រូបភាពជុំវិញពិភពលោក នៅថ្ងៃទី១៩ ខែមេសា ឆ្នាំ២០១៥ នេះមានពីប្រទេសហ៊្សីមបាវ៉េ កូរ៉េខាងជើង ជប៉ុន ចិន ប៉ាគីស្ថាន កៀហ៊្សីស្ថាន ស្រីលង្កា សហរដ្ឋអាមេរិក កូឌីវ័រ អាល្លឺម៉ង់។
រូបភាពជុំវិញពិភពលោក ១៩ មេសា ២០១៥

១
កុមារជនជាតិហ៊្សីមបាវ៉េម្នាក់រង់ចាំរថយន្តក្រុងចាកចេញទៅកាន់រដ្ឋធានី Harare ពីជំរុំសម្រាប់អ្នកដែលរងផលប៉ះពាល់ដោយអំពើហិង្សាប្រឆាំងអន្តោប្រវេសន្តនៅក្នុងតំបន់ Chatsworth ភាគខាងជើងនៃទីក្រុង Durban ប្រទេសអាហ្រ្វិកខាងត្បួង។

២
ប៉ូលីសប៉ាគីស្ថានម្នាក់ដើរកាត់ផ្ទាំងប៉ាណូរូបប្រធានាធិបតីចិន Xi Jingping (កណ្តាល) អមដោយប្រធានាធិបតីប៉ាគីស្ថាន Mamnoon Hussain (ឆ្វេង) និងនាយករដ្ឋមន្រ្តីប៉ាគីស្ថាន Nawaz Sharif (ស្តាំ) ដើម្បីស្វាគមន៍ទទួលលោក Xi Jingping មកកាន់រដ្ឋធានីអ៊ីស្លាម៉ាបាដ។

៣
ម្ចាស់ឆ្មាម្នាក់បីឆ្មាប្រភេទ Maine Coon ឈរឲ្យថតរូបនៅមុខកញ្ចក់ ក្នុងពិធីតាំងពិព័រណ៍សត្វឆ្មានៅក្នុងទីក្រុង Bishkek ប្រទេសកៀហ៊្សីស្ថាន (Kyrgyzstan)។

៤
មេដឹកនាំកូរ៉េខាងជើង គីម ជុងអ៊ុន រាក់ទាក់ដាក់អ្នកបើកបរយន្តហោះកងទ័ព ក្នុងអំឡុងពេលទស្សនកិច្ចនៅលើកំពូលភ្នំ Paektu ក្នុងរូបថតមួយដែលបញ្ចេញដោយទីភ្នាក់ងារសារព័ត៌មានកូរ៉េខាងជើង Korean Central News Agency។

៥
ក្មេងប្រុសជនជាតិស្រីលង្កាម្នាក់ជ្រមុជក្នុងរលកសមុទ្រនៅឯឆ្នេរមួយក្នុងទីក្រុង Colombo។

៦
ទីវាលនៃកៅអីទំនេរត្រូវបានឃើញដាក់បង្ហាញនៅក្នុងពីធីបុណ្យខួបទី២០ ដើម្បីរំឭកដល់ការបំផ្ទុះគ្រាប់បែកនៅក្នុងទីក្រុង Oklahoma សហរដ្ឋអាមេរិក។

៧
អ្នកចូលរួមហុចស៊ុតបន្តគ្នាដោយប្រើមាត់ នៅក្នុងពិធីបុណ្យសាសនា Popo (Mask) Carnival of Bonoua ភាគខាងកើតនៃទីក្រុង ក្នុងប្រទេសកូឌីវ័រ កាលពីថ្ងៃទី១៨ ខែមេសា ឆ្នាំ២០១៥។

៨
លោក Jason Brown លេងកីឡា Figure Skating នៅក្នុងកម្មវិធីបង្ហាញមួយនៅក្នុង World Team Trophy ក្នុងទីក្រុងតូក្យូ ប្រទេសជប៉ុន។

៩
ផ្កាជាច្រើនអណ្តែតនៅលើបឹងមួយក្បែរអតីតជំរុំឃុំខ្លួន Ravensbrueck របស់ណាហ៊្សី ក្នុងទីក្រុង Fuerstenberg ខាងជើងឆៀងខាងកើតប្រទេសអាល្លឺម៉ង់ ដើម្បីរំឭកខួបទី៧០នៃការរំដោះជំរុំនេះដោយកងទ័ពក្រហមកាលពីថ្ងៃទី៣០ ខែមេសា ឆ្នាំ២០១៥។

១០
អ្នកជិះស្គីចូលរួមក្នុងកម្មវិធី «ជិះស្គីរំអិលក្នុងឈុតហែលទឹក» នៅលើភ្នំ Zelyonaya នៅឯកន្លែងកំសាន្តក្នុងក្រុង Sheregesh តំបន់ Siberian Kemerovo។

១១
កូនខ្លាសអាយុ២ខែកំពុងលេងប្រលែងគ្នាក្នុងសួនសត្វ Tobu ក្នុងតំបន់ Miyashiro ក្នុងខេត្ត Saitama ភាគខាងជើងទីក្រុងតូក្យូ ប្រទេសជប៉ុន។

១២
អ្នកចូលរួមក្នុងការរត់ប្រណាំង «ពណ៌» ឆ្នាំ២០១៥ ក្នុងទីក្រុងប៉ារីស ប្រទេសបារាំង។

១៣
ដំរីមួយថើបអ្នកទស្សនាម្នាក់ក្នុងការសម្តែងមួយរបស់សាលាបង្វឹកដំរីក្នុងតំបន់ Xishuangbanna ខេត្ត Yunnan ប្រទេសចិន កាលពីថ្ងៃទី១៨ ខែមេសា ឆ្នាំ២០១៥។