ប្រទេសកម្ពុជានៅក្នុងឆ្នាំនេះទំនងជាមិនបានទទួលភោគផលស្រូវ និងភោគផលកសិកម្ម ផ្សេងទៀតច្រើននោះទេ ក្រៅពីសណ្តែកនិងពោត នេះបើយោងតាមការផ្សងប្រផ្នូលដែល បានធ្វើទ្បើងក្នុងពិធីច្រត់ព្រះនង្គ័លកាលពីថ្ងៃអាទិត្យនេះ។
ក្រោយពីការព្យួររាស់បីជុំទីលានប្រារព្ធពិធី នៅមុខលានជល់ដំរីក្នុងបរិវេណប្រាសាទបាយ័ន ខេត្តសៀមរាប ក្នុងចំណោមអាហារប្រាំពីរមុខ មានស្រូវ ពោត សណ្តែក ល្ង ស្មៅ ទឹក និងស្រា ដែលគេរៀបចំដាក់ផ្សងក្នុងព្រះរាជពិធីច្រត់ព្រះនង្គ័លនោះ គោឧសភរាជគឺបរិភោគតែពោត និងសណ្តែកប៉ុណ្ណោះ។
ក្រុមបាគូបានទស្សទាយថា «លទ្ធផលនៃការផ្សងប្រផ្នូលតាមរយៈគោឧសភ រាជឱ្យបរិភោគនូវអាហារទាំងប្រាំពីរមុខទៅតាមតម្រាពីបុរាណ ហើយដែលគោឧសភរាជបានបរិភោគដូចតទៅ គឺទីមួយក្នុងឆ្នាំនេះពោតនឹងទទួលបានភោគផលល្អ ទីពីរសណ្តែកនឹងទទួលបានភោគផលបង្គួរ»។
យោងតាមសៀវភៅមហាសង្ក្រាន្តឆ្នាំនេះក៏បានទស្សទាយផងដែរថា ផលស្រូវឆ្នាំនេះក្នុង ប្រទេសកម្ពុជាបានទទួលផលមធ្យម និងអាចបំផ្លាញដោយសត្វល្អិតចង្រៃដែលទាមទារ ឱ្យកសិករទាំងអស់ត្រូវមានការប្រុងប្រយ័ត្ន។
ពិធីបុណ្យច្រត់ព្រះនង្គ័លឆ្នាំនេះប្រារឰទ្បើងក្រោមអធិបតីភាពរបស់ព្រះមហាក្សត្រខ្មែរ ព្រះបរមនាថ នរោត្តម សីហមុនី និងចូលរួមដោយលោក ហេង សំរិន ប្រជានរដ្ឋសភាជាតិ ព្រមទាំងមន្ត្រីរាជការ អ្នកមុខអ្នការជាច្រើនរូបទៀត។ ក្នុងព្រះរាជពិធីនេះ ព្រះអង្គម្ចាស់ស៊ីសុវត្ថិជីរាវុធ្ឋ ធ្វើជាស្តេចមាឃ និងអ្នកអង្គម្ចាស់នរោត្តមរស្មីពនីតាជាមេហួ៕