ភ្ជាប់​ទៅ​គេហទំព័រ​ទាក់ទង

ព័ត៌មាន​​ថ្មី

កម្រង​រូបភាព៖ ពលរដ្ឋ​អាមេរិកាំង​និង​ខ្មែរ​អាមេរិកាំង​ចូល​រួម​ផ្តល់​មូលនិធិ​ជួយ​សិស្សានុសិស្ស​នៅ​ខេត្ត​សៀមរាប

ប្រជាពលរដ្ឋ​អាមេរិកាំង និង​ពលរដ្ឋ​ខ្មែរ​អាមេរិកំាង​ជាង​១០០នាក់ បាន​ជួបជុំ​គ្នា​នៅ​ក្នុង​ពិធី​រៃអង្គាស​ថវិកា​មួយ ដែល​ត្រូវ​បាន​រៀបចំ​ឡើង​ដោយ​អង្គការ Caring for Cambodia (CFC) ដើម្បី​ផ្តល់​មូលនិធិ​ឧបត្ថម្ភ​ដល់​កម្មវិធី​អប់រំ និង​កម្មវិធី​បណ្តុះបណ្តាល​គ្រូ​បង្រៀន​នៅ​តាម​សាលារៀន​ចំនួន​២១​កន្លែង នៅ​តាម​តំបន់​ជនបទ​ខេត្ត​សៀមរាប។ លោកស្រី Jamie Amelio ស្ថាបនិក និងជា​នាយិកា​នៃ​អង្គការ​ (CFC) បាន​ប្រាប់ VOA ថា មូលនិធិ​ដែល​ទទួល​បាន​ពី​កម្មវិធី​រៃអង្គាស​ថវិកា ដែល​ត្រូវ​បាន​រៀបចំ​ឡើង​កាលពី​រាត្រី​ថ្ងៃ​ព្រហស្បតិ៍ ទី៤ ខែ​ឧសភា​នេះ នឹង​យក​ទៅ​ប្រើប្រាស់​ដើម្បី​បន្ត​អនុវត្ត​កម្មវិធី​អប់រំ និង​កម្មវិធី​បណ្ដុះបណ្ដាល​គ្រូបង្រៀន​របស់ CFC ដែល​ត្រូវ​បាន​ទទួល​ស្គាល់​ដោយ​ក្រសួង​អប់រំ​យុវជន​ និង​កីឡា។ អង្គការ​សប្បុរសធម៌​មួយ​នេះ ត្រូវ​បាន​បង្កើត​ឡើង​នៅ​ឆ្នាំ​២០០៣ ដោយ​បាន​ផ្តល់​ការ​ឧបត្ថម្ភ​ដល់​ការ​សិក្សា​របស់​សិស្សានុសិស្ស​នៅ​ខេត្ត​សៀមរាប​ជាង​៦.០០០​នាក់ និង​ពង្រឹង​គុណភាព​គ្រូ​បង្រៀន​ផង​ដែរ៕

XS
SM
MD
LG