម និងការទប់ស្កាត់ការឆ្លងវីរុសកូរ៉ូណា នៅឯក្លឹបរាត្រីឈ្មោះ Jazz Lounge Encounter នៅស្រុក Ginza នៃទីក្រុងតូក្យូ ប្រទេសជប៉ុន។
៥
ឡានក្រុងមួយគ្រឿងបើកនៅលើវិថីអមដោយដើមឈើ នៅជាយក្រុង Frankfurt ប្រទេសអាល្លឺម៉ង់ មុនពេលថ្ងៃរះ។
៦
កង់របស់អ្នកជិះកង់ជនជាតិហូឡង់ Fabio Jakobsen បុកជាមួយនឹងកង់របស់ Dylan Groenewegen ក្នុងពេលបើកការប្រណាំងកង់ Tour of Poland នៅទីក្រុង Katowice នៅភាគខាងត្បូងនៃប្រទេសប៉ូឡូញ កាលពីថ្ងៃទី៥ សីហា ២០២០។
៧
ក្រុមកម្មករកំពុងរៀបចំជួសជុលឈើឆ្កាងនៅព្រះវិហារឈ្មោះ Church of the Life-Giving Trinity នៅវិមាន Ostankino ដែលជាស្ថាបត្យកម្មវប្បធម៌រុស្ស៊ីដ៏ចណាស់មួយ នាពេលថ្ងៃលិច នៅទីក្រុងមូស្គូ ប្រទេសរុស្ស៊ី។
៨
សត្វ Flamingo ពណ៌ផ្កាឈូកងើបឡើងនៅក្នុងទ្រុង នៅតំបន់ Aigues-Mortes ជិតក្រុង Montpellier ស្ថិតនៅភាគខាងត្បូងនៃប្រទេសបារាំង។
៩
ផ្លូវមួយបែងចែកបឹង Cerro និងកន្លែងកែច្នៃស្បែកសត្វ Waltrading S.A. នៅទីក្រុង Limpio ប្រទេសប៉ារ៉ាហ្គាយ កាលពីថ្ងៃទី៥ សីហា ២០២០។ យោងតាមលោក Francisco Ferreira ដែលជាអ្នកបច្ចេកទេសនៅសាកលវិទ្យាល័យជាតិមន្ទីរពិសោធន៍ចម្រុះ (National University Multidisciplinary Lab) ទឹកបឹងដែលមានពណ៌បែបនេះ ដោយសារតែមានសារធាតុដែកច្រើន ដូចជាសារធាតុក្រូមីញ៉ូម (chromium) ដែលគេតែងប្រើសម្រាប់ការកែច្នៃស្បែកសត្វ។