រូបភាពជុំវិញពិភពលោក ២៧ មេសា ២០១៧ មកពីប្រទេសឥណ្ឌា សហរដ្ឋអាមេរិក អាហ្វហ្គានីស្ថាន ប៉ាគីស្ថាន អ៊ីស្រាអែល វេណេស៊ុយអេឡា អង់គ្លេស អាល្លឺម៉ង់ និង អ៊ីរ៉ាក់។
រូបភាពជុំវិញពិភពលោក ២៧ មេសា ២០១៧
១
ខ្លាសមួយក្បាលកំពុងហែលនៅក្នុងព្រែកតូចមួយដើម្បីធ្វើឲ្យខ្លួនវាត្រជាក់នៅក្នុងថ្ងៃដ៏ក្តៅហួតហែងមួយ នៅឧទ្យានសួនសត្វជាតិ Anna ក្នុងទីក្រុង Chennai ប្រទេសឥណ្ឌា។
២
ស្ត្រីទីមួយ Melania Trump កំពុងស្តាប់នៅខណៈពេលដែលស្វាមីអ្នកស្រី គឺលោកប្រធានាធិបតី ដូណាល់ ត្រាំ ថ្លែងទៅកាន់អ្នកសារព័ត៌មាន ក្នុងកិច្ចប្រជុំមួយជាមួយប្រធានាធិបតីអាហ្សង់ទីន Mauricio Macri និងភរិយារបស់លោក អ្នកស្រី Juliana Awada នៅការិយាល័យរាងពងក្រពើនៅសេតវិមាន។
៣
គ្រួសារជនភៀសខ្លួនអាហ្វហ្គានីស្ថានរង់ចាំចុះឈ្មោះនៅឧត្តមស្នងការអង្គការសហប្រជាជាតិសម្រាប់ជនភៀសខ្លួន UNHCR នៅមណ្ឌលធ្វើមាតុភូមិនិវត្តន៍ នៅជាយក្រុង Peshawar ប្រទេសប៉ាគីស្ថាន។
៤
អ្នកបង្ហាញម៉ូតបុរសម្នាក់ត្រូវបានវិចិត្រករអ៊ីស្រាអែល Avi Ram គូររូបនៅលើខ្លួន។ លោកបានឈរឲ្យគេថតរូបនៅចំណុច Tower of David ក្នុងទីក្រុងចាស់នៃក្រុងហ្សេរុយសាឡិម ប្រទេសអ៊ីស្រាអែល។
៥
អ្នកគាំទ្ររបស់ក្រុមប្រឆាំងចូលរួមក្នុងការជួបជុំគ្នាធ្វើបាតុកម្មប្រឆាំងប្រធានាធិបតីវេណេស៊ុយអេឡា Nicolas Maduro នៅទីក្រុងការ៉ាកាស ប្រទេសវេណេស៊ុយអេឡា។
៦
សកម្មជននៃក្រុមប្រឆាំងបានគប់ដុំថ្មទៅកាន់ប៉ូលិសបង្ក្រាបកូដកម្ម ក្នុងពេលមានការប៉ះទង្គិចគ្នាក្រោយពេលមានបាតុកម្មប្រឆាំងនឹងប្រធានាធិបតីវេណេស៊ុយអេឡា Nicolas Maduro នៅទីក្រុងការ៉ាកាស។
៧
ក្រុមសកម្មជនមកពីអង្គការលើកលែងទោសអន្តរជាតិ បានស្លៀកពាក់តែងខ្លួនជារូបស្ត្រីតំណាងសេរីភាព ហើយបានចូលរួមក្នុងការធ្វើបាតុកម្មក្នុងថ្ងៃខួប១០០ថ្ងៃ នៃការកាន់តំណែងរបស់ប្រធានាធិបតី ត្រាំ នៅខាងក្រៅស្ថានទូតអាមេរិកប្រចាំទីក្រុងឡុងដ៍ ប្រទេសអង់គ្លេស។
៨
ជំនួយការកំពុងប្រកួតជាមួយសត្វឆ្កែ Charlie of Greydon ដែលមានម្ចាស់ឈ្មោះ Zsolt Erdei និង Jersey ក្នុងការប្រកួត IPO នៃកម្មវិធីប្រកួតជើងឯកពិភពលោកពូជឆ្កែ Belgian Shepherd នៅទីក្រុង Halle ប្រទេសអាល្លឺម៉ង់។
៩
Abdul Aziz អាយុ១៥ឆ្នាំ ជក់បារីមួយដើមខណៈពេលគាត់រង់ចាំភ្ញៀវមកទិញដីភក់ដែលយកចេញពីអណ្ដូងស្ពាន់ធ័រ នៅជិតស្ប៉ា Hamam Alil នៅភាគខាងត្បូងទីក្រុងម៉ូស៊ុល ប្រទេសអ៊ីរ៉ាក់។ ដីភក់នេះត្រូវគេជឿថាធ្វើឲ្យស្បែកមានសុខភាពល្អ។
១០
កសិករម្នាក់កំពុងសម្រាកពីការច្រូតកាត់ស្រូវសាឡីនៅក្នុងចម្ការមួយ នៅជាយក្រុងអ៊ីស្លាម៉ាបាដ ប្រទេសប៉ាគីស្ថាន។
