កម្រងរូបភាពល្អៗអំពីហេតុការណ៍និងទិដ្ឋភាពក្នុងប្រទេសនានានៅជុំវិញពិភពលោក។
រូបភាពជុំវិញពិភពលោក ២៣ សីហា ២០១៩
១
ក្មេងប្រុសម្នាក់លោតចូលទៅក្នុងទឹកបឹងដែលមានពេញដោយស្លែ នៅទីក្រុង Kirtipur ស្ថិតនៅជាយរដ្ឋធានីកដ្ឋមណ្ឌូ ប្រទេសនេប៉ាល់។
២
បុរសម្នាក់ភ្ជាប់រូបប្រធានាធិបតីសហរដ្ឋអាមេរិក ដូណាល់ ត្រាំ ទៅនឹងបង្គោលឈើ នៅពេលគាត់ត្រៀមសម្រាប់ការធ្វើបាតុកម្មប្រឆាំងនឹងជំនួបកំពូល G-7 នៅជំរំមួយជិតក្រុង Hendaye ប្រទេសបារាំង។
៣
មេដឹកនាំជនជាតិដើមនៃកុលសកម្ព័ន្ធ Huni Kuin Kaxinawa ពីប្រទេសប្រេស៊ីល ចូលរួមក្នុងការធ្វើបាតុកម្មប្រឆាំងនឹងគោលនយោបាយបរិស្ថានរបស់រដ្ឋាភិបាលប្រេស៊ីល នៅខាងក្រៅស្ថានទូតប្រេស៊ីលក្នុងទីក្រុងឡុងដ៍ ប្រទេសអង់គ្លេស។
៤
ឧទ្យានុរក្សម្នាក់លើកដៃទៅកាន់រមាសញីពណ៌សមួយក្បាល ដែលគេដាក់ឈ្មោះថា Najin មានអាយុ ៣០ ឆ្នាំ។ Najin ជារមាសពណ៌សមួយក្បាលក្នុងចំណោម២ក្បាលដែលនៅសេសសល់ចុងក្រោយ នៅក្នុងឧទ្យាន Ol Pejeta Conservancy នៃប្រទេសកេនយ៉ា។
៥
ក្មេងស្រីម្នាក់កំពុងសម្លឹងមើលទៅកាន់មនុស្សយន្តដែលកំពុងអង្គុយនៅក្នុងបន្ទប់ការិយាល័យ ក្នុងទីក្រុងតូក្យូ។
៦
អ្នកពន្លត់អគ្គិភ័យម្នាក់កំពុងសម្រាក នៅពេលលោកធ្វើការពន្លត់អគ្គិភ័យនៅជុំវិញទីក្រុង Robore ស្ថិតនៅភាគខាងកើតនៃប្រទេសបូលីវី។
៧
ក្មេងៗសិស្សសាលាស្លៀកសម្លៀកបំពាក់ តែខ្លួនជាងព្រះគ្រិស្នៈ (Krishna) នៃសាសនាហិណ្ឌូ ហើយសម្ដែងក្នុងពិធីមួយ មួយថ្ងៃមុនចាប់ផ្ដើមពិធីបុណ្យឈ្មោះថា Janmashtami ឬជាថ្ងៃកំណើតរបស់គ្រិស្នៈ នៅក្រុង Amritsar ប្រទេសឥណ្ឌា។
៨
សេះឈ្មោលពូជមកពីប្រទេសអ៊ីស្លង់ កំពុងស៊ីស្មៅនៅលើវាលស្មៅនៅពេលថ្ងៃរះ នៅក្រុង Wehrheim ជិតទីក្រុង Frankfurt ប្រទេសអាល្លឺម៉ង់។
៩
ក្រុមអ្នកបច្ចេកទេសកំពុងរៀបចំសំណង់ដ៏ធំមួយធ្វើពីវិទ្យុចំនួនជិត១,៥០០គ្រឿង នៅទីលាន Vilnius Cathedral ដើម្បីរំលឹកដល់ព្រឹត្តិការណ៍នានាកាលពីឆ្នាំ១៩៨៩ នៅពេលដែលវិទ្យុត្រូវបានគេប្រើដើម្បីសម្រួលដល់ការធ្វើបាតុកម្មកាន់ដៃគ្នាឈ្មោះថា Baltic Way នៅទីក្រុងវិលនីញូស (Vilnius) ប្រទេសលីទុយអានី។
១០
អ្នកហែលទឹកម្នាក់កំពុងហែលក្បែរសត្វក្ងាន នៅពេលលោកហ្វឹកហាត់នៅពេលព្រឹកព្រលឹម នៅបឹង Serpentine ក្នុងទីក្រុងឡុងដ៍ ប្រទេសអង់គ្លេស។