រូបភាពជុំវិញពិភពលោកសម្រាប់ថ្ងៃទី៣០ ខែសីហា ឆ្នាំ២០១៥ មានមកពីប្រទេសចិន ជប៉ុន អ៊ីស្រាអែល ប័រទុយហ្គាល់ យេម៉ែន ម៉ាឡេស៊ី ឥណ្ឌា អេស្ប៉ាញ បេឡារុស និងស៊ុយអ៊ែត។
រូបភាពជុំវិញពិភពលោក ៣០ សីហា ២០១៥
១
កីឡាករ Ashton Eaton របស់អាមេរិកលើកដៃ នៅពេលលោកកាត់មូលទានបត្រយក្សដែលមានទឹកប្រាក់ចំនួន១០០.០០០ដុល្លារសម្រាប់ឯកត្តកម្មពិភពលោករបស់គាត់នៅក្នុងការប្រកួតកីឡាផ្នែកបុរសដែលមានដប់វិញ្ញាសាដប់នៅក្នុងការប្រកួតជើងឯកពិភពលោកលើកទី១៥របស់សមាគមអន្តរជាតិនៃសហព័ន្ធកីឡា (15th IAAF World Championships) នៅស្ថាតជាតិមួយក្នុងក្រុងប៉េកាំង ប្រទេសចិន។
២
មនុស្សម្នាកាន់បដា ហើយស្រែកបន្ទរពាក្យស្លោករបស់ពួកគេ នៅពេលពួកគេប្រមូលផ្តុំនៅខាងក្រៅសភាក្នុងតូក្យូ ដើម្បីតវ៉ាប្រឆាំងនឹងច្បាប់សន្តិសុខរបស់លោកនាយករដ្ឋមន្រ្តីជប៉ុន Shinzo Abe ដែលរូបភាពនេះថតដោយសារព័ត៌មាន Kyodo។
៣
ប៉ូលិសព្រំដែនរបស់អ៊ីស្រាអែលឃាត់ខ្លួនជនជាតិប៉ាឡេស្ទីនម្នាក់ក្នុងការតវ៉ាមួយនៅក្នុងទីក្រុង Beit Jala ក្នុងតំបន់ West Bank ប្រឆាំងនឹងរនាំងសម្គាល់ដែនដីរបស់អ៊ីស្រាអែល។
៤
រូបសំណាក់នៅលើដំបូលរបស់ក្រសួងហិរញ្ញវត្ថុរបស់ប័រទុយហ្គាល់នៅក្នុងក្រុងលីសបោន (Lisbon) ចាំងនឹងពន្លឺនៃព្រះច័ន្ទពេញវង់ដែលគេតែងហៅថា ព្រះច័ន្ទអសា្ចរ្យ ឬ Supermoon កាលពីថ្ងៃទី២៩ ខែសីហា ឆ្នាំ២០១៥។ Supermoon គឺជាឈ្មោះដែលគេដាក់ឲ្យនៅពេលដែលព្រះច័ន្ទពេញវង់ ឬព្រះច័ន្ទថ្មី មកជិតផែនដីដោយធ្វើឲ្យព្រះច័ន្ទនោះកាន់តែធំ។
៥
អ្នកជិះទូកក្តោងជនជាតិន័រវែសឈរនៅលើក្បាលកប៉ាល់ Siem Pilot ក្នុងបេសកកម្មស្វែងរក និងជួយសង្រ្គោះជនទេសន្តរប្រវេសន៍នៅសមុទ្រមេឌីទែរ៉ាណេ។
៦
មនុស្សម្នាឈរនៅជុំវិញក្រហួងមួយនៅកន្លែងនៃការវាយប្រហារតាមអាកាសដែលដឹកនាំដោយអារ៉ាប៊ីសាអូឌីតនៅក្នុងក្រុងសាណា (Sana'a) របស់ប្រទេសយេម៉ែន។
៧
អ្នកតវ៉ាម្នាក់ធ្វើការបួងសួងនៅថ្ងៃទីពីរនៃការធ្វើបាតុកម្មដែលទាមទារឲ្យមានកំណែទម្រង់ការបោះឆ្នោត និងការលាលែងពីតំណែងរបស់នាយករដ្ឋមន្រ្តី Najib Razak នៅក្នុងក្រុងគូឡាឡាំពួ។ ពលរដ្ឋម៉ាឡេស៊ីរាប់ពាន់អ្នកបានប្រមូលផ្តុំគ្នានៅកណ្តាលទីក្រុងគូឡាឡាំពួដើម្បីអំពាវនាវឲ្យមានការទម្លាក់នាយករដ្ឋមន្រ្តីឲ្យចេញពីតំណែងដោយសារការចោទប្រកាន់ពីអំពើពុករលួយ និងទាមទារឲ្យមានកំណែទម្រង់ស៊ីជម្រៅ ដោយមិនស្តាប់តាមការព្រមានរបស់ប៉ូលិសដែលបានប្រកាសថាការប្រមូលផ្តុំនេះមានលក្ខណៈខុសច្បាប់។
៨
អ្នកគាំទ្រម្នាក់ថតរូបដោយខ្លួនឯងក្នុងក្បួនដង្ហែនៃដំរីដែលមានព្រះកេសរបស់ព្រះគណេសនៅក្នុងសាសនាហិនឌូ នៅក្នុងក្រុង Mumbai ប្រទេសឥណ្ឌា។
៩
អ្នកពន្លត់អគ្គីភ័យពន្លត់ភ្លើងឆេះព្រៃនៅតំបន់ Lucenza ក្នុងក្រុង Cualedro ប្រទេសអេស្ប៉ាញ។
១០
ស្រ្តីដែលមានផ្ទៃពោះដើរឆ្លងកាត់ផ្លូវ នៅពេលពួកគេដើរក្បួននៅចំកណ្តាលទីក្រុងមីនស្កិ៍ (Minsk) ប្រទេសបេឡារុស (Belarus)។
១១
ក្រុម Artemis Racing របស់ស៊ុយអ៊ែត ដែលដឹកនាំដោយ Nathan Outteridge ប្រកួតនៅក្នុងថ្ងៃទី១នៃការប្រកួត 35th America's Cup World Series ក្នុងក្រុង Gothenburg ភាគខាងលិចនៃប្រទេសស៊ុយអ៊ែត កាលពីថ្ងៃទី២៩ ខែសីហា ឆ្នាំ២០១៥។
១២
អ្នករបាំដែលមានពាក់ម៉ាស និងសំលៀកបំពាក់ប្រពៃណីរបស់ជប៉ុនសម្តែងតាមផ្លូវនៅក្នុងពិធីបុណ្យរបាំ Super Yosaki 2015 នៅក្នុងទីក្រុងតូក្យូ ប្រទេសជប៉ុន។
១៣
ព្រះច័ន្ទដែលមកជិតផែនដី ឬត្រូវបានគេស្គាល់ថា Super Moon រះឡើងពីលើព្រះវិហារ Orthodox នៅក្នុងទីប្រជុំជន Novogrudok ១៥០គ.ម.នៅភាគខាងលិចពីរដ្ឋធានីមីនស្កិ៍ ប្រទេសបេឡារុស កាលពីថ្ងៃទី២៩ ខែសីហា ឆ្នាំ២០១៥។