រូបភាពជុំវិញពិភពលោក សម្រាប់ថ្ងៃទី១៣ ខែសីហា ឆ្នាំ២០១៥ មកពីប្រទេសអ៊ីតាលី លីបង់ ចិន រុស្សី បូលីវី កូរ៉េខាងត្បូង សហរដ្ឋអាមេរិក និងអាហ្សង់ទីន។best news photos from around the world.
រូបភាពជុំវិញពិភពលោក ១៣ សីហា ២០១៥
១
អ្នកថតរូបម្នាក់ត្រៀមថតយករូបភាពភ្លៀងអាចម៌ផ្កាយ Perseid នៅភូមិ Crissolo ជិតក្រុង Cuneo នៅតំបន់ភ្នំ Monviso ភាគខាងជើងប្រទេសអ៊ីតាលី។ ភ្លៀងអាចម៌ផ្កាយ Perseid កើតមានជារៀងរាល់ឆ្នាំ នៅពេលដែលផែនដីឆ្លងកាត់បណ្តុំពពកកម្ទេចកម្ទី ដែលត្រូវបានបន្សល់ទុកដោយផ្កាយដុះកន្ទុយ Swift-Tuttle។
២
បុរសម្នាក់លោតចូលទៅក្នុងសមុទ្រនៅក្រុងបេរូត ប្រទេសលីបង់។
៣
អ្នកនៅរស់រានមានជីវិតនិយាយទូរស័ព្ទនៅកន្លែងកើតមានការផ្ទុះនៅសង្កាត់ Binhai ក្រុង Tianjin។ ការផ្ទុះធំៗចំនួនពីរបានបំផ្លាញតំបន់ឧស្សាហកម្មមួយ ទីដែលសារធាតុគីមី និងឧស្ម័នពុលត្រូវបានរក្សាទុកនៅក្រុងកំពង់ផែ Tianjin ភាគឦសានប្រទេសចិន ដោយបានសម្លាប់មនុស្សយ៉ាងហោចណាស់ ៤៤នាក់ ដែលក្នុងនោះរួមមានក្រុមអ្នកពន្លត់អគ្គីភ័យ ១២ នាក់ ហើយបានធ្វើឲ្យមនុស្សយ៉ាងហោចណាស់ ៧០០នាក់។
៤
ផ្សែងផុលចេញពីកន្លែងដែលរងការផ្ទុះមួយ ដែលបានធ្វើឲ្យឆេះខូចខាតរថយន្តថ្មីនៅឃ្លាំងមួយនៅក្រុងកំពង់ផែ Tianjin ភាគឦសានប្រទេសចិន។ ការផ្ទុះធំៗនៅសង្កាត់ទីតាំងឃ្លាំងនោះបានបញ្ជូនដុំភ្លើងធំៗចូលទៅក្នុងមេឃយប់ងងឹតដោយធ្វើឲ្យមានពន្លឺពាសពេញនៅទីក្រុងកំពង់ផែននោះ នេះបើយោងទៅតាមក្រុមមន្រ្តី និងអ្នកបានឃើញហេតុការណ៍។
៥
មេខ្លារខិនព្រិលឈ្មោះ Siri ឈរនៅជិតកូនឈ្មោះ Barid នៅសួនសត្វមួយនៅក្រុង Cologne ភាគខាងលិចប្រទេសអាល្លឺម៉ង់។
៦
ទំនប់វារីអគ្គិសនី Los Angeles មានពោរពេញទៅដោយដុំបាល់ផ្លាស្ទិចជាង ៩០ លានគ្រាប់នៅតំបន់ Sylmar ក្រុង Los Angeles នាថ្ងៃទី១២ ខែសីហា ឆ្នាំ២០១៥។ ទីក្រុងនោះបានបញ្ចប់កម្មវិធីគ្របទំនប់វារីអគ្គិសនីជាមួយគ្រាប់បាល់ស្រមោលអណ្តែត ដែលមានអង្កត់ផ្ចិត ៤អ៊ីន (១០,១៦ សង់ទីម៉ែត្រ) ដើម្បីការពារគុណភាពទឹក តាមរយៈការរាំរាំងពន្លឺព្រះអាទិត្យមិនឲ្យចូលនៅក្នុងផ្ទៃទំនប់ វារីអគ្គិសនីដែលមានទំហំ ១៧៥ អា (០,៧០ គីឡូម៉ែត្រ) ដោយការពារប្រតិកម្មគីមី ដែលបង្កឲ្យមានការដុះស្លែ និងបញ្ហាដទៃទៀត។
៧
ប្រជាជនការពារខ្លួនពីព្យុះទឹកកកនៅក្រុង La Cumbre ជិតក្រុង La Paz ប្រទេសបូលីវី។
៨
ស្រ្តីម្នាក់មើលទង់ជាតិកូរ៉េខាងត្បូង ដាក់ព្យួរលើដើមឈើនៅតំបន់កណ្តាលក្រុងសេអ៊ូល ដើម្បីអបអរសាទរទិវាបុណ្យឯករាជ្យលើកទី ៧០ នាពេលខាងមុខ។
៩
បុរសម្នាក់ចែវទូកនៅវិថីជន់លិចមួយនៅខាងមុខវិហារ Basilica of Lujan ជិតក្រុង Buenos Aires ប្រទេសអាហ្សង់ទីននាថ្ងៃទី ១២ ខែសីហា ឆ្នាំ២០១៥។