លោកស្រីសាស្ត្រាចារ្យ Francoise Barre-Sinoussiជ័យលាភីរង្វាន់ណូបែលខាងសរីរវិទ្យាឬ វេជ្ជសាស្ត្រឆ្នាំ២០០៨ និងជាសហអ្នករកឃើញមេរោគ HIV នៃជំងឺអេដស៍ កំពុងធ្វើទស្សនកិច្ចនៅទីក្រុងភ្នំពេញ ពីថ្ងៃទី៧ខែមេសាដល់ថ្ងៃទី៩ខែមេសាឆ្នាំ២០១០ដើម្បី ចែករំលែកលទ្ធផលនៃការស្រាវជ្រាវចុងក្រោយបង្អស់របស់ លោកស្រី អំពីការការពារដោយធម្មជាតិប្រឆាំងជំងឺអេដស៍ដែលរក ឃើញនៅក្នុងមនុស្សដែលមានមេរោគអេដស៍ ដល់និស្សិតនិងវេជ្ជបណ្ឌិតនៅសាកលវិទ្យាល័យកម្ពុជានៅ ទីក្រុងភ្នំពេញ។
លោកវេជ្ជបណ្ឌិតមាន ឈីវុន នាយកមជ្ឈមណ្ឌលជាតិប្រយុទ្ធនឹងជំងឺអេដស៍បានប្រាប់ វីអូអេថា លោកស្រីសាស្ត្រាចារ្យFrancoise Barre Sinoussi កំពុងចូលរួមយ៉ាងសកម្មនៅក្នុងការលើកស្ទួយ សកម្មភាពស្រាវជ្រាវខ្លាំង រវាងការស្រាវជ្រាវមេរោគHIV/AIDSនិងការធ្វើអន្ត រាគមន៍នៃសុខភាពសាធារណៈនៅប្រទេសដែលមានធនធាន កំណត់ ជាពិសេសតាមរយៈបណ្តាញវិជ្ជាស្ថាន Pasteur ឬ Institut Pasteur International Network និងការសម្របសម្រួលកម្មវិធីស្រាវជ្រាវនៅក្នុង ប្រទេសកម្ពុជា។
«លោកស្រីសាស្ត្រាចារ្យ Francoise Barre-Sinoussi បានខឹតខំរកថវិកាជួយដល់ប្រទេសកម្ពុជាយើង ជាពិសេសកម្មវិធីប្រយុទ្ធនឹងជំងឺអេដស៍លើវិស័យស្រាវ ជ្រាវគាត់ជ្រាបច្បាស់ណាស់ពីបញ្ហានៃការរាលដាលជំងឺ អេដស៍នៅក្នុងព្រះរាជាណាចក្រកម្ពុជា ហើយលោកស្រីបានយល់ច្បាស់ថា តើរដ្ឋាភិបាលបានធ្វើអ្វីខ្លះ? តើសង្គមស៊ីវិលបានចូលរួមចំណែកប៉ុណ្ណា ហើយនិងថា តើការវិវឌ្ឍនៃការរាលដាលជំងឺអេដស៍បានវិវឌ្ឍដូច ម្តេចខ្លះ។ លោកស្រីក៏បានពិសោធន៍យ៉ាងច្រើនពីប្រទេសកម្ពុជាផង ដែរ»។
លោកវេជ្ជបណ្ឌិតមាន ឈីវុនមានប្រសាសន៍ថា ប្រទេសកម្ពុជាជាប្រទេសមួយនៅក្នុងចំណោមប្រទេសខ្លះ ដែលមានការធ្លាក់ចុះនូវអត្រាប្រេវ៉ាឡង់នៃមេរោគអេដស៍ ក្នុងចំណោមប្រជាជនទូទៅ បានធ្លាក់ចុះពី២%នៅឆ្នាំ១៩៩៨មក១,២%នៅឆ្នាំ ២០០៣មក ០,៩%នៅឆ្នាំ២០០៦និងមក០,៧%នៅឆ្នាំ២០១០។ លោកឈីវុនមានប្រសាសន៍ថា តាមរយៈ Asian Epidemic Model (AEM) បានប៉ាន់ស្មានថា នៅប្រទេសកម្ពុជាក្នុងឆ្នាំ២០០៧ មានអ្នកផ្ទុកមេរោគអេដស៍ចំនួន៦១.៤០០នាក់ដែលនៅក្នុង នោះមាន៣២.២០០នាក់ជាស្ត្រីនិង២៩.២០០នាក់ជាបុរស ហើយនៅក្នុងឆ្នាំ២០១០អ្នកផ្ទុកមេរោគអេដស៍នឹងមានចំនួន ៥២.២០០នាក់។
លោកទា ផលា អគ្គលេខាធិការរងខាងអាជ្ញាធរអេដស៍កម្ពុជានិយាយ ប្រាប់វីអូអេថា នៅក្នុងរយៈ១០ឆ្នាំនេះកិច្ចការពារជំងឺអេដស៍បានទទួល ជោគជ័យ ពីព្រោះអាជ្ញាធរប៉ូលិសបានជួយដល់កិច្ចការនេះ។ លោកបានមានប្រសាសន៍បន្ថែមថា ក្រុមជនរកស៊ីផ្លូវភេទខ្លាចអាជ្ញាធរប៉ូលិសដែលតម្រូវ ឲ្យប្រើស្រោមអនាម័យតាមបទបញ្ជារបស់រដ្ឋាភិបាល។
លោកទា ផលាបានបញ្ជាក់ថា នៅប្រទេសកម្ពុជាការរាលដាលមេរោគអេដស៍ដំបូងមាន នៅក្នុងក្រុមប្រឈមមុខខ្ពស់ ហើយនិងតាមរយៈការជួញដូរផ្លូវភេទ។
បច្ចុប្បន្ននេះគេឃើញមានការកើនឡើងនូវអត្រាប្រេវ៉ាឡង់ មេរោគអេដស៍នៅលើក្រុមអ្នកប្រើប្រាស់គ្រឿងញៀន និងនៅលើក្រុមបុរសរួមភេទជាមួយបុរស។
«ពីឆ្នាំ១៩៩៩មកទល់ពេលនេះ អ្នករកស៊ីបម្រើផ្លូវភេទបានកើនឡើងបីដង...ពីចំនួន ១ម៉ឺននាក់ទៅជាង៣ម៉ឺន...ឬជិត៤ម៉ឺននាក់»។
លោកទា ផលាមានប្រសាសន៍ថា ស្រី្តរកស៊ីផ្លូវភេទចំនួន២០%ប្រើគ្រឿងញៀន ហើយអាជ្ញាធរលំបាកខ្លាំងក្នុងការអប់រំអ្នកទាំងនោះ កុំឲ្យប្រើគ្រឿងញៀន។
លោកនិយាយថា យុវជនអាយុពី១៨ទៅ២៤ឆ្នាំចំនួន១០%រួមរក្សផ្លូវ ភេទនៅក្រៅផ្ទះរបស់ខ្លួន។ ស្ត្រីនៅក្នុងចំណោមស្ត្រីបម្រើនៅតាមក្លឹបខារាអូខេ ចំនួន១៤%មានសង្សារជាកូនសិស្ស។
លោកស្រីសាស្ត្រាចារ្យ Francoise Barre-Sinoussi បានផ្តល់សុន្ទរកថាសំខាន់និងការសន្ទនានៅសាកលវិទ្យា ល័យកម្ពុជានៅថ្ងៃពុធនេះផ្តល់ការសន្ទនាជាមួយក្រុម សិស្សវិទ្យាល័យនៅសាលាអន្តរជាតិភ្នំពេញនៅថ្ងៃ ព្រហស្បតិ៍ទី៨ខែមេសានិងផ្តល់ការសន្ទនាសាធារណៈជាមួយ ក្រុមអ្នកស្រាវជ្រាវនៅសាកលវិទ្យាល័យវិទ្យាសាស្ត្រ សុខភាពនៅទីក្រុងភ្នំពេញនៅថ្ងៃសុក្រទី៩ខែមេសា ឆ្នាំ២០១០ នៅក្នុងការសហប្រតិបត្តិការជាមួយវិជ្ជាស្ថាន Pasteur កម្ពុជា។ ក្រុមស្រាវជ្រាវរបស់លោកស្រីដែលមានអ្នកវិទ្យា សាស្ត្រប្រមាណ២០នាក់ បច្ចុប្បន្ននេះកំពុងធ្វើការស្រាវជ្រាវថា តើមេរោគ HIV ឆ្លងពីម្តាយទៅកូនដូចម្តេចខ្លះ?