កម្រងរូបភាពល្អៗអំពីហេតុការណ៍និងទិដ្ឋភាពក្នុងប្រទេសនានានៅជុំវិញពិភពលោក។
រូបភាពជុំវិញពិភពលោក ២៩ សីហា ២០១៩
១
អនុប្រធានសភាកំពុងអានលេខពិសេសនៃកាសែត Dzerkalo Tyzhnia ដែលចេញផ្សាយសម្រាប់ម្ដាយរបស់ទាហានអ៊ុយក្រែនម្នាក់ដែលបានស្លាប់ក្នុងការប្រយុទ្ធជាមួយពួកផ្ដាច់ខ្លួនគាំទ្រដោយរុស្ស៊ី មុនពេលបើកដំណើរការជាផ្លូវការនូវកិច្ចប្រជុំសភាលើកដំបូង នៅទីក្រុងកៀវ។
២
អ្នកស្រី Gina Miller ដែលជាអ្នកធ្វើយុទ្ធនាការប្រឆាំងនឹងការចាកចេញពីសហភាពអឺរ៉ុបរបស់ចក្រភពអង់គ្លេស និងជាមេធាវី កំពុងដើរចេញពីបន្ទប់ផ្សាយវិទ្យុ និងទូរទស្សន៍ ក្នុងទីក្រុងឡុងដ៍។
៣
សកម្មជនជនជាតិស៊ុយអែត អាយុ ១៦ ឆ្នាំ ឈ្មោះ Greta Thunberg បានបញ្ចប់ការឆ្លងកាត់សមុទ្រអាត្លង់ទិច ដើម្បីចូលរួមក្នុងកិច្ចប្រជុំកំពូលអង្គការសហប្រជាជាតិអំពីបម្រែបម្រួលអាកាសធាតុ នៅទីក្រុងញូវយ៉ក។
៤
ធ្នើរនៅហាងមួយមានសភាពទទេស្អាត ដោយសារពលរដ្ឋរស់នៅទីនេះបានទិញទឹកទាំងអស់ដើម្បីត្រៀមសម្រាប់ការមកដល់នៃព្យុះ Hurricane Dorian ក្នុងក្រុង Doral រដ្ឋហ្លរីដា សហរដ្ឋអាមេរិក។ មជ្ឈមណ្ឌលព្យុះសង្ឃរាជាតិអាមេរិកបាននិយាយថា ព្យុះ Dorian អាចនឹងបោកបក់លើឆ្នេរសមុទ្រនៃរដ្ឋហ្លរីដា នៅចុងសប្ដាហ៍នេះ ហើយជាព្យុះដ៏ខ្លាំងមួយទៀតផង។
៥
សត្វស្លាបមួយគូទំនៅលើមែកឈើនៅពេលថ្ងៃរះ ឆ្លុះទៅនឹងផ្សែងចេញពីព្រៃអាម៉ាសូន នៅពេលដែលព្រៃនេះត្រូវបានកាប់បំផ្លាញដោយពួកអ្នកកាប់ឈើនិងអ្នកធ្វើចម្ការ នៅជិតទីក្រុង Porto Velho ប្រទេសប្រស៊ីល។
៦
នាង Elena ថតរូបជាមួយថូស្រាសម្រាប់កម្មវិធី Oktoberfest ឆ្នាំ ២០១៩ នៅទីក្រុងមុយនិច ប្រទេសអាល្លឺម៉ង់។
៧
ឧទ្ធម្ភាគចក្រមួយគ្រឿងកំពុងបាញ់ទឹកទៅលើកូនភ្នំមួយបន្ទាប់ពីភ្លើងព្រៃបានឆាបឆេះជាយក្រុង Vironas ប្រទេសក្រិក។
៨
កម្មករកំពុងដករបាំងចេញពីកន្លែងដែលបាក់ស្រុត នៅលើផ្លូវមួយនៃទីក្រុង Hangzhou ខេត្ត Zhejiang ប្រទេសចិន។
៩
អ្នកទស្សនាទទឹកជោគនៅក្លែងងូតទឹក នៅពេលពួកគេស្ដាប់ចម្រៀងច្រៀងដោយតារាចម្រៀងអូប៉េរ៉ា គឺតារាចម្រៀងជនជាតិឆែក ឈ្មោះ Eva Kyvalova។ ការសម្ដែងនេះជាផ្នែកមួយនៃការសម្ដែងល្ខោនអូប៉េរ៉ា Don Giovanni នៅលើដំបូលនៃអាគារ Lucerna ក្នុងរដ្ឋធានីប្រាក សាធារណរដ្ឋឆែក។
១០
ភ្ញៀវឈរនៅលើកម្រាលព្រំដែលគេក្រាលសម្រាប់ការចាក់ផ្សាយភាពយន្តដែលមានចំណងជើងថា «ការពិត» ដែលគេចាក់ផ្សាយដើម្បីជាការប្រកួតក្នុងកម្មវិធីបុណ្យភាពយន្តទីក្រុង Venice លើកទី៧៦ នៅទីក្រុង Venice ប្រទេសអ៊ីតាលី។
១១
អ្នកទស្សនាឈរនៅផ្នែកខាងមុខនៃឧទ្យានអាកាស Marina Bay Sands ក្នុងប្រទេសសិង្ហបុរី។