បន្ទាប់ពី​ឱ្យ​តម្រុយ​ជា​ច្រើន​សប្តាហ៍​ថា​លោក​នឹង​ឈរ​ឈ្មោះ​នៅ​ក្នុង​ការ​បោះឆ្នោត​នៅ​អាណត្តិ​ក្រោយ ប្រធានាធិបតី​អាមេរិក​លោក Joe Biden បាន​ប្រកាស​កាលពី​ថ្ងៃ​អង្គារ​ជា​ផ្លូវការ​ពី​បេក្ខភាព​ប្រធានាធិបតី​របស់​លោក​សម្រាប់​ឆ្នាំ ២០២៤ នៅ​ក្នុង​វីដេអូ​រយៈ​ពេល ៣ នាទី​ដែល​បង្ហាញ​ពី​អ្វី​ដែល​លោក​ជឿ​ថា​កំពុង​ស្ថិត​ក្នុង​ហានិភ័យ ដែល​នោះ​គឺ​ដួង​ព្រលឹង​អាមេរិក។ អ្នកស្រី Anita Powell រាយការណ៍​ពី​រដ្ឋធានី​វ៉ាស៊ីនតោន​អំពី​ការ​រំពឹង​ទុក​នៃ​ការ​ប្រកួត​ប្រជែង​ក្នុង​ការ​បោះឆ្នោត​មួយ​ទៀត​រវាង​លោក Biden និង​គូ​ប្រជែង​របស់​លោក​ដែល​ទំនង​ជា​លោក​អតីត​ប្រធានាធិបតី Donald Trump។ អ្នកនាង ស្រេង លក្ខិណា ជូន​សេចក្តី​ប្រែសម្រួល។